11-Apr-2023

ବୀରମହାରାଜପୁର,(ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଅଞ୍ଚଳରେ ତାପମାତ୍ରା ଅହେତୁକ ଭାବେ ବୃଦ୍ଧି ପାଇଛି।‌ କିଛି ଦିନ ହେବ ଏହି ଅଞ୍ଚଳରେ ତାପମାତ୍ରା ୩୮ ଡିଗ୍ରୀ ଉପରେ ରହୁଛି। ପ୍ରବଳ ଗ୍ରୀଷ୍ମ ପ୍ରବାହ ରେ ଜନଜୀବନ ଅସ୍ତବ୍ୟସ୍ତ ହେବା ସହ ଘରୁ ପଦାକୁ ବାହାରିବା ମୁସ୍କିଲ ହୋଇପଡିଛି। ଏଭଲି ଅବସ୍ଥାରେ ବୀରମହାରାଜପୁର ଠାରେ ବସୁଥିବା ଦୈନିକ ପରିବା  ବଜାର ରେ ବ୍ୟବସାୟୀ ମାନେ ମୁଣ୍ଡଫଟା ଖରାକୁ ନେଇ ଅକଥନୀୟ ଅସୁବିଧାର ଭୋଗୁଛନ୍ତି। କେବଳ ବ୍ୟବସାୟୀ ନୁହନ୍ତି ବଜାର କୁ ଆସୁଥିବା ଗ୍ରାହକ ମାନେ ମଧ୍ୟ ‌ ଖରା ଉତ୍ତାପ ରେ କଲବଲ ହେଉଛନ୍ତି। ମୁଣ୍ଡଫଟା ଖରା ସମୟରେ ପରିବା ବିକ୍ରେତାଙ୍କ ପାଇଁ କେବଳ ଜରି ପାଲ ହିଁ ଭରସା ପାଲଟିଛି। ଦୈନିକ ଏଠାରେ ପରିବା ବିକ୍ରେତା ଏବଂ ଅଞ୍ଚଳ ବାସୀଙ୍କ ସମାଗମ ‌ହେଉଥିଲେ ସୁଦ୍ଧା ପ୍ରସାଶନ ପକ୍ଷରୁ ଏଯାଏଁ ବଜାର ନିକଟରେ ପିଇବା ପାଣିର କୈାଣସି ବ୍ୟବସ୍ଥା କରାଯାଇ ନାହିଁ। ଯଦି କୈାଣସି ଚାଷୀ ଅଂଶୁଘାତ ର ଶିକାର ହୁଅନ୍ତି ତେବେ ସ୍ଥାନୀୟ ପ୍ରଶାସନ ଏଥିପ୍ରତି ଉତ୍ତରଦାୟୀ ରହିବେ ବୋଲି ଏଠାକୁ ଆସୁଥିବା ବ୍ୟବସାୟ ପ୍ରକାଶ କରିଛନ୍ତି। ପ୍ରତିଦିନ  ରାଜସ୍ୱ ଆଦାୟ ହେଉଥିଲେ ମଧ୍ୟ ବ୍ୟବସାୟୀ ଙ୍କ ସ୍ବାର୍ଥକୁ ପଞ୍ଚାୟତ କର୍ତ୍ତୁପକ୍ଷ ଅଣଦେଖା କରୁଥିବା ଅଭିଯୋଗ ହେଉଛି। ଦୈନିକ ବଜାର ଠାରେ ପ୍ରଶାସନ ପକ୍ଷରୁ ଏକ ନଳକୂପ ସ୍ଥାପନ ହୋଇଥିଲା।‌ ଯାହାଫଳରେ ଏଠାକୁ ଆସୁଥିବା କ୍ରେତା ଓ ବିକ୍ରେତା ଓ  ସ୍ଥାନୀୟ ଲୋକେ ପିଇବା ପାଣି ଟୋପାଏ ପାଉଥିଲେ। ନଳକୂପ ସ୍ଥାପନ ର କିଛି ଦିନ ପରେ ଏହି ନଳକୂପ କୁ କୈାଣସି ବ୍ୟକ୍ତି ଏଠାରୁ କାଢୀ ନେଇଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ତୁରନ୍ତ ଜିଲ୍ଲା ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ଜନସାଧାରଣ ଦାବି ହେଉଛି।