10-Apr-2023

ରେଢ଼ାଖୋଲ ( ଅନିଲ କୁମାର ପୃଷ୍ଟି ) ସମ୍ବଲପୁର ଜିଲ୍ଲା ରେଢ଼ାଖୋଲ ଥାନା ଅନ୍ତର୍ଗତ କଦଳୀ ଗଡ ଗ୍ରାମର ସାହୁ ପଡା ଛକରେ ରବିବାର ସକାଳ ୬.୩୦ମି  ସମୟରେ ଏକ ଟାଟାଏସିଇ  ଗାଡ଼ି ଧକ୍କାରେ ଜଣକ ମୃତ୍ୟୁ ହୋଇଛି । ମୃତ ଯୁବକ ଜଣକ ହେଲେ କଦଳୀଗଡ ଗ୍ରାମର ହାଡୁ ନାଏକ । ସୂଚନାଯୋଗ୍ୟ ଯେ ରବିବାର ଭୋର୍ ସକାଳୁ ହାଡୁ ନାଏକ ମହୁଲ ଗୋଟାଇବା ପାଇଁ ଗାଁ ପାଖ ଜଂଗଲକୁ ଯାଉଥିଲେ ସେହି ସମୟରେ ବୈ।ଦ୍ଧ ରୁ ରେଢ଼ାଖୋଲ ପଟକୁ ଆସୁଥିବା ଓଡି ୨୩ ଏଫ୍ ୭୮୯୧ ନମ୍ବର୍ ଏକ ଟାଟାଏସି ଦୃତ ଗତିରେ ଆସି ହାଡୁ ନାଏକଙ୍କୁ ପଛପଟୁ ଧକ୍କା ଦେଇଥିଲା ଫଳରେ ହାଡୁ ନାଏକ ଛିଟିକି ହୋଇ ପଡ଼ିଥିଲେ । ଗଡ଼ି ମଧ୍ୟ ରାସ୍ତାର ତଳକୁ ଓଲଟି ପଡିଛି ।  ସ୍ଥାନୀୟ ଲୋକେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ରେଢ଼ାଖୋଲ ଡାକ୍ତରଖାନାକୁ ଆଣି ଭର୍ତ୍ତି କରିଥିଲେ । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।  ଡ଼ାକ୍ତରଖାନାରେ ପୋଲିସ ପହଞ୍ଚି ମୃତଦେହ ଜବତ କରି ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିବାବେଳେ । ସେପଟେ ଗାଡି ଚାଳକକୁ ପୋଲିସ ଅଟକ ରଖିଛି ।