08-Apr-2023

ବଲାଙ୍ଗିର(ସନ୍ତୋଷ କୁମାର ଠାକୁର ):-ସ୍ଥାନୀୟ ମାଲପଡା ସ୍ଥିତ ବଲାଙ୍ଗିର ରେଳ ଉପଭୋକ୍ତା ସଂଘର କାର୍ଯ୍ୟାଳୟ ଠାରେ ବଲାଙ୍ଗିର ଜିଲ୍ଲା ରେଳ ଉପଭୋକ୍ତା ସଂଘର ସଭାପତି ପ୍ରଫେସର ତରୁଣ କୁମାର ମିଶ୍ରଙ୍କ ସଭାପତିତ୍ୱରେ ଆଜି ସଂଘର କାର୍ଯ୍ୟକାରଣୀ ବୈଠକ ଅନୁଷ୍ଠିତ ହୋଇଯାଇଛି । ପ୍ରଥମେ ସଂଘର ସାଧାରଣ ସଂପାଦକ ନାରାୟଣ ପାଢୀ ପୂର୍ବ ଆଲୋଚନାର ବିବରଣୀ ପାଠ କରିଥିଲେ । ସଂଘର କାର୍ଯ୍ୟକାରଣୀ ସଦସ୍ୟମାନେ ବିଭିନ୍ନ ବିଷୟରେ ଆଲୋଚନା କରିବା ସହ ନୂତନ ପ୍ରସ୍ତାବ ଗୁଡିକ ଉପସ୍ଥାପନ କରିଥିଲେ । ବଲାଙ୍ଗୀର ରେଳ ଷ୍ଟେସନ ରେ ଲାଗିବାକୁ ଥିବା ଲିପଟ ର ଟେଣ୍ଡର ସରିଲା ପରେ ମଧ୍ୟ ତାହା କାର୍ଯ୍ୟ କରା ଗଲା ନାହିଁ, ଏହା ନହେବା ଦ୍ୱାରା ବରିଷ୍ଠ ନାଗରିକ ଓ ରୋଗୀ ଦୁଇ ଓ ତିନି ନମ୍ବର ପ୍ଲାଟଫର୍ମ କୁ ଯିବାରେ ଅସୁବିଧା ହେଉଛି l ସେହିପରି ବଲାଙ୍ଗୀର - ଖୋର୍ଦ୍ଧା ରେଳ ଲାଇନ କାମ ଶୀଘ୍ର ସାରିବା, ବରିଷ୍ଠ ନାଗରିକ ଓ ରୋଗୀ ଙ୍କ ପାଇଁ ପ୍ଲାଟଫର୍ମ ରେ ଏକ ବେଟେରି ଗାଡି ଚଳାଇବା, ଦିଲ୍ଲୀ କୁ ବଲାଙ୍ଗୀର ଦେଇ ଟ୍ରେନ ଚଳାଇବା ଆଦି ବିଷୟ ରେ ଆଲୋଚନା ହୋଇଥିଲା l ଏନେଇ ସଂଘ ପକ୍ଷରୁ ପ୍ରଧାନମନ୍ତ୍ରୀ, ରେଳମନ୍ତ୍ରୀ, ବଲାଙ୍ଗୀର ଲୋକସଭା ସାଂସଦ, ରାଜ୍ୟସଭା ସାଂସଦ ଓ ରେଳ ବିଭାଗ ର ଅଧିକାରୀ ଙ୍କୁ ଲିଖିତ ଭାବରେ ଦାବି ଉପସ୍ଥାପନ କରାଯାଇଥିଲା l କିନ୍ତୁ ତାର କୌଣସି ସୁଫଳ ମିଳିଲା ନାହିଁ l ତେଣୁ ସଂଘ ଶେଷଥର ପାଇଁ ପୁଣି ଥରେ ସମସ୍ତ ଙ୍କୁ ଭେଟିବା ସହ ଲିଖିତ ଆକାରରେ ଦାବି ଜଣାଇବ l ତିନିମାସ ମଧ୍ୟରେ ସଂଘ ପକ୍ଷରୁ ଉପସ୍ଥାପନ କରାଯାଇଥିବା ଦାବି ଗୁଡିକ ପୂରଣ କରାନଗଲେ ସଂଘ ଆନ୍ଦୋଳନ କୁ ଓଲ୍ଲାହିବା ସହ ରେଳ ଷ୍ଟେସନ ସମୁଖ ରେ ଧାରଣା ଦେବ ବୋଲି ନିଷ୍ପତି ହୋଇଥିଲା l ଆସନ୍ତା ମେ ଶେଷ ସପ୍ତାହ ରେ ସାଧାରଣ ପରିଷଦ ବୈଠକ ଅନୁଷ୍ଠିତ ହେବାକୁ ସ୍ଥିର ହୋଇଥିଲା । ଏହି ସାଧାରଣ ପରିଷଦ ବୈଠକରେ ନୂତନ ପ୍ରସ୍ତାବ ଗୁଡିକକୁ ସର୍ବସମ୍ମତିକ୍ରମେ ଗୃହିତ କରାଯିବ ବୋଲି ସଭାପତି ଶ୍ରୀ ମିଶ୍ର ଘୋଷଣା କରିଥିଲେ । କୋଷାଧ୍ୟକ୍ଷ ଅଶୋକ କୁମାର  ଚାନ୍ଦ ଆୟବ୍ୟୟର ବିବରଣୀ ପ୍ରଦାନ କରିଥିଲେ । ଏହି ବୈଠକରେ ଉପସଭାପତି ଅଶୋକ କୁମାର ମିଶ୍ର, କାର୍ଯ୍ୟକାରିଣୀ ସଦସ୍ୟ ରୁତୁରାଜ ସିଂହ, ମନରଂଜନ ପୁରୋହିତ,  ଛବିଲାଲ ବେହେରା, ପ୍ରଭାକର ମିଶ୍ର, ଯୁଧିଷ୍ଠିର ମିଶ୍ର, ଧର୍ମପଦ ରଥ, ଗୋପବନ୍ଧୁ ପୁରୋହିତ ଉପସ୍ଥିତ ରହି ନିଜନିଜ ର ମତ ରଖିଥିବା ବେଳେ ସଂଘର ସହ ସଂପାଦକ ଦିବାକର ହୋତା ଧନ୍ୟବାଦ ପ୍ରଦାନ କରିଥିଲେ ।