07-Dec-2020

କଳାହାଣ୍ଡି-କୋକସରା, (ତ୍ରିନାଥ ବେଶ୍ରା)
କଳାହାଣ୍ଡି ଜିଲ୍ଲା କୋକସରା ବ୍ଲକ ଠାରେ ନୂତନ ପଞ୍ଚାୟତ ସମିତି କାର୍ଯ୍ୟାଳୟ ଉଦଘାଟିତ ହୋଇ ଯାଇଛି । କୋକସରା ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀମତୀ ମନୀଷା ଦାସ ଙ୍କ ନେତୃତ୍ୱରେ  ଉଦଘଟନୀ ସଭାକାର୍ଯ୍ୟ ଆୟୋଜିତ ହୋଇଥିଲା ଏହି ଉଦଘାଟନି ଉତ୍ସବରେ ଓଡ଼ିଶା ସରକାରଙ୍କ ଗୃହ  ଶକ୍ତି ଓ ଶିଳ୍ପ ମନ୍ତ୍ରୀ  ଦିବ୍ୟଶଙ୍କର ମିଶ୍ର ମୁଖ୍ୟ ଅତିଥି ଭାବରେ ଯୋଗ ଦେଇ ଥିବା ବେଳେ ସମ୍ମାନିତ ଅତିଥି ଭାବେ ଧର୍ମଗଡ଼ ନିର୍ବାଚନ ମଣ୍ଡଳୀ ବିଧାୟକ ମୌଶୋଧି ବାଗ ଓ କୋକସରା ବ୍ଲକ ଅଧକ୍ଷା  ଶ୍ରୀମତୀ  ସଭ୍ୟାରାଣୀ ବାଗ ଯୋଗ ଦେଇଥିଲେ ।  କୋକସରା ବ୍ଲକ ରୁ ହିଁ ପ୍ରଥମେ ସେ ରାଜନୀତି ଆରମ୍ଭ କରିଥିବା  ମନ୍ତ୍ରୀ ପ୍ରକାଶ କରିଥିଲେ ।  ଏହି ଅଞ୍ଚଳର ବିକାଶ ପାଇଁ ମୁଁ ଆପଣମାନଙ୍କ ସାଥୀରେ ଅଛି  ବୋଲି ମତ ରଖି  ଥିଲେ ମନ୍ତ୍ରୀ । କାର୍ଯ୍ୟକ୍ରମକୁ ବ୍ଲକ ସମ୍ପ୍ରସାରଣ ଅଧିକାରୀ ପରିଚାଳନା କରିଥିଲେ ।  ଏହି କାର୍ଯ୍ୟକ୍ରମ ରେ ବ୍ଲକ ର ସମସ୍ତ  କର୍ମଚାରୀ ସମସ୍ତ ସରପଞ୍ଚ, ସମିତି ସଭ୍ୟ  ଓ ଦଲୀୟ କର୍ମକର୍ତା ମାନେ ଉପସ୍ଥିତ ଥିଲେ ।  ପରେ ମହିମା ଗ୍ରାମ ପଞ୍ଚାୟତ ଡେଙ୍ଗାଗୁଡା ଠାରେ  ମାନ୍ୟବର ଗୃହ, ଶକ୍ତି ,ମନ୍ତ୍ରୀ  ଦିବ୍ୟଶଙ୍କର  ମିଶ୍ର  ଓ  ଧର୍ମଗଡ଼ ବିଧାୟକ ମୌଶୋଧି ବାଗଙ୍କ ଦ୍ଵାରା  ବିଦ୍ୟୁତ ଗ୍ରୀଡ଼ ମଧ୍ୟ ଉଦଘାଟିତ ହୋଇ ଥିଲା l ଏହି କାର୍ଯ୍ୟକ୍ରମ ମାନଙ୍କରେ କୋକସରା ଏବଂ ଆମପାଣି  ପୋଲିସ ପ୍ରଶାସନ ପକ୍ଷରୁ ମଧ୍ୟ ବେଶ ସୁରକ୍ଷା ପ୍ରଦାନ କରାଯାଇ ଥିଲା ।