13-Mar-2023

ଉଲୁଣ୍ଡା (ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ସଭାଗୃହରେ ଜିଲ୍ଲାପାଲଓ ଏସପିଙ୍କ ମିଳିତ ଅଭିଯୋଗ ଜନଶୁଣାଣି ଶିବିର ଅନୁଷ୍ଠିତ ହୋଇଯାଇଛି । ଶିବିରରେ ଜିଲ୍ଲାପାଲ ଅନୁପସ୍ଥିତ ଥିବାରୁ ଅତିରିକ୍ତ ଜିଲ୍ଲାପାଲ ସୁର୍ଯ୍ୟନାରାୟଣ ଦାସ ଏବଂ ଏସପି ଅମରେଶ ପଣ୍ଡା ଯୋଗଦେଇ ଜନସାଧାରଣଙ୍କ ଆପତି ଅଭିଯୋଗ ଶୁଣିଥିଲେ । ଏଥିରେ ସର୍ବମୋଟ ୩୧ଟି ଅଭିଯୋଗ ପଞ୍ଜିକୃତ ହୋଇଥିଲା । ସେଥି ମଧ୍ୟରୁ ୨୨ଟି ବ୍ୟକ୍ତିଗତ ଓ ୯ଟି ସାମୁହିକ ଅଭିଯୋଗ ହୋଇଥିବା ବେଳେ୧୫ଟି ଅଭିଯୋଗର ତୁରନ୍ତ ସମାଧାନ ହୋଇଥିଲା । ଅବଶିଷ୍ଠ ଅଭିଯୋଗ ଗୁଡିକ ନିର୍ଦ୍ଧାରିତ ସମୟ ମଧ୍ୟରେ ସମାଧାନ କରିବା ପାଇଁ ବିଭାଗୀୟ ଅଧିକାରୀ ମାନଙ୍କୁ  ଅତିରିକ୍ତ ଜିଲ୍ଲାପାଲ ନିର୍ଦେଶ ଦେଇଥିଲେ । ଏହି ଅବଶରରେ ଜଙ୍ଗଲଜମି ଅଧିକାର ଆଇନ ଅନୁସାରେ ୧୧ଟି ପରିବାରକୁ  ଜମିପଟ୍ଟା ଏବଂ ଡାଲଡବାର ଭିନ୍ନକ୍ଷମ ଦମ୍ପତି ଜମୁନା ଭୋଇ ଓ ତାଙ୍କ ସ୍ୱାମୀ ଭାଗିରଥି ଏବଂ ଉଲୁଣ୍ଡାର ସୁଶାନ୍ତ ବାରିକ ଓ ତାଙ୍କ ପତ୍ନୀ ଲିସାଙ୍କୁ ଅଢେଇଲକ୍ଷ ଲେଖାଁଏ ୫ଲକ୍ଷ ଟଙ୍କା ଭିନ୍ନକ୍ଷମ ବିବାହ ପ୍ରୋତ୍ସାହନ ରାଶି ପ୍ରଦାନ କରାଯାଇଥିଲା । ବିଡିଓ  କରିସ୍ମା ବେସ୍ରାଙ୍କ ତତ୍ୱାବଧାନରେ ହୋଇଥିବା ଏହି ଶିବିରରେ ଜିଲ୍ଲାପରିଷଦ ସିଇଓ ନିହାଁର ରଂଜନ କହଁର, ଉପଜିଲ୍ଲାପାଲ ଅଶୋକ ଭୋଇ, ବ୍ଲକ ଅଧ୍ୟକ୍ଷା ସାନ୍ତିଲତା ମିଶ୍ର ପ୍ରମୁଖ ମଂଚାସୀନ ହୋଇଥିଲେ । ଅନ୍ୟମାନଙ୍କ ମଧ୍ୟରେ ଏବିଡିଓ ଶୁଭ୍ରାଂଶୁ ଶେଖର ମଲ୍ଲିକ, ତହସିଲଦାର ଦିଲ୍ଲିପ ମାôଝ, ଏସଡିପିଓ ଡୋଲାମଣୀ ଭୋଇଙ୍କ ସମେତ ଜିଲ୍ଲା ତଥା ବ୍ଲକର ବିଭିନ୍ନ ବିଭାଗର ଅଧିକାରୀ ମାନେ ଯୋଗ ଦେଇଥିଲେ । ବିଏସଏସଓ କ୍ଷିରୋଦ୍ର ଭୁଷଣ ରାଏ ଶିବିରକୁ ପରିଚାଲନା କରିଥିବା ବେଳେ ବ୍ଲକର ସମସ୍ତ କର୍ମଚାରୀ ସହଯୋଗ କରିଥିଲେ ।