07-Mar-2023

ବଲାଙ୍ଗିର(ପ୍ରେରଣା ଖବର ): ଜିଲ୍ଲା ପ୍ରଶାସନ ଓ ଜିଲ୍ଲା ଶିଳ୍ପ କେନ୍ଦ୍ର ର ମିଳିତ ଆନୁକୁଲ୍ୟରେ ସ୍ଥାନୀୟ ପୃଥ୍ବୀରାଜ ଉଚ୍ଚ ବିଦ୍ୟାଳୟ ପଡିଆ ଠାରେ  ଚଳିତ ମାର୍ଚ୍ଚ ୫ ତାରିଖରୁ ୯ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେଉଥିବା ଜିଲ୍ଲାସ୍ତରୀୟ ଉଦ୍ୟୋଗୀ ସପ୍ତାହ ର ତୃତୀୟ  ଦିବସରେ ବିଭିନ୍ନ ବିଷୟ ଉପରେ ଆଲୋଚନା ଚକ୍ର ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମର ପ୍ରଥମ ପର୍ଯାୟରେ ଆଇଆଇପି, କଲିକତାର ଅରବିନ୍ଦ ଭଟ୍ଟାଚାର୍ଯ

ଉତ୍ପାଦ ର ବ୍ରାଣ୍ଡିଂ ଓ ପ୍ୟାକେଜିଙ୍ଗ ଉପରେ ଆଲୋଚନା କରିଥିଲେ । ଉତ୍ପାଦ ପାଇଁ କିଭଳି ପ୍ୟାକେଜିଙ୍ଗ କଲେ ତାର ଗୁଣବତ୍ତା ବୃଦ୍ଧି ହେବା ସଙ୍ଗେ ସଙ୍ଗେ ସେସବୁର ବଜାରୀକରଣ ର ସୁବିଧା ହୋଇପାରିବ ସେ ସମ୍ପର୍କରେ ବୁଝାଇଥିଲେ । ସେହିପରି ଉତ୍ପାଦର ବ୍ରାଣ୍ଡିଂ ପାଇଁ କେଉଁ ସବୁ ପ୍ରକ୍ରିୟା ଅବଲମ୍ବନ କରାଯାଇ ବଜାରରେ ସ୍ଥାୟୀ ରୂପେ ରଖାଯାଇପାରିବ ସେ ସମ୍ପର୍କରେ ଆଲୋଚନା କରିଥିଲେ । ପରେ ରାଉରକେଲାର ଏମଏସଏମଇ ,ଡ଼ିଏଫଓ ଦୀପକ କୁମାର ନାୟକ ଜେଡ଼ଇଡ଼ି ସମ୍ପର୍କରେ ବୁଝାଇଥିଲେ । କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗକୁ ଆଗେଇନେବା ପାଇଁ ସଚେତନତା ର ଆବଶ୍ୟକତା ରହିଛି ଯାହାକି ଜେଡ଼ଇଡ଼ି ସାର୍ଟିଫିକେସନ ଦ୍ଵାରା କିଛି ଜଟିଳ ସମସ୍ୟାର ସମାଧାନ ହୋଇପାରିବ ବୋଲି ପ୍ରକାଶ କରିଥିଲେ । ପରେ ଶିଲ୍ପ ପ୍ରୋତ୍ସାହନ ଅଧିକାରୀ ଦେବାନନ୍ଦ ପ୍ରଧାନ ପିଏମ ଇ ଜି ପି ଜରିଆରେ ଶିଲ୍ପ ତଥା

ବାଣିଜ୍ୟ କରିବା  ନିମନ୍ତେ ଥିବା ସୁବିଧା ସୁଯୋଗ ସମ୍ପର୍କରେ ଆଲୋଚନା କରିଥିଲେ । ବଲାଙ୍ଗିର ରିଲାଏନ୍ସ ଏଜୁକେସନ କମ୍ପ୍ଲେକ୍ସ ର ମନୋଜ କୁମାର ମିଶ୍ର ଶିଳ୍ପଦ୍ୟୋଗୀ ଓ ଶିଲ୍ପ ତାଲିମ ଉପରେ ନିଜର ବକ୍ତବ୍ୟ ପ୍ରଦାନ କରିଥିଲେ । ପରେ ନାରୀଶକ୍ତି ମସଲା ଉଦ୍ୟୋଗ, ବରଗାଁ ର ସଭାନେତ୍ରୀ ଗୀତା ଦାସ ମହିଳା ମାନେ ଉଦ୍ୟୋଗୀ ହେବା ନିମନ୍ତେ ସରକାରଙ୍କ ବିଭିନ୍ନ ଯୋଜନା ସମ୍ପର୍କରେ ସଚେତନ ହେବା ସହ ଆତ୍ମନିର୍ଭରଶୀଳ ହେବାକୁ ପରାମର୍ଶ ଦେଇଥିଲେ । ମେହେର ଫୁଟୱେର ,ଟିଟିଲାଗଡର ବିଜୟ ମେହେର ଜଣେ ସଫଳ ଉଦ୍ୟୋଗୀ ହେବା ନିମନ୍ତେ ଯେଉଁ ସବୁ ପ୍ରକ୍ରିୟାର ଆବଶ୍ୟକତା ରହିଛି ତାହା ଆଲୋକପାତ କରିବା ସହ ନିଜର ଅନୁଭୂତି ବର୍ଣ୍ଣନା କରିଥିଲେ । ଜିଲ୍ଲା ଶିଲ୍ପକେନ୍ଦ୍ରର ସାଧାରଣ ପରିଚାଳକ ବିଷ୍ଣୁ ପ୍ରସାଦ ଦାଶ ନିଜର ବକ୍ତବ୍ୟରଖିଥିଲେ ।