06-Mar-2023

ବଲାଙ୍ଗୀର- ବଲାଙ୍ଗିର ଯାଦବ ସମାଜ ଦ୍ୱାରା ଦୋଳ ପୂର୍ଣ୍ଣିମା ଓ ହୋଲି ଉପଲକ୍ଷେ ଯାଦବ ଭବନ ଠାରେ କବିତା ଆସର ଆୟୋଜିତ ହୋଇଯାଇଛି । ଉକ୍ତ ସଭାରେ ବଲାଙ୍ଗିର ପୌରାଞ୍ଚଳ ଯାଦବ ସଭାପତି ପଙ୍କଜ ସେଲମାଙ୍କ ସଭାପତିତ୍ୱ ମୁଖ୍ୟ ଅତିଥି ଭାବରେ ନାଟ୍ୟଭୂଷଣ ଜଗଦାନନ୍ଦ ଛୁରିଆ, ସମ୍ମାନିତ ଅତିଥି ରୂପେ ଆନନ୍ଦ ଚନ୍ଦ୍ର ସାହୁ, ମଧୁ ସୁଦନ ନାଏକ, ରାଜେଶ ଦଣ୍ଡେନା ମଂଚାସୀନ ଥିଲେ । ଦୋଳ ପୂର୍ଣ୍ଣିମା ରଙ୍ଗ ପର୍ବ ହୋଲିର ଐତିହ୍ୟ, ପରମ୍ପରା ଏବଂ ବର୍ତ୍ତମାନ ସମୟରେ ଏହାର ପ୍ରାସଙ୍ଗିକତା ଉପରେ ଅତିଥିମାନେ ମତବ୍ୟକ୍ତ କରିଥିଲେ । ଏହି ଅବସରରେ କଳାକାର ଚୈତନ୍ୟ ମଟାରୀ ଯାଦବ ସମ୍ମାନରେ ସମ୍ମାନିତ କରାଯାଇଥିଲା । ଏହି ସଭାକୁ କବିରାଜ ଭୋଇ ପରିଚାଳନା କରିଥିଲେ । ପରେ ବିରେନ୍ଦ୍ର ପାଣ୍ଡେ ଏବଂ ଧର୍ମେନ୍ଦ୍ର ପ୍ରଧାନଙ୍କ ସଂଯୋଜନାରେ ଶତାଧିକ କବି କବୟତ୍ରୀ ସ୍ୱ ରଚିତ କବିତା ପାଠ କରିଥିଲେ । ଉକ୍ତ କାର୍ଯ୍ୟକ୍ରମକୁ ବାସୁଦେବ ନାଗ, ସତ୍ୟନାରାୟଣ ବାଗ, ଖରତମଲ ରାଉତ, ଅଷ୍ଟମୀ ବଗର୍ତ୍ତି, ଛବିଳ ବଗର୍ତ୍ତ, ସାମ୍ବାଦିକ ଅରୁଣ ମିଶ୍ର, ଦିବାକର ପୋଡ, ଆକୁଳ ବଗର୍ତ୍ତି, ଅର୍ଜୁନ ସାହୁ, ଗବେଷିକା ସୀମାରାଶି ରଥ, ନିମାଇଁ ଚରଣ ପାଣିଗ୍ରାହୀ, ଉମେଶ ବିଶ୍ୱାଲ, କିଶୋର ଜାଲ, ସନ୍ଦୀପ ବାଗ, ଦିଲିପ ମିଶ୍ର, ପ୍ରଭାସିନୀ ଭୋଇ, ଗୋପିନାଥ ଦଣ୍ଡସେନା, କବିତା ମିଶ୍ର ସହଯୋଗ କରିଥିଲେ ।  ଶେଷରେ ପ୍ରଶାନ୍ତ ମହାକୁର ଧନ୍ୟବାଦ ଅର୍ପଣ କରିଥିଲେ ।