05-Mar-2023

ବିନିକା(ହିମାଂଶୁ ଶେଖର ପୁଟେଲ): ବିନିକା ସିଦ୍ଧାର୍ଥ ଡିଗ୍ରୀ କଲେଜ ତରଫରୁ ଏନଏସଏସ ନେତୃତ୍ଵ ବିକାଶ ତାଲିମ ଶିବିର ଆରମ୍ଭ ହୋଇଛି ।ଏହା ତିନି ଦିନଧରି ଚାଲିବ । ପଡ଼ିଆରେ ସମସ୍ତଙ୍କ ଉପସ୍ଥିତିରେ ମୁଖ୍ୟ ଅତିଥି ସରିତା ପଟେଲ ଆଞ୍ଚଳିକ ନିର୍ଦ୍ଦେଶକ ଏନଏସଏସ ଭୁବନେଶ୍ୱର ଏନଏସଏସ ପତାକା ଉତ୍ତୋଳନ କରି ଶିବିରକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ ।ପରେ ଅନୁଷ୍ଟିତ ସଭାରେ କଲେଜ ଅଧ୍ୟକ୍ଷ ଡ଼ ଧୀରେନ୍ଦ୍ର କୁମାର ନାୟକ ସଭାପତିତ୍ବ କରିଥିଲେ ।ଏଥିରେ ମୁଖ୍ୟଅତିଥି ସୁଶ୍ରୀ ପଟେଲ,ସମ୍ମାନିତ ଅତିଥି ଭାବେ ପ୍ରୋଗ୍ରାମ କୋଡିନେଟର ଏନଏସଏସ

ସମ୍ବଲପୁର ବିଶ୍ଵ ବିଦ୍ୟାଳୟର ସୁମନ୍ତ କେରକେଟା,ଡିପିଓ ଏନଏସଏସ ସୁବର୍ଣ୍ଣପୁରର ମନୋରଞ୍ଜନ ଘଡେଇ,ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ରେଖା ପ୍ରଧାନ ଯୋଗଦେଇଥିଲେ ।ପ୍ରଥମ ପର୍ଯ୍ୟାୟରେ ମୁଖ୍ୟଅତିଥି ସୁଶ୍ରୀ ପଟେଲ ଏନଏସଏସର ଲକ୍ଷ୍ୟ ଓ ଉଦ୍ଦେଶ୍ୟ ଉପରେ,ବୌଦ୍ଧ ପଞ୍ଚାୟତ କଲେଜ ଅଧ୍ୟାପକ ଡ଼ ପ୍ରବୀର କୁମାର ଦାସ ଯୁବ ନେତୃତ୍ୱ ଉପରେ,ସମ୍ବଲପୁର ଜିଲ୍ଲା କାର୍ଯ୍ୟକ୍ରମ ଅଧିକାରୀ ବିଶ୍ଵମୋହନ ଜେନା ସ୍ୱେଚ୍ଛା ସେବା ଉପରେ ଏବଂ ସୋନପୁରର ରାଜୀବ ନାୟକ ବ୍ୟକ୍ତିତ୍ୱର ବିକାଶ ଉପରେ ଉପସ୍ଥିତ ସ୍ବେଚ୍ଛାସେବୀ ମାନଙ୍କୁ ପ୍ରାଞ୍ଜଳ ଭାବେ ବୁଝାଇଥିଲେ ।କାର୍ଯ୍ୟକ୍ରମରେ ଇତିହାସ ବିଭାଗ ମୁଖ୍ୟ ରୁଦ୍ରନାରାୟଣ ଦାଶ ସ୍ଵାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥିବା ବେଳେ ପ୍ରୋଗ୍ରାମ ଅଧିକାରୀ ଅଧ୍ୟାପକ ହରିଶ୍ଚନ୍ଦ୍ର ହୋତା ଧନ୍ୟବାଦ ଅର୍ପଣ କରିଥିଲେ ।ଅନୁଷ୍ଟିତ ଏହି ଶିବିରରେ ସମ୍ବଲପୁର ବିଶ୍ଵ ବିଦ୍ୟାଳୟ ଅଧୀନ ୧୦ଗୋଟି ମହାବିଦ୍ୟାଳୟର କାର୍ଯ୍ୟକ୍ରମ ଅଧିକାରୀ ଓ ୧୦୦ଜଣ ସ୍ବେଚ୍ଛାସେବୀ ଯୋଗଦେଇଛନ୍ତି । ଶିବିର ଉଦ୍ଘାଟନ ପୂର୍ବରୁ ସାମିଲ ହୋଇଥିବା ସ୍ବେଚ୍ଛାସେବୀ ମାନଙ୍କ ସ୍ୱାସ୍ଥ୍ୟର ହିତ ପାଇଁ ଖେଳ ଶିକ୍ଷକ ନାରାୟଣ ଚୌଧୁରୀଙ୍କ ଦ୍ଵାରା ବ୍ୟାୟାମ ପ୍ରଶିକ୍ଷଣ ଦିଆଯାଇଥିଲା ।ସନ୍ଧ୍ୟାରେ ଛାତ୍ରଛାତ୍ରୀଙ୍କ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।ଶିବିର ପରିଚାଳନାରେ କଲେଜର ସମସ୍ତ ଅଧ୍ୟାପକ/ଅଧ୍ୟାପିକା,କର୍ମଚାରୀ ସହଯୋଗ କରିଥିଲେ ।