05-Mar-2023

ବରଗଡ଼ (ପ୍ରେରଣା ଖବର): ସ୍ଥାନୀୟ ଗଣପତି  ଭିଲ୍ଲା ଠାରେ ଦ୍ଵିତୀୟ ଓଡିଶା ୱେଷ୍ଟ ଜୋନ୍ ଟାଏକୋଣ୍ଡୋ ଚମ୍ପିୟାନସିପ ୨୦୨୩ ର ଏକ ପ୍ରସ୍ତୁତି ବୈଠକ ଗଣପତି ଭିଲ୍ଲା ଠାରେ ବରଗଡ଼ ଜିଲ୍ଲା ସଭାପତି  ନବକିଶୋର ପାଣିଗ୍ରାହୀଙ୍କ ସଭାପତ୍ୱରେ ଅନୁଷ୍ଠିତ ହୋଇଥିଲା । ଉକ୍ତ ବୈଠକରେ ଟାଏକୋଣ୍ଡୋ ର ରାଜ୍ୟ ସାଧାରଣ ସମ୍ପାଦକ ମନମୋହନ ଭଞ୍ଜ ମୁଖ୍ୟ ଅତିଥି ଭାବେ ଯୋଗ ଦେଇ ଆଗାମୀ ତିନି ଦିବସୀୟ ଏପ୍ରିଲ ୧୪ରୁ ୧୬ ପର୍ଯ୍ୟନ୍ତ ବରଗଡ଼ରେ ହେବାକୁ ଥିବା ୱେଷ୍ଟ ଜୋନ୍ ଚମ୍ପିୟାନସିପ ର ରୂପରେଖ ବିଷୟରେ ଆଲୋଚନା କରିଥିଲେ । ବୈଠକରେ ୧୧ଟି ଜିଲ୍ଲାର ଜିଲ୍ଲା ପ୍ରତିନିଧି ଯୋଗ ଦେଇଥିଲେ ଏବଂ ଆସନ୍ତା ଏପ୍ରିଲ ୧୪ ରୁ ୧୬ ତାରିଖ ହେବାକୁ ଥିବା ୱେଷ୍ଟ ଜୋନ୍ କାର୍ଯ୍ୟକ୍ରମରେ ୩୫୦ ଜଣ ଟାଏକୋଣ୍ଡୋ ଛାତ୍ରଛାତ୍ରୀ ଯୋଗ ଦେବେ ବୋଲି ଜିଲ୍ଲା ସଂପାଦକ ମାନେ ମତ ପ୍ରକାଶ କରିଥିଲେ । ଉକ୍ତ ବୈଠକରେ ବରଗଡ଼ ଅସୋସିଏସନର ସାଧାରଣ ସମ୍ପାଦକ ତଥା କୋଚ  ବିଜୟ କୁମାର ଭୋଇ,ଉପସଭାପତି ଆଶୁତୋଷ ରଥ,ଏହେସାସ ହୋତା, ଅସୀମ କୁମାର ଭୋଇ, ଅଂଜିତ କୁମାର ସାହୁ, ନବୀନ ସିଂ, ସୁଭମ ପଟ୍ଟନାୟକ, ଦିବ୍ୟକିଶୋର ମିଶ୍ର, ନିରଜ ବାଙ୍କ, ଡୋଳାମଣି ବଗର୍ତ୍ତି, ବେଦାନ୍ତ ଅଗ୍ରୱାଲ,ଦେବ ପ୍ରେମ ବେହେରା, ମୃତୁଞ୍ଜୟ କର୍ଣ୍ଣ,ବିବେକ ମେହେର, ହର୍ଷବର୍ଦ୍ଧନ କର, ସ୍ୱାଭିମାନ ନାୟକ ଯୋଗ ଦେଇ ବୈଠକକୁ ସଫଳ ରୂପାୟନ ଦେଇଥିଲେ ।