05-Mar-2023

ସମ୍ବଲପୁର (ସଂଜୀବ ପାଣିଗ୍ରାହୀ)
 ସମ୍ବଲପୁର ମହାନଗର ନିଗମ ୱାର୍ଡ ନମ୍ବର ୪୧ ରେଙ୍ଗାଲି ନିର୍ବାଚନ ମଣ୍ଡଳୀ ଅନ୍ତର୍ଗତ ମିର୍ଗାମୁଣ୍ଡା ଗ୍ରାମରେ ରୁହନ୍ତି ୬୫ ବର୍ଷୀୟ ସୀତାରାମ ବିଶି I ସ୍ତ୍ରୀ ଏବଂ ଚତୁର୍ଥ ଶ୍ରେଣୀ ଅଧ୍ୟୟନରତ ଝିଅକୁ ନେଇ ତାଙ୍କର ତେଲ ଲୁଣର ସଂସାର ସୀତାରାମ ଜଣେ ମେକାନିକ ଥିଲେ I ଘରକୁ ଘର ଵୁଲି ଟିଭି, ଫ୍ୟାନ, କୁଳର ଇତ୍ୟାଦି ମରାମତି କରି ନିଜର ଗୁଜୁରାଣ ମେଣ୍ଟାଉ ଥିଲେ I ତେବେ ଗତ କିଛି ବର୍ଷ ହେବ ବାର୍ଦ୍ଧକ୍ୟ ଜନିତ ଦୁରାରୋଗ୍ୟରେ ପୀଡିତ ହୋଇ ଏବେ ସୀତାରାମ କାମ ଧନ୍ଦା କରି ପାରୁ ନାହାନ୍ତି I ତାଙ୍କର ନିଜସ୍ୱ ଘର ଖଣ୍ଡେ ନାହିଁ I ଏକ ସରକାରୀ ଜାଗାରେ ମିର୍ଗାମୁଣ୍ଡାବାସୀ ଭୂମିହୀନ ସୀତାରାମ ଙ୍କୁ ଏକ ଛପର ଘର ତୋଳି ଦେବା ଫଳରେ ସେ ସେଠାରେ ରୁହନ୍ତି I ଆଜି ସୀତାରାମ ଙ୍କ ପରିବାର ପାଖକୁ ଯାଇ ଆଜି  ଏକ ମାସର ରାସନ ସାମଗ୍ରୀ,ଛୁଆ ପାଇଁ ଡ୍ରେସ ଚପଲ ଆଦି ପ୍ରଦାନ କରିଛି ସେବା ଅନୁଷ୍ଠାନ I ସୀତାରାମ ଙ୍କ ପରିବରକୁ ପୋଷ୍ଯ ଭାବରେ ନେଇ ସୁଖ ଦୁଃଖର ସାହାଯ୍ଯ କରିବା ପାଇଁ କଥା ଦେବା ସହ ଆଜି ରାସନ ସାମଗ୍ରୀ ପ୍ରଦାନ କରିଛନ୍ତି | ଏଭଳି କ୍ଷେତ୍ରରେ ଅତ୍ୟନ୍ତ ଦୁଃଖରେ କାଳାତିପାତ କରୁଥିବା ସୀତାରାମ ଙ୍କ ବିଷୟରେ ଖବର ପାଇ ତିନି ମାସ ତଳେ ସେବା ସଂଗଠନ ତାର ପରିବାର ପାଖକୁ ଯାଇଥିଲା | ଆଜିକୁ ମିଶାଇ ତିନିମାସ ହେଲା ଏହି ରାସନ ସାମଗ୍ରୀ ପ୍ରଦାନ କରାଯାଉଛି |  ସ୍ଵେଛାସେବୀ ସଂଗଠନ "ସେବା"ର ଅଧ୍ୟକ୍ଷ ଡ଼ଃ ଅମର ତାଣ୍ଡିଆଙ୍କ ନେତୃତ୍ୱରେ ଅନୁଷ୍ଠାନର ମୁଖ୍ୟ  ଉପଦେଷ୍ଟା ଗୌରୀ ଶଙ୍କର ମିଶ୍ର, ପ୍ରମୋଦ କୁମାର ସେଠ, ନରେଶ କୁମାର ସୁନାର,ସନ୍ତୋଷ ମହାନ୍ତି ପ୍ରମୁଖ କର୍ମକର୍ତ୍ତା ତାଙ୍କର ଘରେ ପହଞ୍ଚିଥିଲେ I