03-Mar-2023

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜ଼ିଲ୍ଲା ବୀରମହାରାଜପୁର ପୂର୍ତ୍ତ ବିଭାଗ ଡାକବଙ୍ଗଳାରେ ଦୀର୍ଘ ଦିନହେଲା ପିଅନ ଓ କର୍ମଚାରୀ ଅନୁପସ୍ଥିତ ଥିବାର ଦେଖିବାକୁ ମିଳିଛି l ଫଳରେ  କିଛି ଜରୁରୀ କାମରେ ନେତା ରାଜନେତା ଓ ପ୍ରଶାସନିକ ଅଧିକାରୀ ମାନେ ବିଶ୍ରାମ ନେବା କୁ ଆସି ଦେଖିଲା ବେଳକୁ ଡାକ ବଙ୍ଗଳା ରେ ତାଲା ପଡ଼ିଥିବା ରୁ ନିରାଶ ରେ ଫେରିବା ସହ ହଟହଠା ହେବାକୁ ପଡୁଛି । କେବଳ ଏତିକି ନୁହେଁ ଗତ ଦୁଇ ବର୍ଷ ଆଗରୁ ଡାକ ବଙ୍ଗଳା ର ସୌନ୍ଦଜି କରଣ ପାଇଁ ସରକାର ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରିଥିଲେ। ଏଥିପାଇଁ ବଗିଚାରେ ଅନେକ ରଙ୍ଗ ବେରଙ୍ଗ ର ଫୁଲ ଗଛ ଲଗାଯାଇଥିଲା l ମାତ୍ର ଗୋଟିଏ ବର୍ଷ ନ ପୂରୁଣୁ ବଙ୍ଗଳା ରେ କର୍ମଚାରୀ ଅଭାବ ଯୋଗୁଁ ଫୁଲ ଗଛ ଗୁଡିକ ଶୁଖି ମରିବାକୁ ବସିଲାଣି l ମୋଟା ମୋଟି ଭାବେ ଦେଖିବାକୁ ଗଲେ ଲୋକଙ୍କ ପାଇଁ ଉଦ୍ଧିଷ୍ଟ ପୂର୍ତ୍ତ ଡାକବଙ୍ଗଳାଟିର ରକ୍ଷଣା ବେକ୍ଷଣ ଅଭାରୁ ଠିକ ଭାବେ କାର୍ଯ୍ୟକାରୀ ହୋଇପାରୁନାହିଁ। ଏନେଇ ଜ଼ିଲ୍ଲା ପ୍ରଶାସନ ଓ ବିଭାଗ ଡାକବଙ୍ଗଳାଟି କିପରି କାର୍ଯ୍ୟକାରୀ ହେବା ସେ ଦିଗରେ ଦୃଷ୍ଟି ଦେବାକୁ ଜନସାଧାରଣ ରେ ଦାବୀ ହେଉଛି।