03-Mar-2023

ବୀରମହାରାଜପୁର,(ବିନୋଦ ପାଣ୍ଡେ ):  ସୁବର୍ଣ୍ଣପୁର ଜ଼ିଲ୍ଲା ବୀରମହାରାଜପୁର ଉପଡାକଘର ଦୀର୍ଘ ବର୍ଷ ହେବ  ଭଡା ରେ ଚାଲିଥିବା ଦେଖିବାକୁ ମିଳିଛି l ଏହି ଡାକ ଘର କେନ୍ଦ୍ର ସରକାର ଙ୍କ ଦ୍ୱାରା ପରିଚଳିତ ହେଉ ଥିଲେ ହେଁ ଆଜି ପର୍ଯ୍ୟନ୍ତ ଏକ ସ୍ଥାୟୀ ଗୃହ ନିର୍ମାଣ ହୋଇ ପାରିନାହିଁ। ଏହି ଡାକ ଘରେ ଲୋକ ମାନଙ୍କୁ ସେବା ଯୋଗାଇ ଦେବା ପାଇଁ ପାସ ବୂକ ଖୋଲିବା ସହ ଟଙ୍କା ଜମା ଉଠାଣ, ଜୀବନ ବୀମା, ଚିଠି ପତ୍ର ଆଗମନ ଓ ପ୍ରେରଣ, ପାର୍ସଲ ମାଧ୍ୟମରେ ବିଭିନ୍ନ ଜିନିଷ ପାତ୍ର ପ୍ରେରଣ, ରେଜିଷ୍ଟ୍ରି ପୋଷ୍ଟ, ମନି ଅଡର, ରେଭିନ୍ୟୁ ଷ୍ଟାମ୍ପ, ଆଇ. ପି. ଓ., ଦୁର୍ଲଭ ଗଙ୍ଗା ଜଳ ର ସୁବିଧା ରହିଛି। ଏସବୁ କାରବାର ପାଇଁ ପ୍ରତିଦିନ ଅଞ୍ଚଳର  ଶହ ଶହ ଲୋକ ଆସି ଥାନ୍ତି। ମାତ୍ର ଏଠାରେ ଏକ ସ୍ଥାୟୀ ଅଫିସ ଗୃହ ଓ ଲୋକଙ୍କବସିବା ପାଇଁ କୌଣସି ସୁବିଧା ନ ଥିବାରୁ ଲୋକମାନେ ଗ୍ରୀଷ୍ମ ଦିନେ ଖରା, ବର୍ଷା ଦିନେ ବର୍ଷା ଓ ଶୀତ ଦିନେ ଶୀତ ରେ ଅନେକ ଅସୁବିଧା ର ସମ୍ମୁଖୀନ ହେଉଥିବା ଦେଖିବାକୁ ମିଳିଛି l  ଉପଡାକଘର  ଗୃହ ଭଡା ରେ ଚଳିଥିବାରୁ ଅଯଥା ସରକାରଙ୍କୁ ଭଡା ଟଙ୍କା ଦେବାକୁ ପଡିଛି l ଏବିଷୟରେ ଅନେକ ଥର ଉପଡାକଘର ର ଗୃହ ନିର୍ମାଣ ପାଇଁ ସ୍ଥାନୀୟ ତହସିଲଦାରଙ୍କୁ ଜମି ଯୋଗାଇ ଦେବାପାଇଁ ଜଣାଇ ଆସୁଥିଲେ ହେଁ ତହସିଲଦାର ଆଜି କାଲି ଦେଖିବା ଦିନ ଗଡାଇ ଚାଲିଛନ୍ତି l ଫଳରେ ଜମି ଅଭାରୁ ଉପଡାକ ଘର ନିର୍ମାଣ ପାଇଁ ସରକାର ଅର୍ଥ ମଞ୍ଜୁର କରିଥିଲେ ହେଁ ଡାକଘର ନିର୍ମାଣ ହେଇ ପାରୁ ନାହିଁ ଏପଟେ ସହ ସହ ଲୋକଙ୍କୁ ଲିଜ ଜମି ଯୋଗାଇ ଦିଆଯାଉଥିବା ବେଳେ କେନ୍ଦ୍ର ସରକାରଙ୍କ ଉପଡାକଘର ର କୋଠା ନିର୍ମାଣ ପାଇଁ ସ୍ଥାନୀୟ ପ୍ରଶାସନ ପାଖରେ ଜମି ନାହିଁ । ଫଳରେ ସରକାର ଙ୍କୁ ଅଯଥା ଲକ୍ଷ ଲକ୍ଷ ଟଙ୍କା ଭଡା ଦେବାକୁ ପଡୁଛି l  ଆଗକୁ ଗ୍ରୀଷ୍ମ ଋତୁ ଆସୁଥିବାରୁ ଗ୍ରାହକ ମାନଙ୍କ ପାଇଁ ଶୀତଳ ଛାୟା ଓ ପାନୀୟ ଜଳ ର ସୁବିଧା କରିବା ସହ ଏଟିଏମ୍ ସେବା ଯୋଗାଇଦେବାକୁ   ଜନସାଧାରଣ ରେ ଦାବୀ ହେଉଛି।