27-Feb-2023

ବଲାଙ୍ଗୀର- ରାଜେନ୍ଦ୍ର କଲେଜକୁ ବିଶ୍ୱ ବିଦ୍ୟାଳୟରେ ପରିଣତ କରିବାର ତିନି ବର୍ଷ ପୁର୍ତ୍ତି ହେବାକୁ ଯାଉଥିବା ବେଳେ ଅଦ୍ୟାବଧି ଖାଲି ପଡିଥିବା ୧୨୬ ଅଧ୍ୟାପକ ଜାଗାରେ ମାତ୍ର ୧୯ ଜଣ ଅଧ୍ୟାପକରେ କାମ ଚଲାଇ ଯାଉଛି । ଫଳରେ ଗୁଣାତ୍ମକ ଶିକ୍ଷାରୁ ଛାତ୍ର ଛାତ୍ରୀ ବଂଚିତ ହେଉଛନ୍ତି । କର୍ମଚାରୀ ପଦବୀ ମଞ୍ଜୁରି ଦିଆଯାଉ ନ ଥିବାରୁ ବିଭିନ୍ନ ସେବାରୁ ବଂଚିତ ହେବା ସହ ଛାତ୍ର ଛାତ୍ରୀଙ୍କୁ ପରିକ୍ଷା ଫଳ ଉପରେ ପ୍ରଭାବ ପଡୁଛ । ଯାହାର ସଦ୍ୟତମ ଉଦାହରଣ ଚଳିତ ତୃତୀୟ ସେମିଷ୍ଟର ପରିକ୍ଷାରେ ତୃଟି ଏବଂ ନିର୍ଦ୍ଧାରିତ ସମୟ ମଧ୍ୟରେ ପରୀକ୍ଷା ଫଳ ପ୍ରକାଶ ପାଇପାରୁନାହିଁ । ହଷ୍ଟେଲ ଗୁଡିକର ବିକାଶ ନାଁ ରେ ଅହେତୁକ ଫି ବୋଝ ଛାତ୍ର ଛାତ୍ରୀଙ୍କୁ ଉପରେ ଲଦି ଦିଆଯାଉଛି ।

ଚଳିତ ବର୍ଷ ନୁଆ ହଷ୍ଟେଲ ଗୁଡିକରେ  ୪୯୦୦ ଓ ପୁରୁଣା ହଷ୍ଟେଲ ଗୁଡିକ ରେ ୨୯୦୦ ଟଙ୍କା  ଫି ବୃଦ୍ଧି କରାଯାଇଛି । ଫଳରେ ବହୁ  ଛାତ୍ର ଛାତ୍ରୀ ହଷ୍ଟେଲ ଛାଡିବାକୁ ବାଧ୍ୟ ହେଉଛନ୍ତି । ତେଣୁ ଆଜି ଏଆଇଡିଏସ୍‌ଓ ଜିଲ୍ଲା କମିଟି ପକ୍ଷରୁ ଅଧ୍ୟାପକ ଓ କର୍ମଚାରୀ ନିଯୁକ୍ତି, ପିଏଚ୍‌ଡି ଖେଳିବା, ଉନ୍ନତ ସ୍ତରର ଲାଇବ୍ରେରୀ ପ୍ରତିଷ୍ଠା, ହଷ୍ଟେଲ ଗୁଡିକର ବର୍ଦ୍ଧିତ ଫି ପ୍ରତ୍ୟାହାର  ସହ କେମ୍ପସର ସୁରକ୍ଷା, ନିର୍ଦ୍ଧାରିତ ସମୟ ମଧ୍ୟରେ

ପରୀକ୍ଷା ଫଳ ପ୍ରକାଶ, କଲେଜ ଛକରୁ କେମ୍ପସ ପର୍ଯ୍ୟନ୍ତ  ନିଶା ଦ୍ରବ୍ୟ ଓ ଅପରାଧିକ କାର୍ଯ୍ୟକଳାପ ବନ୍ଦ ଏବଂ ନୂତନ ଭାବେ ନିର୍ମିତ ହଷ୍ଟେଲକୁ କାର୍ଯ୍ୟକ୍ଷମ ଆଦି ୬ ଦଫା ଦାବିରେ ଉଚ୍ଚ ଶିକ୍ଷା ମନ୍ତ୍ରୀଙ୍କୁ କୁଳପତିଙ୍କ ଜରିଆରେ ଏକ ଦାବିପତ୍ର ପ୍ଲାଟିନମ୍ ଜୁବୁଲି ଗେଟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଏହି ବିକ୍ଷୋଭରେ ରାଜ୍ୟ ଉପସଭାପତି ସୁନିଲ ଭୋଇ, ଜିଲ୍ଲା ସଂପାଦକ ମଧୁ ସୁଦନ ବାଗ, ବିକାଶ ଜେନା, ତ୍ରିଲୋଚନ ସାହୁ, ଗୌରୀ ରାଉତ ସହ ବହୁ ଛାତ୍ର ଛାତ୍ରୀ ସାମିଲ ଥିଲେ ।