26-Feb-2023

ବିନିକା(ହିମାଂଶୁ ଶେଖର ପୁଟେଲ) କାମରେ ସାହାଯ୍ୟ ସହଯୋଗ କରିବା ସହିତ ଝିଅ ପାଠ ପଢି ବଡ଼ ହେବ,ନାଁ ରଖିବ କାହୁଁ କେତେ କଥା ବାପା ମା ଠୁଁ ଆରମ୍ଭ କରି ସାରା ପରିବାର ଭାବିଥିଲେ ।ହେଲେ ନାବାଳିକା ଝିଅ ଅଚାନକ ସମସ୍ତଙ୍କୁ ଛାଡ଼ି ସବୁଦିନ ପାଇଁ ଚାଲିଯିବ ଏହା କେହି ବି ଭାବି ପାରି ନଥିଲେ ।ଆଜି ରବିବାର ନାବାଳିକା ଝିଅ ଏକ ସାଇକଲ ଯୋଗେ ଘରର କାମରେ ନିକଟସ୍ଥ ଦୋକାନ କୁ କିଣିବାକୁ ଯାଉଥିବାବେଳେ ବିପରୀତ ପଟରୁ ଆସୁଥିବା ଯମଦୂତ ଅର୍ଥାତ ମେଟାଳ ପଥର ବୋଝେଇ ଟ୍ରାକ୍ଟର(OD-31A 5627) ଧକ୍କା ଦେଇ ତା ଉପରକୁ ଚଡି ଯିବାରୁ ଘଟଣାସ୍ଥଳରେ ହିଁ ତାର ମୃତ୍ୟୁ ଘଟିଥିଲା ।ନାବାଳିକା ଜଣକ ହେଉଛନ୍ତି କଟାପାଲି ଗ୍ରାମର ଅନିରୁଦ୍ଧ ପ୍ରଧାନ ଙ୍କ ୧୦ବର୍ଷର ଝିଅ ସ୍ନେହରାଣୀ ପ୍ରଧାନ(ଶ୍ରୁତି) ।ସ୍ଥାନୀୟ ରାମପୁର ନୋଡାଲ ସ୍କୁଲ୍ ରେ ସେ ତୃତୀୟ ଶ୍ରେଣୀର ଛାତ୍ରୀ ।ଏହି ଦୁଃଖଦ ଘଟଣା ପରେ ଗ୍ରାମରେ ଉତ୍ତେଜନା ପ୍ରକାଶ ପାଇଥିଲା ।ସାରା ଗ୍ରାମବାସୀ ବରଗଡ଼-ସୋନପୁର ମୁଖ୍ୟ ରାସ୍ତାର କଟାପାଲି ଛକ ରାସ୍ତା ଉପରେ ବସି ଅବରୋଧ କରିଥିଲେ ।ଯାହା ଫଳରେ ଦୀର୍ଘ ୫ଘଣ୍ଟାରୁ ଉର୍ଦ୍ଧ୍ବ ସମୟ ଧରି ଗାଡ଼ି ମଟର ଚଳାଚଳ ବନ୍ଦ ରହିଥିଲା । ତୁରନ୍ତ ଗାଡ଼ି ଚାଳକଙ୍କୁ ଗିରଫ କରାଯାଉ,ଗ୍ରାମ୍ୟ ରାସ୍ତାରେ କୌଣସି ଲୋଡିଂ ଗାଡ଼ି ଚଳାଚଳ ବନ୍ଦ କରାଯାଉ ଆଦି ଦାବୀରେ ପ୍ରକଂବିତ ହୋଇଥିଲା ।ଦୀର୍ଘ ସମୟ ପରେ ବିନିକା ତହସିଲଦାର ମୁକ୍ତେଶ୍ଵର ପାଣିଗ୍ରାହୀ,ବିନିକା ଆଇଆଇସି ପବିତ୍ର ସାହୁ,ରାମପୁର ଆଇଆଇସି ଭାନୁ ଶଙ୍କର ଯାଦବ ଓ ପୋଲିସ ଷ୍ଟାଫ ଘଟଣାସ୍ଥଳରେ ପହଂଚି ରାସ୍ତା ଅବରୋଧକାରୀଙ୍କ ସହିତ ଆଲୋଚନା କରି ଶେଷରେ ତାଙ୍କ ଦାବି ଗାଡ଼ି ଚାଲକ ଙ୍କୁ ତୁରନ୍ତ ଗିରଫ ସହିତ ଅନ୍ୟାନ୍ୟ ଦାବୀ ପୂରଣ ଦିଗରେ ପ୍ରତିଶ୍ରୁତି ଦେବାପରେ ରାସ୍ତାରୋକ ଆନ୍ଦୋଳନ ହଟିଥିଲା ।ନାବାଳିକା ଝିଅ ର ବିନିକା ଠାରେ ଶବ ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରାଯାଇଛି ।ଏହି ଘଟଣା ପରେ  ସମଗ୍ର ବିନିକା ଓ ଡୁଙ୍ଗୁରିପାଲି ଅଞ୍ଚଳରେ ଶୋକର ଛାୟା ଖେଳିଯାଇଛି ।