26-Feb-2023

ବୀରମହାରାଜପୁର, (ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ମହାବିଦ୍ୟାଳୟର ଏନସିସି ୩ ଜଣ ଛାତ୍ର ଗଣତନ୍ତ୍ର ଦିବସରେ ନୂଆଁଦିଲ୍ଲୀ ସ୍ଥିତ ରାଜପଥ ଠାରେ ଅନୁଷ୍ଠିତ ପେରେଡ ଉତ୍ସବରେ ସାମିଲ ହୋଇଥିବାରୁ ତାଙ୍କୁ ମହାବିଦ୍ୟାଳୟ ଠାରେ ସମ୍ବର୍ଦ୍ଧିତ କରାଯାଇଛି। ମହାବିଦ୍ୟାଳୟର ଅଧ୍ୟକ୍ଷ ସୁଦାମ ଚରଣ ସାହୁଙ୍କ ଅଧ୍ୟକ୍ଷତାରେ ଆୟୋଜିତ ସ୍ବାଗତ ସମ୍ବର୍ଦ୍ଧନା ସଭାରେ ପେରେଡରେ ଅଶଂଗ୍ରହଣ କରିଥିବା ସିପିଏଲ ସଚ୍ଚିଦା ନାଗ,ଏଲସିପିଏଲ ବଳରାମ ବଘାର ଓ ଏଲସିପିଏଲ ଅର୍ଜୁନ ଜାଲଙ୍କୁ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଥିଲେ। କାର୍ଯ୍ୟକ୍ରମରେ ଏନସିସି କ୍ୟାପଟେନ ସୂର୍ଯ୍ୟ ନାରାୟଣ ପଣ୍ଡା, ଚିନ୍ମୟ ପଣ୍ଡା, ମହାବିଦ୍ୟାଳୟ ଶାରୀରିକ ପ୍ରଶିକ୍ଷଣ ନରେନ୍ଦ୍ର ଚାନ୍ଦ ପ୍ରମୁଖ ଯୋଗଦେଇ ଥିଲେ। ଏହି କାର୍ଯ୍ୟକ୍ରମକୁ ମନୋଜ ସାହୁ ସଂଯୋଜନା କରିଥିବା ବେଳେ ସୁନେଳୀ କୁମ୍ଭାର ଧନ୍ୟବାଦ ଅର୍ପଣ କରିଥିଲେ। ଏଥିରେ ଅଣ୍ଡର ଅଫିସର ଆନନ୍ଦ ପଧାନ ସମେତ ସମସ୍ତ ଏନସିସି କ୍ୟାଡେଟ ଉପସ୍ଥିତ ଥିଲେ।