26-Feb-2023

ଦେଓଗାଁ (ଅନ୍ତର୍ଯ୍ୟାମୀ ସାହୁ): ଗତକାଲି ସରସ୍ଵତୀ ଶିଶୁ ବିଦ୍ୟା ମନ୍ଦିର ଜରାସିଂହା ର ସାମୂହିକ ପିତୃ ସମ୍ମିଳନୀ ପରିଚାଳନା ସମିତି ର ସଭାପତି ଶ୍ରୀ ଚିତ୍ତରଞ୍ଜନ ଥନାପତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ଏଥିରେ ତୁଷୁରା ସଂକୁଳ ର ସଂକୁଳ ପ୍ରମୁଖ ମାନନୀୟ ଆଶୁକବି ହେମନ୍ତ ଦାଶ ମୁଖ୍ୟ ଅତିଥି ଭାବେ ଯୋଗ ଦେଇ ଶିଶୁ ମନ୍ଦିର ଯୋଜନାର  ଶୈକ୍ଷିକ ଓ ବୈଚାରିକ ଦିଗ ଉପରେ ଆଲୋକପାତ କରିଥିଲେ। ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ବିଶ୍ବ ମୋହନ ତ୍ରିପାଠୀ ପରିଚୟ ପ୍ରଦାନ କରିଥିବା ବେଳେ ସଂପାଦକ ଶ୍ରୀଯୁକ୍ତ କାମେଶ୍ଵର ମେହେର ଧନ୍ୟବାଦ ଅର୍ପଣ କରିଥିଲେ। ଯୁଗ୍ମ ସଂପାଦକ ପ୍ରଣବ କିଶୋର ମନହୀରା ପ୍ରାରମ୍ଭିକ ଅଭିଭାଷଣ ପ୍ରଦାନ କରିଥିଲେ। ସମ୍ମାନୀତ ଅତିଥି ଭାବେ ଉପ ସଭାପତି  ପ୍ରମୋଦ ସିଂ ନିନା, ପୂର୍ବତନ ସଂପାଦକ ଅଧ୍ୟାପକ ଗୋବିନ୍ଦ ମେହେର, କୋଷାଧ୍ୟକ୍ଷ ଶ୍ରୀଯୁକ୍ତ ଜୟକୃଷ୍ଣ ପୁଟେଲ ପ୍ରମୁଖ ମଞ୍ଚାସୀନ ଥିଲେ। ସମସ୍ତ ଅଭିଭାବକ ଓ ଗୁରୁଜୀ ଗୁରୁମା ଉପସ୍ଥିତ ରହି ଆଲୋଚନା ରେ ଅଂଶ ଗ୍ରହଣ କରିଥିଲେ। ଶେଷରେ ଆଗାମୀ କାର୍ଯ୍ୟପନ୍ଥା ନିର୍ଣ୍ଣୟ କରାଯାଇଥିଲା।ଲିଙ୍ଗରାଜ ଗୁରୁଜୀ ଓ ନନ୍ଦିନୀ ତପସ୍ୱିନୀ,  ସୁନିତା ,ଜୟନ୍ତୀ ସମସ୍ତ ଗୁରୁମା ସହଯୋଗ କରିଥିଲେ।