26-Feb-2023

ବଲାଙ୍ଗିର, ଝିଅକୁ ବିକ୍ରି କଲା ସାବତ ବାପା । ମଧ୍ୟସ୍ଥି ଜରିଆରେ ବିକ୍ରି ବେଳେ ଧରିଲା ପୋଲିସ । ମହିଳା ମଧ୍ୟସ୍ଥି ଓ ସାବତ ବାପା ସମେତ ୪ ଅଟକ । ବଲାଙ୍ଗୀର ପାଟଣାଗଡ଼ ଉପଖଣ୍ଡ ଘସିଏନ ଗାଁର ଘଟଣା । ନବମ ଶ୍ରେଣୀର ଝିଅକୁ ରାଜସ୍ଥାନ ଚାଲାଣ ଉଦ୍ୟମ କରୁଥିଲା ସାବତ ବାପାଜଣେ ମହିଳା ମଧ୍ୟସ୍ଥିଙ୍କ ଜରିଆରେ ଝିଅକୁ ଚାଲାଣ ପାଇଁ ୫୦ ହଜାର ଟଙ୍କା ଅଗ୍ରୀମ ନେଇଥିଲା । ଝିଅକୁ ବଧୂବେଶରେ ସଜାଇ କଣ୍ଟାବାଞ୍ଜି ରେଳ ଷ୍ଟେସନରେ ପହଞ୍ଚିଥିଲା । କୌଣସି ସୂତ୍ରରୁ ଖବର ପାଇ କଣ୍ଟାବାଞ୍ଜି ରେଳବାଇ ପୋଲିସ ପହଂଚି ପଚରା ଉଚରା କରିବା ସହ ବଧୂ ବେଶରେ ସଜ୍ଜିତ ଝିଅଟି ନାବାଳିକା ହୋଇଥିବା ଏବଂ ତାଙ୍କୁ  ରାଜସ୍ଥାନ ଚାଲାଣ କରୁଥିବା ଜଣାପଡିଥିଲା । ପରେ କଣ୍ଟାବାଞ୍ଜି ରେଳବାଇ ପୋଲିସ ଉକ୍ତ ନାବାଳିକାକୁ ନିଜ ହେପାଜତରେ ରଖିଥିବା ବେଳେ ମହିଳା ମଧ୍ୟସ୍ଥି ଓ ସାବତ ବାପା ସମେତ ୪ ଜଣ ଙ୍କୁ ଥାନା ରେ ଅଟକ ରଖିଛି ।

(ବଲାଙ୍ଗିର ଜିଲ୍ଲା ରୁ ଅନ୍ତର୍ଯ୍ୟାମୀ ସାହୁ ଙ୍କ ରିପୋର୍ଟ୍ )