26-Feb-2023

ବିନିକା(ହିମାଂଶୁ ଶେଖର ପୁଟେଲ)ଗାଁ ମୁଣ୍ଡରେ ଥିବା ଚାଟଶାଳୀରୁ ଶୁଭୁଥିବା ଛାତ୍ରଛାତ୍ରୀଙ୍କ କଳରବ ଆଉ ଶୁଭିବନି କାରଣ ପାଠ ପଡାଇବାର ନୂତନ ଶୈଳୀ ଆପଣାଇ ଭଳ ମନିଷ୍ୟ ଗଢିବା ପାଇଁ ଅହରହ ଚେଷ୍ଟା ଜାରି ରଖିଥିବା ଟିଉସନ ସାର ସବୁଦିନ ପାଇଁ ନିରବୀ ଗଲେ ।ଘଟଣାଟି ହେଉଛି ବିନିକା ବ୍ଲକ ଅନ୍ତର୍ଗତ ଘୋଡାଧାର ଗ୍ରାମର ।ନିମୋନିଆ ରୋଗରେ ପୀଡିତ ଟିଉସନ ସାର ସୁଧାଂଶୁ ପଣ୍ଡା(୫୨) ଗତ ଦୁଇ ସପ୍ତାହ ହେଲା ବୁର୍ଲା ଡ଼ାକ୍ତରଖାନାରେ ଚିକିତ୍ସାଧୀନ ଥିଲେ ।ଅବସ୍ଥା ଗୁରୁତର ହେବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଥିବା ବେଳେ ବାଟରେ ତାଙ୍କର ପରଲୋକ ଘଟିଥିଲା ।ତୁରନ୍ତ ସେଠାରୁ ତାଙ୍କ ମରଶରୀରକୁ ଗ୍ରାମ ଘୋଡାଧାର ଅଣାଯିବା ପରେ ଶୋକାକୁଳ ପରିବେଶ ସୃଷ୍ଟି କରିଥିଲା ।ଛାତ୍ରଛାତ୍ରୀଙ୍କ ଠାରୁ ଆରମ୍ଭ କରି ବୁଦ୍ଧିଜୀବୀ,ବନ୍ଧୁ ବାନ୍ଧବ,ସାଇପଡ଼ିଶାଙ୍କ ଆଖୁରୁ ଲୁହ ଝରିଲା ।ଶତାଧିକ ଲୋକ ଶେଷ ଦର୍ଶନ କରି ତାଙ୍କ ଆତ୍ମାର ସଦଗତି ପାଇଁ ପ୍ରାର୍ଥନା କଲେ ।ନିକଟସ୍ଥ ଅଙ୍ଗନଦୀ ଶ୍ଵଶାନ ଘାଟରେ ତାଙ୍କର ଏକ ମାତ୍ର ପୁତ୍ର ସମ୍ବିତ ପଣ୍ଡା ମୁଖାଗ୍ନୀ ପ୍ରଦାନ କରିଥିଲେ ।ସୂଚନା ଯେ ସ୍ବର୍ଗତ ପଣ୍ଡା ୩୦ବର୍ଷ ପୂର୍ବେ ତାଙ୍କ ବାପାଙ୍କୁ ହରାଇଥିଲେ । ପରିବାରର ସମସ୍ତ ବୋଝ ସମ୍ଭାଳି ଦୁଇ ଭାଇଙ୍କୁ ଉଚ୍ଚ ଶିକ୍ଷିତ କରିଥିଲେ ।ସେହିପରି ମେଧାବୀ ଛାତ୍ରଛାତ୍ରୀଙ୍କୁ ଶିକ୍ଷାଦାନ ଦେଇ ଡାକ୍ତର,ଇଞ୍ଜିନିୟର,ଶିକ୍ଷକ ତଥା ବିଭିନ୍ନ ପଦପଦବୀରେ ଅଧିଷ୍ଠିତ କରିବାରେ ସକ୍ଷମ ସେହି ବ୍ୟକ୍ତି ବିଶେଷ ସାର ଙ୍କୁ ହରାଇ ଭାଙ୍ଗି ପଡ଼ିଛନ୍ତି ।ଶିକ୍ଷାଦାନ ରୁ ଆର୍ଥିକ ସହଯୋଗ ମିଳୁ ଅବା ନମିଲୁ ତାହା ଚିନ୍ତା ନକରି ବାପାଙ୍କ ବ୍ୟବସାୟକୁ ସମ୍ମାନ ଜଣାଇ ଛୋଟିଆ ତେଜରାତି ଦୋକାନ ରୁ ଯାହା ମିଳେ ସେଥିରେ ପରିବାର ହସଖୁସିରେ ଚଳୁଥିଲେ ।ସ୍ବର୍ଗତ ପଣ୍ଡା ବିଭିନ୍ନ ଧର୍ମାନୁଷ୍ଠାନରେ କାର୍ଯ୍ୟ କରି ସମସ୍ତଙ୍କ ପରିଚିତ ଥିଲେ ଓ କ୍ରିକେଟ ଖେଳରେ ରୁଚି ରଖି ଖେଳାଳିଙ୍କ ପ୍ରିୟ ଥିଲେ ।ସେ ଅଞ୍ଚଳ ପାଇଁ ଗର୍ବ ଓ ଗୌରବ ।ସବୁଦିନ ପାଇଁ ଅଫେରା ରାଇଜକୁ ଚାଲି ଯାଇଥିଲେ ହେଁ ତାଙ୍କର ସ୍ମିତ ହାସ୍ୟମୁଖ ସମସ୍ତଙ୍କ ମୁଖ ମଣ୍ଡଳରେ ଝଲସୁ ଥିବ ।