25-Feb-2023

(ଅନିଳ କୁମାର ତ୍ରିପାଠୀ)
ବଲାଙ୍ଗୀର ଜିଲ୍ଲାର ସର୍ବ ପୁରାତନ ଐତିହ୍ଯ ସମ୍ପହ୍ନ ଯୋଗିନୀ ପୀଠ ରାଣୀପୁର ଝରିଆଲ ସୋମେଶ୍ବର ଶୈବ ପୀଠରେ ଶୁକ୍ରବାର ଠାରୁ ଆରମ୍ଭ ହୋଇଥିବା ମହାଶିବରାତ୍ରୀ ମେଲା ଗୁରୁବାର ପୂର୍ଣ୍ଣାହୁତି ହୋଇଛି । ଶୈବ, ଶାକ୍ତ, ବୌଦ୍ଧ, ଗାଣପତ୍ୟ ଓ ତନ୍ତ୍ର, ମନ୍ତ୍ର ର ପୀଠରେ  ଦୁଇ ବର୍ଷ ବ୍ୟବଧାନରେ ମହାଶିବରାତ୍ରୀ ପାଳନ ହୋଇଥିବାରୁ ଉଭୟ ଯୋଗିନୀ ଓ ସୋମେଶ୍ବର ମହାଦେବ ଭକ୍ତଙ୍କ ମଧ୍ଯରେ ଏହି ମହାଶିବରାତ୍ରି ଅବସରରେ ମହାଦେବଙ୍କୁ ଥରୁଟିଏ ଦର୍ଶନ କରିବା ପାଇଁ ଭକ୍ତ ଓ ଶ୍ରଦ୍ଧାଳୁ ଆତୁର ହୋଇ ପଡୁଥିବା ଦେଖାଦେଇଥିଲା ସୋମେଶ୍ବର ମହାଦେବ ମନ୍ଦିରର ମୁଖ୍ଯ ପୂଜକ ଜଗମୋହନ ତ୍ରିପାଠୀଙ୍କ ସହ ରବି ତ୍ରିପାଠୀ , ମେଘନାଦ ତ୍ରିପାଠୀ ପୁଜକ ଭାବେ କାର୍ଯ୍ଯ ତୁଲାଉଥିବା ବେଳେ କର୍ତ୍ତା ଭାବରେ ଧନୀରାମ ଭୋଇ ଓ ତାଙ୍କ ସହଧର୍ମିଣୀ ଧନମତି ଭୋଇ ସେହିପରି ଭାବରେ ଆହୁତି ଯଜ୍ଞ ପାଇଁ ପିତାମ୍ବର ପଣ୍ଡା, ଲିକୁ ପାଢି ପୁଜକ ଥିବାବେଳେ ବିଶ୍ବମ୍ବର ଭୋଇ ଓ ତାଙ୍କ ସହଧର୍ମିଣୀ ବେଳମତି ଭୋଇ କର୍ତ୍ତା ଭାବରେ ଦାୟୀତ୍ବ ତୁଲାଇଥିଲେ। ଚଳିତ ବର୍ଷ ପ୍ରଥମ ଦିନରୁ ହିଁ ବହୁ ଭିଡ ପରିଲକ୍ଷିତ ହୋଇଥିଲା। ୭ ଦିନ ଧରି ଚାଳିଥିବା ଏହି ମେଲା ରେ ପାଞ୍ଚ ଦିନ ଅସଂଖ୍ଯ ଭିଡ ଦେଖା ଯାଇଥିଲା। ଯାହା ଫଳରେ ପୋଲିସ ପ୍ରଶାସନ ଓ କମିଟିର ସଦସ୍ଯ ମାନଙ୍କୁ ଶାନ୍ତି ଶୃଙ୍ଖଳା ରଖିବା ପାଇଁ ବହୁ ପରିଶ୍ରମ କରିବାକୁ ପଡିଥିଲା। ଏଥର ପ୍ରଥମରୁ ହିଁ ଭିଡ ନିୟନ୍ତ୍ରଣ ସହିତ ଭକ୍ତ ଓ ଶ୍ରଦ୍ଧାଳୁ କେମିତି ବେଶ ଆରାମରେ ସୋମେଶ୍ବର ମହାଦେବଙ୍କ ଦର୍ଶନ କରିବାସହ ମେଳାରେ ଆସିଥିବା ଦୋକାନ ବଜାର ଓ ସାସ୍କୃତିକ କାର୍ଯ୍ୟକ୍ରମ କୁ ଉପଭୋଗ କରି ପାରିବେ ସେଥିପାଇଁ ଭିଡକୁ ଚାରୋଟି ସ୍ଥାନରେ ଭାଗ କରାଯାଇଥିଲା। ଏବଂ ପ୍ରତିଦିନ ଲୋକଙ୍କ ମନୋରଞ୍ଜନ ପାଇଁ ବିଭିନ୍ନ ସାଂସ୍କୃତିକ କାର୍ଯ୍ଯକ୍ରମ ଅନୁଷ୍ଠିତ ହୋଇଥିଲା। ବୁଧବାର କୃଷ୍ଣ ଗୁରୁ କାର୍ଯ୍ୟକ୍ରମ , ମେଲୋଡି ଓ ଦଣ୍ଡନୃତ୍ୟ ଆୟୋଜନ ହୋଇଥିଲା।

ଏହି ଅବସରରେ ମନ୍ଦିର କମିଟିର ସଭାପତି ମାଣିକଚନ୍ଦ ଜୈନ, ସମ୍ପାଦକ କ୍ଷୀରସିନ୍ଧୁ ଭୋଇ , କୋଷାଧ୍ୟକ୍ଷ ପର୍ମାନନ୍ଦ ଭୋଇ, ବରିଷ୍ଠ ସଦସ୍ଯ ସନ୍ୟାସୀ ଭୋଇ, ଧନୀରାମ ଭୋଇ, ଇନ୍ଦ୍ରମଣି ଭୋଇ, ଝରିଆଲ ସରପଞ୍ଚ ଭରଦ୍ବାଜ ଗହିର, ମୁଣ୍ଡପଦର ସରପଞ୍ଚ ରାଧାକାନ୍ତ ବେହେରା, ଅଲଣ୍ଡା ସରପଞ୍ଚଙ୍କ ପ୍ରତିନିଧି ଯୁବରାଜ ବାଗ ଙ୍କୁ ଓଡିଶା ୟୁନିଅନ ଅଫ ଜର୍ଣ୍ଣାଲିଷ୍ଟ (ଓୟୁଜେ) ର ବଲାଙ୍ଗୀର ଜିଲ୍ଲା ଗ୍ରାମାଞ୍ଚଳ ସମ୍ପାଦକ ଅନିଲ କୁମାର ତ୍ରିପାଠୀ , ଲୋୟର ଇନ୍ଦ୍ର ଜଳସେଚନ ପ୍ରକଳ୍ପ କମିଟି ସଭାପତି ମଞ୍ଜେସ ମେହେର , ସନ୍ତୋଷ ତ୍ରିପାଠୀ ପ୍ରମୁଖ ମଞ୍ଚରେ ସମସ୍ତଙ୍କୁ ଫୁଳମାଳ ଓ ଉତ୍ତରୀୟ ଦେଇ ସମ୍ମାନିତ କରିଥିଲେ। ବିକାଶ ପନିକା ମଞ୍ଚ ପରିଚାଳନା କରିଥିବା ବେଳେ କୃଷ୍ଣ ଚନ୍ଦ୍ର ସାହୁ , ଗୋପିନାଥ ସାହୁ , ଜ୍ୟୋତି ସାହୁ, ଲଲିତ ସାହୁ , କିଶୋର ସାହୁ , ଗଣେଷ ସାହୁ, ଗୌରାଙ୍ଗ ମହାନନ୍ଦ, ନିତ୍ୟାନନ୍ଦ ପୃଷେଠ, ଓମଦେବ ସାହୁ ପ୍ରମୁଖ ସହଯୋଗ କରିଥିଲେ। ମେଳାରେ ଝରିଆଲ ପଞ୍ଚାୟତ ର ଗାଁ ସାଥୀ ମାନଙ୍କ ଦ୍ବାରା ଜଳଛତ୍ର ଖୋଳି ପିଇବା ପାଣୀ ବଣ୍ଟନ କରାଯାଇଥିଲା।