23-Feb-2023

ବଲାଙ୍ଗୀର- ବଲାଙ୍ଗିର ସଦର ବ୍ଲକ ଅନ୍ତର୍ଗତ ବାରପୁଡୁଗିଆ ଗ୍ରାମ ସ୍ଥିତ ହାୱା ଗାର୍ଡେନ ଖେଳ ପଡିଆ ରେ ଜିଲ୍ଲା ସ୍ତରୟ ଖେଳ ପ୍ରତିଯୋଗିତା ନେହେରୁ ଯୁବକେନ୍ଦ୍ର ସହାୟତାରେ ସିଦ୍ଧାଶ୍ରମ ସେବା ପ୍ରତିଷ୍ଠାନ ଆନୁକୁଲ୍ୟରେ ଆଜି ଆରମ୍ଭ ହୋଇଛି । ମୁଖ୍ୟ ଅତିଥି ଗୋବିନ୍ଦ ମିଶ୍ର (ସିଆଇଏସ୍‌ଏଫ୍‌), ସମ୍ମାନିତ ଅତିଥି ସୁଧିର ନାଏକ, ଅକ୍ଷୟ ଧରୁଆ, ପ୍ରମୋଦ କର୍ମୀ ପ୍ରମୁଖ ଖେଳକୁ ଉଦ୍‌ଘାଟନ କରିଥିଲେ । ଆଜିର ଫୁଟବଲ ଖେଳରେ ଚାରିଗୋଟି ଦଳ ହର୍ଡାଟାଲ, ବରକାନି, ବାରପୁଡୁଗିଆ, ପରଧିଆପାଲି ଅଂଶଗ୍ରହଣ କରିଥିଲେ । ଲମ୍ବଡିଆ, ଉଚ୍ଚ ଡିଆ, ଭଲିଭଲ ଖେଳ, ୧୦୦ମି. ଦୌଡ, ୨୦୦ ମି. ଦୌଡ ଖେଳ ପ୍ରତିଯୋଗିତା  ଅନୁଷ୍ଠିତ ହେବ । ଏଥିରେ ଗ୍ରାମାଞ୍ଚଳର ଅନେକ ଖେଳାଳି ପ୍ରତିଯୋଗିତାରେ ଭାଗ ନେବାର ସୁଯୋଗ ପାଇବେ । ରେଫରି ପିଙ୍କୁ, ପ୍ରଦୀପ, ମଣ୍ଟୁ  ଖେଳ ପରିଚାଳାନା କରିଥିଲେ । ଅନୁଷ୍ଠାନ ର ସଭାପତି ଜୟକୃଷ୍ଣ ମିଶ୍ରଙ୍କ ତତ୍ତ୍ୱାବଧାନ ରେ ସମସ୍ତ ସଦସ୍ୟ ସଦାନନ୍ଦ ମହଲା, ରଂଜନ ଭୋଇ, ବିଜୟ ମହଲା, ଲବ ନାଗ, ସରୋଜ ନାଏକ, ସଂଜୟ ନାଏକ, ଦିଲିପ, ଆକାଶ, ମିଥୁନ, ରିଙ୍କୁ, ଦେବାଶିଷ, କାଲିଆ, ପିଣ୍ଟୁ ପ୍ରମୁଖ ସହଯୋଗ କରିଥିଲେ ।