22-Feb-2023

ସୁବର୍ଣ୍ଣପୁର/ ସୁବର୍ଣ୍ଣପୁର ପୌର ପରିଷଦ ର  101 ଜଣ ଠିକା ସଫେଇ କର୍ମଚାରୀଙ୍କ ପ୍ରତି ଠିକା କମ୍ପାନୀ ର ଟେଣ୍ଡର ବାତିଲ, ମନମାନି, ବୈମାତୃକ ମନୋଭାବ ଓ  ବିଭାଗୀୟ  ଅଧିକାରୀ , ପରିମଳ ନିରୀକ୍ଷକଙ୍କ ଦ୍ୱାରା ହୋଇଥିବା ଦୁର୍ବ୍ୟବହାର ଓ ମାନସିକ ନିର୍ଯାତନାର ପ୍ରତିବାଦରେ ଆସନ୍ତାକାଲି  ଗୁରୁବାର ଦିନ ଏହି କର୍ମଚାରୀ ମାନେ ୧୨ଘଣ୍ଟିଆ ସୋନପୁର ବନ୍ଦ ଡାକରା ଦେଇଛନ୍ତି l ଏହାର ପ୍ରତିବାଦରେ ପୂର୍ବରୁ ଜ଼ିଲ୍ଲାପାଳଙ୍କୁ ଲିଖିତ ଆକାରରେ ଜଣାଇଥିବା ଆମ ସବୁ ଦାବୀ ଓ ଅଭିଯୋଗ ପ୍ରତି  ପୁଣି ସହରର ପରିମଳ କାର୍ଯ୍ୟ ଭଳି ସମ୍ବେଦନଶୀଳ ସମସ୍ୟା ପ୍ରତି ଜ଼ିଲ୍ଲା ପ୍ରଶାସନ ଗୁରୁତ୍ୱ ଦେଉ ନ ଥିବା ବିଷୟ ଏଇ କର୍ମଚାରୀ ମାନେ ଦୃଢ଼ ନିନ୍ଦା କରିଛନ୍ତି l ପୌର ପ୍ରଶାସନର ଏ ସମସ୍ୟା ଯୋଗୁଁ ଏ ପଟେ ସହର ର ପରିମଳ ବ୍ୟବସ୍ଥା ଭୁଶୁଡି ଯାଇ ସହର ସାରା ଦୁର୍ଗନ୍ଧ ହେଉଥିବା ବିଷୟ ଓ ଜ଼ିଲ୍ଲା ପ୍ରଶାସନର ନିରବତାକୁ ସହର ବାସୀ ସମାଲୋଚନା କରିଛନ୍ତି l  ଶାରୀରିକ, ମାନସିକ, ଓ ଅର୍ଥ ନୈତିକ ଚାପରେ  ଥିବା ଓ ଆନ୍ଦୋଳନରେ ସାମିଲ  ଥିବା ଏହି ଶହ ଶହ ପରିବାର ର ସମସ୍ୟା ପ୍ରତି  ଦୃଷ୍ଟି ଦେବାକୁ ଦାବୀ କରିଛନ୍ତି l