19-Feb-2023

ଉଲୁଣ୍ଡା(ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଚଡେଇପଙ୍କ ପଂଚାୟତର ପଣ୍ଡକିଟାଲ ହାତୀଟାଙ୍ଗର ଶ୍ରୀକୃଷ୍ଣ ଚୈତନ୍ୟମଠ ସୁରୁଦାସ ଆଶ୍ରମରେ ଅନୁଷ୍ଠିତ ବିଶ୍ୱ କଲ୍ୟାଣ ୫୬ ପ୍ରହରୀ ନାମଯଜ୍ଞ ପୁର୍ଣ୍ଣାହୁତୀ ସହ ଉଦଯାପିତ ହୋଇଯାଇଛି । ମଠାଧିସ ସୁମଧୁର ବୃନ୍ଦାବନଜୀ ମହାରାଜଙ୍କ ତତ୍ୱାବଧାନ ଏବଂ ଅଂଚଲବାସୀଙ୍କ ମିଲିତ ଆନୁକୁଲ୍ୟରେ ସପ୍ତାହ ବ୍ୟାପି କାର୍ଯ୍ୟକ୍ରମ ପ୍ରଥମ ଦିନ ଶତାଧିକ ମହିଲାଙ୍କ ଦ୍ୱାରା କଲସ ଯାତ୍ରା କରାଯାଇ ଯଜ୍ଞ ସ୍ଥଲରେ ସ୍ଥାପନା କରାଯାଇଥିଲା । ପୂଜକ ପଣ୍ଡିତ ସୁଧିର ଆଚାର୍ଯ୍ୟ ବୈଦିକ ପୁଜାର୍ଚନା କଲାପରେ ଅଖଣ୍ଡ ହରେକୃଷ୍ଣ ମହାମନ୍ତ୍ର ନାମର ଶୁଭାରମ୍ଭ ହୋଇଥିଲା ।  ବାବୁପାଲି, ଅଇଁଲାପାଲି, ଅଇଁଲାଛାଟ, ଢେଲଇ, ମାଉଲିମାଲ, ମାଟିଖାଇ , ବିଦୁରୁପାଲି ଆଦି ଗ୍ରାମରୁ କିର୍ତନ ମଣ୍ଡଲି ଯୋଗଦେଇ ସଂର୍କୀତନ ପରିବେଷଣ କରିଥିଲେ । ଉଦଯାପନୀ ଅବଶରରେ ଅନନ୍ତପାଲି ଏବଂ କୋଟସମଲାଇ ଗଡଭିତର କିର୍ତନ ମଣ୍ଡଲି ଦ୍ୱାରା ବୈଠକୀ କିର୍ତନ ଅନୁଷ୍ଠିତ ହୋଇଥିଲା । ସପ୍ତାହବ୍ୟାପି ଅନୁଷଯଠିତ ଏହି ଆଧ୍ୟାତ୍ମିକ କାର୍ଯ୍ୟକ୍ରମରେ ସ୍ଥାନୀୟ ବିଧାୟକ ପଦ୍ମନାଭ ବେହେରା, ଯୁବନେତା କୃତିବାସ ମିଶ୍ରଙ୍କ ସମେତ ଅନକେ ଲୋକପ୍ରତିିନିଧି ତଥା ଗଣ୍ୟମାଣ୍ୟ ବ୍ୟକ୍ତି ସାମିଲ ହୋଇଥିଲେ । କନ୍ଦର୍ପ ନାଗ ସପତ୍ନୀକ କର୍ତା ଦାଇତ୍ୱ ତୁଲାଇଥିବା ବେଳେ ସିନୀଲ ଗରିଆ, ବିଭୂତି ବାରିକ, ଦିଲ୍ଲିପ ଭୋଇ, କ୍ଷୀରସିନ୍ଧୁ କୁଲିହା, ବିକ୍ରମ ଗରିଆ, ପ୍ରଭାକର ଭୋଇ, ବଦ୍ରୀ ପ୍ରସାଦ ହୋତା, ଧର୍ମ ନିରଂଜନ ପଣ୍ଡା ପ୍ରମୁଖ ସହେଯାଗ କରିଥିଲେ ।