18-Feb-2023

ସୁବର୍ଣ୍ଣପୁର - ଆଜି ପବିତ୍ର ମହାଶିବରାତ୍ରୀ ଅବସରରେ ସହରର ରାମେଶ୍ୱର ମନ୍ଦିର ପରିସରରେ  ସମାଜସେବୀ ଶ୍ରୀବତ୍ସ ମଲ୍ଲିକ ଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏକ ସାମୁହିକ  ବ୍ରତପୋନୟନ ଅନୁଷ୍ଠିତ ହୋଇଯାଇଛି।  ଦୀର୍ଘ 34 ବର୍ଷ ଧରି ଏ ମହତ କାର୍ଯ୍ୟ କୁ ସୁରୁଖୁରୁ ରେ ଶ୍ରୀ ମଲ୍ଲିକ ପରିଚାଳନା କରି ଆସୁଥିବା ବେଳେ ଚଳିତ ବର୍ଷ ୯ ଜଣ ଗରିବ ବ୍ରାହ୍ମଣ ପିଲାଙ୍କ ବ୍ରତପୋନୟନ ଅନୁଷ୍ଠିତ ହୋଇଯାଇଛି। ଧର୍ମ ପତ୍ନୀ ମୈଥିଲି ଙ୍କ ସହିତ ଶ୍ରୀ ମଲ୍ଲିକ କର୍ତ୍ତା ଭାବେ  ସବୁ ବର୍ଷ ଏକାର୍ଯ୍ୟ ସମ୍ପାଦନ କରି ଖୁବ ଶାନ୍ତି ଓ ଆତ୍ମ ସନ୍ତୋଷ ପାଉଥିବା  ଏବଂ  ଏ ଭଳି ସେବା କାର୍ଯ୍ୟ ସୁଯୋଗ କେବଳ ସରଳ, ଉଦାର ବ୍ୟକ୍ତି ଙ୍କୁ ମିଳିଥାଏ ବୋଲି ଏ ବିଷୟ ଆଜି ସାମ୍ବାଦିକ ଙ୍କୁ କହିଛନ୍ତି l ଜନ୍ମ ରୁ ମୃତ୍ୟୁ ପର୍ଯ୍ୟନ୍ତ ସରକାର ବିଭିନ୍ନ ସହାୟତା ଯୋଜନା  କରିଥିବା ବିଷୟ ଲୋକେ ଶୁଣିଥିବେ ହେଲେ ଛୁଆ ଜନ୍ମ ହେଲେ ମେଡିକାଲ ରୁ ଆରମ୍ଭ କରି  ଦୁଃଖୀ ରଙ୍କି ଙ୍କ ର ଛୋଟ ବଡ଼ ଉତ୍ସବ ରେ  ସୁଖ ଦୁଃଖ ସବୁ ବେଳେ ସଙ୍କଟ ମୋଚନ ପରି ଛିଡା ହୁଅନ୍ତି ସେ ଏବଂ ସମସ୍ତ  ପ୍ରକାର ସହାୟତା ପ୍ରଦାନ କରିଥାନ୍ତି l ଏ ପରିକି ନିଜର ବ୍ୟସ୍ତ ବହୁଳ ଜୀବନ ଭିତରେ  କାହାର ଅସମୟରେ ସ୍ମଶାନ ରେ ମଧ୍ୟ ସାହାଯ୍ୟ ପାଇଁ ସମୟ ଦେବା  କେବେ ଅବହେଳା କରନ୍ତିନି  ଶ୍ରୀ ମଲ୍ଲିକ l ସରକାରୀ ବେସରକାରୀ ବଡ଼ ବଡ଼ ସଭା ସମିତି ରେ ସବୁ  କାର୍ଯ୍ୟ ରେ ଶ୍ରୀବତ୍ସ ଭାଇ ଖୋଜା ପଡନ୍ତି l ଆଉ ଘଂଟାଏ ଭିତରେ ଯଦି ହଜାର ଲୋକ ଙ୍କ ଖାଇବା ପିଇବା ବ୍ୟବସ୍ଥା ଆୟୋଜନ

କୋଉଠି ଜରୁରୀ ପଡ଼ିଯାଏ  ସେ ତୁରନ୍ତ ସେଠି ମାତା ଲଷ୍ମୀ ଙ୍କ ପରି ଚମତ୍କାର ଦେଖେଇ ଦିଅନ୍ତି l ସୁବର୍ଣ୍ଣପୁର ଜ଼ିଲ୍ଲା ତଥା ପାଖ ପଡୋଶୀ ଜ଼ିଲ୍ଲା ର ଯେ କୌଣସି ଲୋକ ବି କିଛି ସାହାଯ୍ୟ ମାଗେ ଶ୍ରୀ ମଲ୍ଲିକ କାହାକୁ କେବେ  ନିରାଶ କରିବା କଥା ଶୁଣି ନ ଥିବେ l ଆଉ ସାଧାରଣ ଲୋକଙ୍କ ଠୁଁ ଆରମ୍ଭ କରି ଜ଼ିଲ୍ଲା  ପ୍ରଶାସନ ର  ଛୋଟ ବଡ଼ ସବୁ ପଦାଧିକାରୀ ତାଙ୍କୁ ଅନ୍ନପୂର୍ଣ୍ଣା ବୋଲି କୁହନ୍ତି l ତାଙ୍କରି ବିଭିନ୍ନ ବ୍ୟବସାୟ ସଂସ୍ଥା ନାଁ ମଧ୍ୟ ଅନ୍ନପୂର୍ଣ୍ଣା ଏଜେନ୍ସି ନାମରେ ନାମିତ ଅଟେ l ପ୍ରତିବର୍ଷ ଶ୍ରୀ ମଲ୍ଲିକ ଙ୍କର ଏହିପରି ପୂଣ୍ୟ କାମକୁ ଜନସାଧାରଣ ଖୁବ୍ ପ୍ରଶଂସା କରିଛନ୍ତି।