16-Feb-2023

ଲୋଇସିଂହା, (ବିନୋଦ କୁମାର ଦୀପ) ଆଜି ଲୋଇସିଂହା ନିର୍ବାଚନ ମଣ୍ଡଳୀ ଆଗଲପୁର ବ୍ଲକ ସାଲେଭଟା ଅନ୍ତର୍ଗତ ଗାଇଖାଇ ଡ୍ୟାମ ରେ ପର୍ଯ୍ୟଟନ ସ୍ଥଳୀର ଶିଳାନ୍ୟାସ କରାଯାଇଛି l ପ୍ରଥମେ ପୂଜାର୍ଚ୍ଚନା କରି ନଡ଼ିଆ ଭାଙ୍ଗି ଶୁଭାରମ୍ଭ କରାଯାଇଥିଲା l ଏହି ଶିଳାନ୍ୟାସ କାର୍ଯକ୍ରମକୁ ମୁଖ୍ୟଅତିଥି ଭାବରେ ଲୋଇସିଂହା ବିଧାୟକ ଡ. ମୁକେଶ ମହାଲିଙ୍ଗ ଯୋଗ ଦେଇଥିଲେ ଓ ଜିଲ୍ଲା ବନାଞ୍ଚଳ ଅଧିକାରୀ ନୀତିଶ କୁମାର ଉପସ୍ଥିତ ରହି ସମସ୍ତ କାର୍ଯ୍ୟକୁ ତଦାରଖ କରିଥିଲେ l ତା ସଙ୍ଗେସଙ୍ଗେ ସାଲେଭଟା ଡିଭିଜନ ର ଫରେଷ୍ଟର ଶ୍ରୀ ବିମ୍ବାଧର ବେହେରା, ଲୋଇସିଂହା ରେଞ୍ଜର ଶ୍ରୀ ପାଉଲ୍ ହରିପାଲ, ଲୋଇସିଂହା ଫରେଷ୍ଟର ଶ୍ରୀ  ଠଣ ସୁନ୍ଦର ଧରୁଆ ମଧ୍ୟ ଉପସ୍ଥିତ ଥିଲେ l

ଆଗାମୀ ଦିନରେ ଏକ ଲୋକପ୍ରିୟ ପର୍ଯଟନ ସ୍ଥଳୀର ମାନ୍ୟତା ମିଳିବା ନେଇ ଅତିଥି ମାନେ ମତ ଦେଇଥିଲେ l ଯେହେତୁ ଗାଇଖାଈ ଡ୍ୟାମ ଏକ ପ୍ରକୃଷ୍ଟ ସ୍ଥାନରେ ଥିବାରୁ ପର୍ଯ୍ୟଟକ ମାନଙ୍କୁ ଆକୃଷ୍ଟ କରିବା ସଙ୍ଗେ ସଙ୍ଗେ  ଏ ଅଞ୍ଚଳର ବିକାଶ ହୋଇ ପାରିବ l ପ୍ରଥମ ପର୍ଯ୍ୟାୟରେ ପର୍ଯଟନ ସ୍ଥଳୀର ବିକାଶ ପାଇଁ 73 ଲକ୍ଷ ଟଙ୍କା ଅନୁଦାନ ଆସିଥିବା ଡ଼ିଏଫଓ ପ୍ରକାଶ କରିଛନ୍ତି l ଆସନ୍ତା କିଛିଦିନ ଭିତରେ         କାମ ଆରମ୍ଭ ହୋଇଯିବ ବୋଲି କହିଛନ୍ତି l ଏହି ପର୍ଯଟନ ସ୍ଥଳକୁ ମାନ୍ୟତା ଦିଆ ଯାଉଥିବାରୁ ଏ ଅଞ୍ଚଳରେ ଖୁସିର ଲହରୀ ଖେଳିଯାଇଛି l