16-Feb-2023

ମାତୃ-ପିତୃ ପୂଜନ କରି ଆଶୀର୍ବାଦ ଲୋଡିଲେ ଛାତ୍ରଛାତ୍ରୀ ।  ବିନିକା(ହିମାଂଶୁ ଶେଖର ପୁଟେଲ) ୧୪ଫେବୃଆରୀକୁ ଭାଲନଣ୍ଟାଇନ ଡେ' ଭାବେ ପାଳନ କରି ଆଜିର ଯୁବପିଡି ନିଜ ପିତା ମାତାଙ୍କୁ ଅନାଦର କରିବା ସହିତ ନିଜର ଜୀବନକୁ ନଷ୍ଟ କରୁଛନ୍ତି ।ବର୍ତ୍ତମାନର ଯୁବପିଡ଼ିକୁ ନୂଆଁ ରାସ୍ତା ଦେଖାଇବା ଓ ଭାରତର ସଂସ୍କୃତିର ମୂଳୋତ୍ପାଟନ ହେଉଥିବା ଭୟଙ୍କର ଷଡ଼ଯନ୍ତ୍ରକୁ ମୁକାବିଲା କରିବା ପାଇଁ ମାତା ପିତାଙ୍କ ସମ୍ମାନାର୍ଥେ ବିନିକା-ସିଲାଟି ରାସ୍ତାରେ ଥିବା ସାଇଶ୍ରୀ ଲୀଲା ସାହଜୀ ବିଦ୍ୟାମନ୍ଦିରରେ ଅଧ୍ୟୟନରତ ଛାତ୍ରଛାତ୍ରୀ ମାନେ ଭାଲେନଣ୍ଟାଇନ ଡେ' କୁ ଚ୍ୟାଲେଞ୍ଜ ସହ ଆଡ଼ମ୍ବରପୂର୍ଣ୍ଣ ଭାବେ ପୂଜନ ଦିବସ ପାଳନ କରି ଆଜିର ଯୁବ ପିଡ଼ିକୁ ସଚେତନତାର ବାର୍ତା ପ୍ରଦାନ କରିଛନ୍ତି ।ଅନୁଷ୍ଟିତ ଏହି ପୂଜନ ଦିବସରେ ଗୁରୁକୂଳର ସମସ୍ତ ଛାତ୍ରଛାତ୍ରୀ ରୀତିନୀତି ଓ ପରମ୍ପରା ଅନୁଯାୟୀ ନିଜ ପିତା ମାତାଙ୍କ ମସ୍ତକରେ ତିଳକ ଦେଇ ଫୁଲମାଳ ପିନ୍ଧାଇ ଆଳତୀ ଦ୍ଵାରା ପୂଜା କରିବା ସହିତ ପିତା ମାତାଙ୍କୁ ଜୀବନର ଶେଷ ପର୍ଯ୍ୟନ୍ତ ସେବା କରିବା ପାଇଁ ସଂକଳ୍ପ ନେଇଥିଲେ ।ଏହି ପୂଜନ କାର୍ଯ୍ୟକ୍ରମକୁ ଜୟଚାନ୍ଦ୍ର ଭାଇ ପରିଚାଳନା କରିଥିବା ବେଳେ ଗୁରୁକୂଳ ଆଶ୍ରମର ଭାଇ ମାନେ ସହଯୋଗ କରିଥିଲେ ।