14-Feb-2023

'ମାୟାଧର ମାନସିଂହଙ୍କ କାବ୍ୟ-କବିତାରେ ପ୍ରଣୟ ଚେତନା' ଶୀର୍ଷକ ଏକ ଆଲୋଚନାଚକ୍ର ସରକାରୀ ମହାବିଦ୍ୟାଳୟ ବଲାଙ୍ଗୀର ଠାରେ ଅନୁଷ୍ଠିତ ହୋଇଯାଇଅଛି | ଏହି ଆଲୋଚନା ଚକ୍ରରେ ମାନସିଂହଙ୍କ ବିଭିନ୍ନ କାବ୍ୟକବିତାରେ ଦେହରୁ ଦେହାତୀତ ଓ ଇହରୁ ପାରାଲୌକିକ ପ୍ରେମ ଓ ପ୍ରଣୟ କିଭଳି ପ୍ରତିଫଳିତ ହୋଇଛି ଆଲୋଚକମାନେ ଆଲୋଚନା କରିଥିଲେ | ଅତିଥି ବକ୍ତା ଭାବେ କଟାପାଲି ଉଚ୍ଚ ମାଧ୍ୟମିକ ବିଦ୍ୟାଳୟର ପ୍ରଧ୍ୟାପିକ ଡ. ଭଗବତୀ କର ନିଜ ବକ୍ତବ୍ୟରେ ମାନସିଂହଙ୍କ ସାହିତ୍ୟ କୃତିରେ ନୈସର୍ଗିକ ପ୍ରେମ ଓ  ପ୍ରଣୟର ଧାରା କିଭଳି ସଦା ଅନୁରଣିତ ବୁଝାଇଥିଲେ, ପ୍ରାଚ୍ୟ ଓ ପାଶ୍ଚାତ୍ୟ କବିଙ୍କ କାବ୍ୟକୃତିର ପ୍ରଭାବ କିଭଳି ମାନସିଂହ ତାଙ୍କ କବିତାରେ ମୌଳିକତା ରକ୍ଷାକରି ଫୁଟାଇ ପାରିଛନ୍ତି ବିଭିନ୍ନ ପଂକ୍ତିକୁ ଅବତାରଣା କରି ପିଲାଙ୍କୁ ଜଣାଇଥିଲେ |ମହାବିଦ୍ୟାଳୟର ଛାତ୍ର ଆଲୋକ ସେଠ୍ ଓ ସଚ୍ଚିନ ଦ୍ୱାରି ଆଲୋଚନାଚକ୍ରରେ ନିଜସ୍ଵ ପ୍ରବନ୍ଧ ପାଠ କରିଥିଲେ | ମହାବିଦ୍ୟାଳୟର ସହକାରୀ ପ୍ରଫେସର୍ ଡ. କୌତୁକ ପନ୍ଦରଙ୍କ  ପରିଚାଳନାରେ ଆୟୋଜିତ ଏହି ସଭାରେ ଅଧ୍ୟକ୍ଷ ଡ. ଅଶୋକ କୁମାର ମହାପାତ୍ର ସଭାପତିତ୍ଵ କରିଥିଲେ |ଏହେ କ୍ରମରେ ବିଶ୍ଵ ହକି କପ୍ ପ-୨୦୨୩କୁ ନେଇ ଆୟୋଜିତ ବିଭିନ୍ନ ପ୍ରତିଯୋଗିତାର କୃତୀ ଛାତ୍ର ଛତ୍ରୀଙ୍କୁ ପୁରସ୍କାର ଦିଆଯାଇଥିଲା | ଆଲୋଚନା ଚକ୍ରରେ ଡ. ଅଶୋକ କୁମାର ମହାରଣା, ଡ. ରମଣୀ ନାଏକ, ଡ. ଅମୃତ ସିଂ ବରିହା, ବିଶ୍ବଭୂଷଣ ବିଶ୍ଵାଳ, ନୀଳକଣ୍ଠ ନାଗ, ଅମୃତା ମହାପାତ୍ର ଓ ଛାତ୍ରୀ ପ୍ରୀତି ପଟେଲ୍ ସାହାଯ୍ୟ ସହଯୋଗ କରିଥିଲେ |ମହାବିଦ୍ୟାଳୟର ଶତାଧିକ ଛାତ୍ରଛାତ୍ରୀ ଓ ଅନ୍ୟାନ୍ୟ କର୍ମଚାରୀବୃନ୍ଦ ଏଥିରେ ଉପସ୍ଥିତ ଥିଲେ |ଶେଷରେ ଅଧ୍ୟାପକ ହୃଷୀକେଶ ଦାସ ଧନ୍ୟବାଦ୍ ଅର୍ପଣ କରିଥିଲେ |