14-Feb-2023

ବଲାଙ୍ଗୀର-ଆଜି ଓଡ଼ିଶା ପାଚିକା ସହାୟିକ ସଂଘ ତରଫରୁ ନିଜର ବିଭିନ୍ନ ଦାବିକୁ ନେଇ ବଲାଙ୍ଗୀର ଜିଲ୍ଲାପାଳଙ୍କ ଅଫିସ ଘେରାଉ ଓ ବିକ୍ଷୋଭ ପ୍ରଦର୍ଶନ କରାଯାଇଥିଲା । ପାଚିକା ସହାୟିକା ସଂଘର ବିଭିନ୍ନ ଦାବିକୁ ନେଇ ଆଜି ଜିଲ୍ଲାର ବିଭିନ୍ନ ବ୍ଲକର କାର୍ଯ୍ୟରତ ପାଚିକା ମାନେ ଜିଲ୍ଲାପାଳଙ୍କ ଅଫିସ ଆଗରେ ବିକ୍ଷୋଭ ପ୍ରଦର୍ଶନ କରିଥିେଲେ । ସରକାରଙ୍କ ମଧ୍ୟାହ୍ନ ଭୋଜନରେ ନିୟୋଜିତ ପାଚିକା ମାନଙ୍କୁ ଶ୍ରମିକର ମର୍ଯ୍ୟାଦା ଦେବା, ସର୍ବନିମ୍ନ ମଜରୀ ପ୍ରଦାନ,  ପାଚିକା ମାନଙ୍କ ବକେୟା ୨୮ ମାସର ଦରମା ପ୍ରଦାନ ଆଦି ଦାବିରେ ଆଜି ଜିଲ୍ଲାପାଳଙ୍କ ଅଫିସ ଘେରାଉ କରିଥିଲା ପାଚିକା ସହାୟିକ ସଂଘ । ଏଆଇଟିୟୁସିର ଜିଲ୍ଲା ସଭାପତି ବିଭୁଦତ୍ତ ମିଶ୍ରଙ୍କ ନେତୃତ୍ୱରେ ଅନୁଷ୍ଠିତ ଏହି ଘେରାଉ କାର୍ଯ୍ୟକ୍ରମରେ ଶତାଧିକା ପାଚିକା ଭଉଣୀ ମାନେ ଏକଜୁଟ୍ ହୋଇଥିଲେ । ଆଗାମୀ ଦିନରେ ନିଜର ନ୍ୟାର୍ଯ୍ୟ ଦାବି ପୂରଣ ନ ହେଲେ ଆନ୍ଦୋଳନକୁ ଆହୁରି ଭୟାବହ କରାଯିବ ବୋଲି ପାଚିକା ସହାୟିକା ସଂଘ ତରଫରୁ ଚେତାବନୀ ଦିଆଯାଇଛି ।