28-Jan-2023

ସମ୍ବଲପୁର(ସଂଜୀବ ପାଣିଗ୍ରାହୀ)
 ସମ୍ବଲପୁର ମହାନଗର ନିଗମ ଦାନୀପାଲି ଠାରେ ରଣେଶ୍ୱର ରାମଚଣ୍ଡୀ ମନ୍ଦିର ପ୍ରତିଷ୍ଠା ଅବସରରେ ଆଜି ଦେବଦେବୀ ସ୍ନାନ ସହିତ ଦେବତା ପ୍ରାଣ ପ୍ରତିଷ୍ଠା ଅନୁଷ୍ଠିତ ହୋଇଥିଲା I ସକାଳ ୯ ଘଣ୍ଟାରୁ ଯଥା ରୀତି ଅନୁଯାୟୀ ଦେବଦେବୀ ସ୍ନାନ, ନ୍ୟାସ, ଦେବତା ପ୍ରାଣ ପ୍ରତିଷ୍ଠା ସହିତ ବିଶେଷ ହୋମ ପୂଜନୋତ୍ସବ ଅନୁଷ୍ଠିତ ହୋଇଥିଲା I ସନ୍ଧ୍ୟାରେ ଡ଼ଃ ଗୋରୀ ଦାସ ପ୍ରଧାନଙ୍କ ପରିଚାଳନାରେ ଏକ ସଭା ଅନୁଷ୍ଠିତ ହୋଇଥିଲା I ଏହି ସଭାରେ ରସିଆପାଲିର ବିଶିଷ୍ଟ ଚାଷୀ ତେଲିପ୍ ପ୍ରଧାନ, ମୋତିଲାଲ ପାତ୍ର (ଭାଲୁପାଲି), ଲଳିତ ମୋହନ ପ୍ରଧାନ ( କଳାମାଟି), ସୁଶାନ୍ତ କୁମାର ପ୍ରଧାନ (ପଞ୍ଚଗାଁ), ଜଟାଧାରୀ ପ୍ରଧାନ (କୁମ୍ଭାରୀ), ଶଙ୍ଖଦିନୀ ପ୍ରଧାନ (ଠାକୁରମାଳ) ଏବଂ ଭୂପେନ୍ଦ୍ର କୁମାର ସାହୁ (ଝିଲମିଲା, ମହାସମୁନ୍ଦ, ଛତିଶଗଡ଼)ଙ୍କୁ ଅତିଥି ଗଣ ସମ୍ବର୍ଦ୍ଧିତ କରିଥିଲେ I ଏହି ଅବସରରେ ଛାତ୍ର ଛାତ୍ରୀ ମାନଙ୍କ ଦ୍ୱାରା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା I ଏହି କାର୍ଯ୍ୟକ୍ରମକୁ ଦେବାଶିଷ ପ୍ରଧାନ, ପ୍ରଦୀପ ସାହୁ ଏବଂ ସୁପ୍ରଭା ପ୍ରଧାନ ପରିଚାଳନା କରିଥିଲେ I ଭଟଲିର କବି ଦେବେନ୍ଦ୍ର କୁମାର ସାହୁ ଏବଂ ବାଙ୍କ ବିହାରୀ ସାହୁ ବ୍ୟଙ୍ଗ କବିତା ପରିବେଷଣ କରିଥିଲେ I ଛତିଶଗଡ଼ ଘୁଚାପାଲିର ସଂକୀତ୍ତନ୍ୟ ମଣ୍ଡଳୀ, ବଲଵସପୁରର କୃଷ୍ଣଗୁରୁ, ସାଲାଡ଼ ଏବଂ ରେଙ୍ଗାଲି କେମ୍ପ ବନହରର ମହିଳା କୀର୍ତ୍ତନ ଦଳ ସହିତ ଆ. କଟାପାଲି ଏବଂ ଭବାନୀପାଲିର ଯୁଗାରଯାତ୍ର ବେଶ ଆକର୍ଷଣୀୟ ହୋଇଥିଲା I ଆସନ୍ତାକାଲି ୨୯ ତାରିଖ ରବିବାର ଦେବଦେବୀଙ୍କ ମନ୍ଦିର ପ୍ରବେଶ ଏବଂ ପୂର୍ଣ୍ଣାହୁତି ଅନୁଷ୍ଠିତ ହେବ I