28-Jan-2023

ସମ୍ବଲପୁର, (ସଂଜୀବ ପାଣିଗ୍ରାହୀ)
ସମାଜରେ ଏକତା ପ୍ରତିଷ୍ଠା କରିବା ପାଇଁ ପରିବାର ଭିତରେ ସମନ୍ବୟ ଏବଂ ସହଯୋଗ ନିହାତି ଜରୁରୀ।  ସହରୀ ବ୍ୟବସ୍ଥା ଭିତରେ  ଏକକ ପରିବାର ସଂଖ୍ଯା ବ୍ରୁଦ୍ଧିପାଉଛି। ଏଭଲି ପରିସ୍ଥିତି ଭିତରେ ସମ୍ବଲପୁର ମହାନଗର ନିଗମର ୪୩ ନମ୍ବର ଓ୍ବାର୍ଡର ସାରସ୍ୱତ କଲୋନୀ ରେ ସାମାଜିକ ସଦଭାବନା ପ୍ରତିଷ୍ଠା ପାଇଁ ସାରସ୍ୱତ ସମାରୋହ ଅନୁଷ୍ଠିତ ହୋଇଯାଇଛି। ସାରସ୍ୱତ କଲୋନୀ ବିକାଶ ସମିତିର ସଭାପତି ପୁର୍ଣ୍ଣଚନ୍ଦ୍ର ଦାସଂକ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ଅତିରିକ୍ତ ଉପ ଜିଲ୍ଲାପାଲ  ଅଂଜଲିନା ପ୍ରଧାନ ମୁଖ୍ଯ ଅତିଥି ଭାବରେ ଯୋଗଦେଇ  ସାମାଜିକ ବିକାଶ ପାଇଁ କରାଯାଉଥିବା ଉଦ୍ୟମକୁ ପ୍ରସଂଶା କରିଥିଲେ। ସାରସ୍ୱତ ସମାରୋହ ରେ ସାରସ୍ୱତ କଲୋନୀ ଏବଂ ଚାରଭାଟୀ ସମେତ ସହରର ବହୁ ପରିବାର ମାନେ ସାମିଲ ହୋଇଥିଲେ  । ସମାରୋହରେ ମହିଲା, ଶିଶୁ ଏବଂ ପରିବାର ମାନଂକ ମଧ୍ଯରେ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଶିଶୁ ମାନେ ବେଦର ଶ୍ଲୋକ ଆବ୍ରୁତି କରିଥିଲେ।  ସନ୍ଧ୍ଯାରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ସାରସ୍ୱତ କଲୋନୀ ଏବଂ ଚାରଭାଟୀ ର ଛାତ୍ରଛାତ୍ରୀ ମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ। ସାରସ୍ୱତ ସମାରୋହ ଅବସରରେ ଦତ୍ତାତ୍ରେୟ ସାଇ ମନ୍ଦିର ରେ ସରସ୍ୱତୀ ପୁଜା କରାଯାଇଥିଲା। ଏଥିରେ କଲୋନୀ ର ସମ୍ପାଦକ ଭବାନୀଶ ଭୋଇ  ଏବଂ ତାଙ୍କ ଧର୍ମପତ୍ନୀ ଡଲିମା ଭୋଇ କର୍ତା ଭାବରେ ଦାୟିତ୍ୱ ନିର୍ବାହ କରିଥିଲେ। ସାରସ୍ୱତ ସମାରୋହକୁ ବିକାଶ ସମିତିର କୋଷାଧ୍ୟକ୍ଷ ତପନ ବିଶ୍ବାଲ, ହେମନ୍ତ ତ୍ରୀପାଠୀ, ବେଣୁଧର ପଣ୍ଡା, ସୋନୁ ଦାସ, ଅବିନାଶ ବେହେରା, ଶୁଶିଲ କୁମାର, ହେମସାଗର ସାହୁ, ବାସୁଦେବ ବେହେରା, କ୍ଷେତ୍ରବାସୀ ସାହୁ, ଅଭିଲାସ  ହୋତା, ରାଜକୁମାର ସାହୁ, ସୁମନ୍ତ ପଣ୍ଡା, ସଂଜୟ ଅଗ୍ରଓ୍ୱାଲ, ଶ୍ରୀବତ୍ସ ପ୍ରଧାନ ପ୍ରମୁଖ ସହଯୋଗ କରିଥିଲେ। କାର୍ଯ୍ୟକ୍ରମ ଶେଷରେ ଦେବରାଜ ସ୍ବାଇଁ ଧନ୍ଯବାଦ ଅର୍ପଣ କରିଥିଲେ।