27-Jan-2023

ସୁବର୍ଣ୍ଣପୁର// ଜିଲ୍ଲା ବନ ବିଭାଗ ପକ୍ଷରୁ ଜଙ୍ଗଲ ପର୍ଯ୍ୟଟନର ବିକାଶ ପାଇଁ ଏକ ଅଭିନଵ ପ୍ରୟାସ ଆରମ୍ଭ ହୋଇଛି l ସହର  କଳାପଥର ନିକଟସ୍ଥ  ଝିଙ୍କି ଠାରେ ଜଂଗଲର ପ୍ରାୟ ସାଢେ ଏକୋଇଶ ହେକ୍ଟର ପରିମିତ ଜମିରେ ପଂଚବଟୀ ଉଦ୍ୟାନ ସୃ୍ଷ୍ଟି କରାଯାଇଛି । ୨୦୨୦-୨୧ ଆର୍ଥିକ ବର୍ଷରେ ମାତ୍ର ୯୦ ଲକ୍ଷ ଟଂକା ବ୍ୟୟ ଅଟକଳରେ ଆରମ୍ଭ ହୋଇଥିବା ଏହି ଉଦ୍ୟାନ ପାର୍କ ରେ ପ୍ରାୟ ୨୦ ହଜାରରୁ ଅଧିକ ଚାରା ଲଗାଯାଇଛି  ।ଉଦ୍ୟାନରେ ପଣସ ,ଆମ୍ବ କାଜୁ  ,ଜାମୁ ,ଡିମିରି ଆଦି ଫଳ ଚାରା ଲଗାଯାଇଥିବା ବେଳେ ନିମ୍ବ ,ମୁଚୁକୁଣ୍ଡ , ଅର୍ଜୁନ ଆଦି ଚାରା ରୋପଣ କରାଯାଇଛି  ।ସେହିପରି ପରିବେଶ ସୁରକ୍ଷା ପାଇଁ ବରଗଛ ,କରଂଜ ,ଅଶୋକ ,ରିଠା ଆଦି ୨୬ ପ୍ରକାରର ଗଛ ଲଗାଯାଇଛି  ।ଶିଶୁ ମାନଙ୍କ ମନୋରଂଜନ ପାଇଁ ଛୋଟିଆ ଟୋଏ ଟ୍ରେନ ସହିତ ହାତୀ ,ହରିଣ,ବଗ,କୁମ୍ଭିର, ଠେକୁଆ ,ମୟୁର ଆଦି ସିମେଣ୍ଟ ତିଆରି ମୂର୍ତ୍ତି ସବୁ ତିଆରି କରାଯାଇଥିବା ବେଳେ ରାମ ଲକ୍ଷ୍ମଣ ,ଭଗବାନ  ବୁଦ୍ଧ, ଇ,ଗଣେଶ,ହନୁମାନ ଆଦି ପ୍ରତିମା ,ଆଦି ପ୍ରତିମୂର୍ତ୍ତି ତିଆରି କରାଯାଇଛି  । ତେବେ ଏକ ନୂତନ ଜିମ ସହିତ ପୁଷ୍କରିଣୀ ଟିଏ ବି ଖୋଳା ଯାଇଛି  ।ପ୍ରାକୃତିକ

ଶୋଭାରାଜିରେ ଭରପୁର ଅର୍ଜୁନପୁର ଜଂଗଲର ଏକ ଛୋଟିଆ ଅଂଚଳରେ ଜନସାଧାରଣ ତଥା ବିଶେଷକରି ଶିଶୁ ମାନଙ୍କ ମନୋରଂଜନ ପାଇଁ ପର୍ଯ୍ୟାୟ କ୍ରମେ ସହର ର ବିକାଶ କାର୍ଯ୍ୟ ଜାରି ରହିଛି  ।ତେବେ ବିଭିନ୍ନ ପ୍ରକାରର ଫୁଲଗଛ ଲଗାଇବା ସହିତ ଆଲୋକ ବ୍ୟବସ୍ଥା ,ପୁଷ୍କରିଣୀରେ ହଂସ ,ବତକ ,ମାଛ ଛାଡିବା ,ଶିଶୁମାନଙ୍କ ମନୋରଂଜନ ପାଇଁ ବିଭିନ୍ନ ଖେଳସାମଗ୍ରୀ ,ଟ୍ରାକିଂ ରୋଡ ଆଦି କାର୍ଯ୍ୟ ଜାରି ରହିଥିବା ବିଷୟ ସୋନପୁର ବନଖଣ୍ଡ ଅଧିକାରୀ ମନୋରଞ୍ଜନ ବାଗ କହିଛନ୍ତି l ତେବେ ଆଜି ଏହି ସୁନ୍ଦର ପାର୍କ କୁ ରାଜ୍ୟ ଜଙ୍ଗଲ ଓ ପରିବେଶ ମନ୍ତ୍ରୀ ପ୍ରଦିପ କୁମାର ଅମାତ ଶୁଭ ଉଦ୍ଘାଟନ କରିଥିବା ବେଳେ,ସୁବର୍ଣ୍ଣପୁର ଜିଲ୍ଲାପାଳ ଅବୋଲି ଶୁନୀଲ ନର୍ଭଣେ,ଜିଲ୍ଲା ବନଖଣ୍ଡ ଅଧିକାରୀ ନିତିଶ କୁମାରଙ୍କ ସହିତ ଅନେକ ଜିଲ୍ଲା ସ୍ତରୀୟ ଅଧିକାରୀ, ବନ ବିଭାଗର କର୍ମଚାରୀ,ଆଦି ଉପସ୍ଥିତ ଥିଲେ l ଶୁକ୍ରବାର ଦିନ ଠାରୁ ସର୍ବ ସାଧାରଣଙ୍କ ପାଇଁ ଏହି ପାର୍କ ଖୋଲା ଯାଇଥିବା  ସୁଚନା ମିଳିଛି।