27-Jan-2023

ବୌଦ୍ଧ//ଆଜି କେନ୍ଦ୍ରୀୟ ବିଦ୍ୟାଳୟ ବୌଦ୍ଧର ବିଦ୍ୟାଳୟ ପରିସରରେ ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପରୀକ୍ଷା ପେ ଚର୍ଚ୍ଚା କାର‌୍ୟ୍ୟର ସିଧା ପ୍ରସାରଣ ଆୟୋଜିତ ହୋଇଥିଲା । ଏହି କାର‌୍ୟ୍ୟକ୍ରମ ସିଧାପ୍ରସାରଣକୁ ବିଦ୍ୟାଳୟର ଷଷ୍ଠରୁ ଦ୍ବାଦଶ ଶ୍ରେଣୀର ଛାତ୍ରଛାତ୍ରୀ, ଶିକ୍ଷକ ଓ ଶିକ୍ଷୟତ୍ରୀ ଦେଖିଥିଲେ, ଉକ୍ତ କାର‌୍ୟ୍ୟକ୍ରମରେ ପ୍ରଧାନମନ୍ତ୍ରୀ ପରୀକ୍ଷାରେ ଉତ୍ତମ ଫଳାଫଳ ପାଇଁ ପରୀକ୍ଷା ପ୍ରସ୍ତୁତି ସମୟରେ ଏକ ଚାପମୁକ୍ତ ବାତାବରଣର ଆବଶ୍ୟକତା ସମ୍ବନ୍ଧରେ ବିଶଦ ଆଲୋଚନା କରିଥିଲେ । ଦେଶର ବିଭିନ୍ନ ପ୍ରାନ୍ତରୁ ଛାତ୍ରଛାତ୍ରୀମାନେ ପ୍ରଧାନମନ୍ତ୍ରୀ ଛାତ୍ରଛାତ୍ରୀଙ୍କୁ ଚାପମୁକ୍ତ ରହି ପରୀକ୍ଷାରେ ଉତ୍ତମ ପ୍ରସ୍ତୁତି ପାଇଁ ଅନେକ ଗଠନ ମୂଲ୍ୟବାନ ପରାମର୍ଶ ଦେଇଥିଲେ ।
   କାର୍ଯ୍ୟକ୍ରମର ସମାପ୍ତି ପରେ ବିଦ୍ୟାଳୟର ଭାରପ୍ରାପ୍ତ ଅଧ୍ୟକ୍ଷା ଶ୍ରୀମତୀ ରାଜଲକ୍ଷ୍ମୀ ବିଶ୍ବାଳ ଛାତ୍ରଛାତ୍ରୀଙ୍କ ସହ ପ୍ରଧାନମନ୍ତ୍ରୀଙ୍କ ମତାମତର ଆଲୋଚନା କରିଥିଲେ । ଏହି କାର‌୍ୟ୍ୟକ୍ରମକୁ ପ୍ରଧାନମନ୍ତ୍ରୀଙ୍କ ଏକ ଅଭିନବ ଛାତ୍ରୋପଯୋଗୀ ଓ ସଫଳ ପ୍ରୟାସ ବୋଲି ଅଭିହିତ  କରିଥିଲେ ଓ ଏହା ଦେଶର ଅଗଣିତ ଛାତ୍ରଛାତ୍ରୀ ମନୋବଳ ବୃଦ୍ଧିରେ ସହାୟକ ବୋଲି ମତବ୍ୟକ୍ତ କରିବା ସହ ଛାତ୍ରାନୁରାଗୀ ପ୍ରଧାନମନ୍ତ୍ରୀ ପ୍ରୟାସ ଓ ଆଗ୍ରହର ପ୍ରଶଂସା କରିଥିଲେ । ପରିଶେଷରେ ସେ ଆସନ୍ତା ମାସରେ ହେବାକୁଥିବା ସବିଏସ୍ଇ ବୋର୍ଡ ପରୀକ୍ଷାରେ  ଦଶମ ଓ ଦ୍ବାଦଶ ଶ୍ରେଣୀର ଛାତ୍ରଛାତ୍ରୀଙ୍କ ଉତ୍ତମ ପ୍ରଦର୍ଶନର କାମନ କରିଥିଲେ ।