17-Jan-2023

କଣ୍ଟାବାଞ୍ଜି (ପ୍ରେରଣା ଖବର)
ସାରା ଦେଶରେ ଜାତୀୟ ସଡ଼କ ସୁରକ୍ଷା ସପ୍ତାହ ପାଳନ ଅବସରରେ ପଖନମୁଣ୍ଡା ଉଚ୍ଚ ପ୍ରାଥମିକ ବିଦ୍ୟାଳୟରେ ମଧ୍ୟ ସପ୍ତାହର ଶେଷ ଦିବସରେ ଏକ ସଚେତନତା ସଭା ଅନୁଷ୍ଠିତ ହୋଇଥିଲା।ବିଦ୍ୟାଳୟର ପ୍ରଧାନ ଶିକ୍ଷକ ତଥା ରକ୍ଷକ ଶ୍ରୀ ବିରଂଚି ନାରାୟଣ ଦାଶଙ୍କ ତତ୍ତ୍ୱାବଧାନରେ ବିଦ୍ୟାଳୟରେ ଅନୁଷ୍ଠିତ ସଭାରେ ଶିକ୍ଷକ ମନୋଜ କୁମାର ତାଣ୍ଡୀ, ବିଶେଶ୍ୱର ମୁଦୁଲି, ଅଲେଖ ବନଗୋଲା,ଆମେରିକାନ ଇଣ୍ଡିଆ ଫାଉଣ୍ଡେସନର କର୍ମକର୍ତ୍ତା ଶ୍ରୀ ବିଜୁଦାସ ମହାନନ୍ଦ, ଯଶୋବନ୍ତ କୁମ୍ଭାର, ନରେଶ ତାଣ୍ଡୀ, ସୁଶୀଲ ଛତ୍ରିଆ, ଅରୁଣ ସମରଥ,ପୃଥ୍ୱୀରାଜ ବାରିକ, ଜୟ ନାଗ ଯୋଗ ଦେଇଥିଲେ।ସର୍ବ ପ୍ରଥମେ ଶ୍ରୀ ଦାଶ ଉପସ୍ଥିତ ଛାତ୍ରଛାତ୍ରୀ, ଗ୍ରାମବାସୀ ମାନଙ୍କୁ ସଭାର ଲକ୍ଷ୍ୟ ଓ ଉଦ୍ଦେଶ୍ୟ ଉପରେ ଆଲୋକପାତ କରିଥିଲେ।ତାପରେ ସଭାରେ ଉପସ୍ଥିତ ଅତିଥି ବୃନ୍ଦ    ସଡ଼କ ସୁରକ୍ଷା ଓ ନୀତିନିୟମ ଉପରେ କହିଥିଲେ।ସଭା ପରେ ସମସ୍ତେ ସ୍ଳୋଗାନ ଦେଇ  ଗ୍ରାମ ପରିକ୍ରମା କରିଥିଲେ।