17-Jan-2023

ନବରଙ୍ଗପୁର:-ମିହିରଶଙ୍କର ପାତ୍ର 
ଡାବୁଗାଁ ବହୁ ଚର୍ଚ୍ଚିତ ମାଁ ଦାବାଦେଈ ମନ୍ଦିର ଭୂମି ଚିହ୍ନଟ ହୋଇ ପାରିଲା ନାହିଁ ସଂପୂର୍ଣ୍ଣ। ଅନ୍ୟ ଏକ ଦିନ ଧାର୍ଯ୍ୟ କରି ଚିହ୍ନଟ କରିବା ପାଇଁ ନିଆଗଲା ନିଷ୍ପତ୍ତି। ଡଙ୍ଗରିଗୁଡା ମୌଜା ଅଧୀନ ରେ ଥିବା ଦାବାଦେଈ ମନ୍ଦିର ପ୍ଲଟ ୧୯୬୮ ସହ  ସରକାରୀ ଜମି ପ୍ଲଟ  ୧୯୬୯ ଏବଂ ୧୯୭୩ ପାର୍ଶ୍ବ ରେ ଥିବା ବିବାଦୀୟ  ରାସ୍ତା ଜମି ଚିହ୍ନଟ ରେ କିଛି ମତାନ୍ତର ଯୋଗୁଁ ଅନ୍ୟ ଏକ ଦିନ ଜମି ଚିହ୍ନଟ ଧାର୍ଯ୍ୟ କରାଯିବ ବୋଲି ଆଲୋଚନା ହୋଇଥିଲା। ମାଁ ଦାବାଦେଈ ମନ୍ଦିର ପରିସରକୁ ନିର୍ମଳ ଓ ପାର୍ଶ୍ବ ରେ ହୋଇ ଥିବା ଜବରଦଖଲ ଉଚ୍ଛେଦ ସହ ସଠିକ ରାସ୍ତା ନିରୁପଣ ପରେ ଆପୋଷ ଆଲୋଚନା କରି ଜମି ଚିହ୍ନଟ କରାଯିବ ବୋଲି ନିଷ୍ପତ୍ତି ହେଲା। ଡାବୁଗାଁ ରାଜସ୍ୱ ନିରୀକ୍ଷକ ଚୈତନ୍ୟ ବେହେରା ମନ୍ଦିର ର ତିନି ପାର୍ଶ୍ବ ରୁ ଜମି ଚିହ୍ନଟ କଲେ ଏବଂ ଗୋଟିଏ ପାର୍ଶ୍ବ ରେ ଅନ୍ୟ ଗୋଟିଏ ଦିନ ଜମି ଚିହ୍ନଟ ପାଇଁ ନିଷ୍ପତ୍ତି ହେଲା।ଏହି ସମୟରେ କୃଷକ ମହାସଂଘ ସଭାପତି ସତ୍ୟ ରଞ୍ଜନ ପାତ୍ର, ହିନ୍ଦୁ ମହାସଂଘ ପ୍ରମୁଖ ଜୟନ୍ତ କୁମାର ପାତ୍ର, ଡାବୁଗାଁ ବିଜେଡ଼ି ସଭାପତି ସୁରେଶ ମିଶ୍ର, ବିଧାୟକ ପ୍ରତିନିଧି ଏମ୍ ବୁଲୁ ରାଓ, କେଲିଆ ମନ୍ଦିର ସଂପାଦକ ଶ୍ରୀ ଦେବରାଜ ପାତ୍ର, ଜିଲ୍ଲା ପରିଷଦ ସଭ୍ୟ ଗୁପ୍ତ ବିଷୟୀ, ବ୍ଲକ ଉପାଧ୍ୟକ୍ଷ ଆନନ୍ଦ ନାୟକ, ଡାବୁଗାଁ ପ୍ରେସ କ୍ଲବ ସଂପାଦକ ମିହିର ଶଙ୍କର ପାତ୍ର, ଉପ ସଭାପତି ଗଗନ ଗନ୍ତାୟତ,ଡାବୁଗାଁ ସରପଞ୍ଚ ବିନୋଦ ସୌରା, ଡଙ୍ଗରିଗୁଡା ପଞ୍ଚାୟତ ସରପଞ୍ଚ ରାମ କୁମାର ଗଣ୍ଡ, ରଣଜିତ୍ ଘଡେ଼ଇ, ତାରିଣୀ ରେଲି, ପୂର୍ଣ୍ଣ ପୂଜାରୀ, ନରୁ ସିଂ, ନରେଶ ସିଂ , ବିଟୁ ସିଂ, ଦିବା ବିଷୋୟୀ,ମନୁ ଦେଲି , ସୁରେନ୍ଦ୍ର ରେଲି, ଜଗନ୍ନାଥ ରେଲି, ଜଗନ୍ନାଥ ସିଂ,ଲବ ବିଷୋୟୀ ଏବଂ ଗ୍ରାମବାସୀ ଉପସ୍ଥିତ ଥିଲେ।