15-Jan-2023

ସୁବର୍ଣ୍ଣପୁର:  ଜ଼ିଲ୍ଲା ଉନ୍ନୟନ ପ୍ରଦର୍ଶନୀ, ପଲ୍ଲିଶ୍ରୀ ମେଳା ଓ ନୃତ୍ୟ ଗୀତର ମହାପାର୍ବଣ ସୁବର୍ଣ୍ଣ ଲୋକ ମହୋତ୍ସବ ୨୦୨୩ ର ଆଜି ଦ୍ଵିତୀୟ ସନ୍ଧ୍ୟା ସାଂସ୍କୃତିକ କାର୍ଯ୍ୟକ୍ରମ ଉଦଘାଟିତ ହୋଇ ଯାଇଛି l ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ଓଡିଶା, ଜ଼ିଲ୍ଲା ସଂସ୍କୃତି ପରିଷଦ  ଓ ଜ଼ିଲ୍ଲା କଳା ସଂସ୍କୃତି ସଂଘ ସୁବର୍ଣ୍ଣପୁର ଦ୍ୱାରା ଶ୍ରୀ ରାମେଶ୍ୱର ଷ୍ଟାଡିଅମ ଠାରେ  ବର୍ଣ୍ଣlଢ୍ୟ  ପରିବେଶ ରେ ଆୟୋଜିତ ଆଜି ଦ୍ଵିତୀୟ ଦିବସରେ ମୁଖ୍ୟ ଅତିଥି ଡ. ସୁରେଶ ଚନ୍ଦ୍ର ଦଳାଇ  ଭା. ପ୍ର. ସେ. ଉତ୍ତରାଞ୍ଚଳ ରାଜସ୍ବ କମିଶନର ଓ ସମ୍ମାନିତ ଅତିଥି ଭାବେ  ଡ.ଦୀପକ କୁମାର ଆରକ୍ଷୀ ମହା ନିରୀକ୍ଷକ ଏନ. ଆର. ସମ୍ବଲପୁର, ଶ୍ରୀମତୀ ସାରା ଶର୍ମା ଆରକ୍ଷୀ ଅଧିକ୍ଷକ ଦୁର୍ନୀତି ନିବାରଣ ସମ୍ବଳପୁର ଶାଖା, ଅବୋଲି ସୁନୀଲ ନର୍ଭଣେ ସୁବର୍ଣ୍ଣପୁର ଜ଼ିଲ୍ଲାପାଳ, ଅମରେଶ ପଣ୍ଡା ଏସପି ସୁବର୍ଣ୍ଣପୁର ଯୋଗ ଦେଇ ସୁବର୍ଣ୍ଣପୁରର କଳା ସଂସ୍କୃତି ଓ ପର୍ୟ୍ୟଟନ କୁ ଭୁୟସୀ ପ୍ରଶଂସା କରି  ଏଠାକାର ହକି ଉତ୍ସାହ ଓ ମାହୋଲକୁ ଦେଖି ଆଶ୍ଚର୍ଯ୍ୟ ହୋଇଥିଲେ l ସୋନପୁରର ପ୍ରାକ୍ତନ ଏସପି ସାରା ଶର୍ମା ମଞ୍ଚ ରେ ସୁନ୍ଦର ସଂଗୀତ ପରିବେଷଣ କରି ଦର୍ଶକଙ୍କୁ ଖୁସି କରିଥିଲେ l ସଂଗୀତକାର  ଶାଶ୍ୱତ ତ୍ରିପାଠୀ ହକି ସଂଗୀତ ଗାନ କରି  ଜାତୀୟ ଖେଳ ହକି ଉପରେ ସମସ୍ତ ଙ୍କୁ  ଆକର୍ଷିତ କରିଥିଲେ l ଜ଼ିଲ୍ଲା ପ୍ରଶାସନ ପକ୍ଷରୁ ବାଲ୍ୟ ବିବାହ ନିରୋଧ ଉପରେ ମଞ୍ଚ ରେ ନାଟକ ମାଧ୍ୟମ ରେ ସଚେତନତା  ବାର୍ତ୍ତା ଦେଇଥିଲେ l ଯାହାକି ଉପସ୍ଥିତ ଦର୍ଶକଙ୍କୁ ଭାବ ବିହ୍ଵଳ କରିପକାଇଥିଲା l   ବାଲ୍ୟ ବିବାହ ଉପରେ ଜ଼ିଲ୍ଲାପାଳଙ୍କ  ନାଚ ମାଧ୍ୟମରେ ସଚେତନତା ବାର୍ତ୍ତା ଦର୍ଶକ ବିମୋହିତ ହୋଇ ଥିଲେ l ଓଡିଶାର ସୁନାମଧନ୍ୟ ସିଙ୍ଗରଙ୍କ ନାଚ ଗୀତ 
ରେ  ବିଳମ୍ବିତ ରାତି ଯାଏ ଅଗଣିତ ଦର୍ଶକ ଖୁବ ମଜା ନେଇଥିଲେ l