15-Jan-2023

ଡୁଙ୍ଗୁରିପାଲି(ଅରବିନ୍ଦ ମିଶ୍ର)-ବଲାଙ୍ଗିରର ପୂର୍ବତନ ସାଂସଦ ତଥା କୋଶଲ ଆନ୍ଦୋଳନର କର୍ଣ୍ଣଧାର ବାଳଗୋପାଳ ମିଶ୍ର ଆଜି ସାଲେଭଟା ସ୍ଥିତ ଅଙ୍ଗନଦୀ ପାଖରେ ଥିବା କଲ୍ୟାଣ ମଣ୍ଡପଠାରେ  କେନ୍ଦ୍ର ଏବଂ  ରାଜ୍ୟ ସରକାରଙ୍କ ବିରୋଧରେ ଯୁକ୍ତିସଙ୍ଗତ ତଥ୍ୟ ଏକ ଖବରଦାତା ସମ୍ମିଳନୀରେ ପ୍ରକାଶ କରିଥିଲେ ।  ସେ ତଙ୍କ ବକ୍ତବ୍ୟରେ ଚାଣକ୍ୟଙ୍କ ଶ୍ଲୋକ  ଯୌବନଂ ଧନ ସଂପତ୍ତି ପ୍ରଭୃତଂ ଅବିବିକେତା ଉପରେ ତଥ୍ୟ ପସ୍ଥାପନ କରିଥିଲେ । ଯେଉଁ ବ୍ୟକ୍ତି ପାଖରେ ଯୌବନ, ଧନସମ୍ପତ୍ତି, ମାଲିକାନାର ବର୍ଗ ରହିଥାଏ ସେହି ବ୍ୟକ୍ତି ଅବିବେକି ହୋଇଥାଏ ବୋଲି ସେ ବଲାଙ୍ଗିର ଜିଲ୍ଲାପାଳଙ୍କ ବିରୋଧରେ ଉକ୍ତ ଶ୍ଲୋକର ବ୍ୟାଖ୍ୟା କରିଥିଲେ । ବଲାଙ୍ଗିର ଜିଲ୍ଲାପାଳ ତାଙ୍କର ଯୁବସୁଲଭ, ପ୍ରଶାସନିକ ପଦବୀ, ମାଲିକ ହୋଇଥିବାରୁ ସେ ଅବିବେକି ହୋଇ ପଡିଥିବା ପ୍ରକାଶ କରିଥିଲେ । ଜଣେ ବିଧାୟକ ଲୋକ ପ୍ରତିନିଧିକୁ ଗୁରୁତ୍ୱ ନଦେବା ଗଣତନ୍ତ୍ର ପାଇଁ ଶୁଭଙ୍କର ନୁହେଁ ବୋଲି ସେ କହିଥିଲେ । ଯେଉଁ ପରିସ୍ଥିତିରେ ବିଧାୟକ ଏବଂ ଜିଲ୍ଲାପାଳଙ୍କ ମଧ୍ୟରେ ଯୁକ୍ତି ହୋଇଥିଲା ଏଥିପାଇଁ ଜିଲ୍ଲାପାଳ ଦାୟୀ । ଏପରି ପରିସ୍ଥିତି ସୃଷ୍ଟି କରିବାରେ ଜିଲ୍ଲାପାଳ କାର୍ଯ୍ୟକଳାପକୁ ସେ ନାପସନ୍ଦ କରିଥିଲେ । କାହିଁକି ବିଧାୟକ ଏପରି ଗର୍ଜିଥିଲେ ତାହା ଉପରେ ତଦନ୍ତ କରାଗଲେ ଜିଲ୍ଲାପାଳ ହିଁ ଏହାର ମୂଳ ବୋଲି ସେ କହିଥିଲେ । ଅମଳାନ୍ତ୍ର ବିଧାୟକଙ୍କ ବିରୋଧରେ କଳା ବ୍ୟାଚ ପିନ୍ଧି ବିରୋଧ କଲେ  ଲୋକ ପଞ୍ଚାୟତ ସ୍ତରରୁ  ପାର୍ଲିଆମେଣ୍ଟ ପର୍ଯ୍ୟନ୍ତ ଲୋକ ପ୍ରତିନିଧିମାନେ ବାହାରି ଆନ୍ଦୋଳନ କରାଯିବା ଉଚିତ ବୋଲି ସେ କହିଥିଲେ ।  ଇନ୍ଦିରା ଆବାସଠାରୁ ଆରମ୍ଭ କରି ସବୁଠାରେ ଦୁର୍ନୀତି ଚାଲିଥିବା । ପ୍ରତ୍ୟେକ ପେକ୍ସ ଗୁଡିକରେ ଧାନ କିଣାରେ ଦୁର୍ନୀତି ହୋଇଥିବାକୁ ସେ କଡା ଭାଷାରେ ସରକାରଙ୍କୁ ସମାଲୋଚନା କରିଥିଲେ । ରାଜ୍ୟରେ ମୁଖ୍ୟମନ୍ତ୍ରୀ ଚୁପ ହୋଇ ଶାସନ ଚଳାଇଥିବା ବେଳେ କେନ୍ଦ୍ରରେ ମୋଦୀ ସରକାର ମିଥ୍ୟା ପ୍ରତିଶୃତି ଦେଇ ଶାସନ କରିଚାଲିଥିବା ସେ କହିଥିଲେ । ଆଚ୍ଛା ଦିନ ଆଏଗା, କଳାଧନ ଫେରିବ, ଜମାଖାତାରେ ୧୫ଲକ୍ଷ ଜମା ହେବ ଇଦ୍ୟାଦି ଯୋଜନା କେବେ ଆସିବ ବୋଲି ସେ କହିଥିଲେ ।  ଘରର ଛୋଟ ଛୁଆ ହାତରେ ଘର ଚଳାଇବାର ଦାୟିତ୍ୱ ଦେଲେ  ଯାହା ହେବ ପିଲାଟିଆ ଜିଲ୍ଲାପାଳ, ଶାସନମୁଖ୍ୟ ହେଲେ ସେଇଆ ବୋଲି କହିଥିଲେ । ପ୍ରତ୍ୟେକ ଉନ୍ନୟନ କାମରେ ପିସି କାରବାର ଚାଲିଛି । ପିସିରେ ପେସି ହେଉଛି ଉନ୍ନୟନ କାମ । ଦୁର୍ନୀତି ଏଭଳି ସୀମାରେ ପହଞ୍ଚି ଗଲାଣି ଯେ, ଯେଉଁ ଅଧିକାରୀଙ୍କୁ ଭିଜିଲାନ୍ସ ଚଢାଉ କରିବ କୋଟି କୋଟି ଟଙ୍କା ବାହାରୁଛି । ସମୟ ଥିଲା କେତେ ଜଣ ବିଧାୟକଙ୍କ ଦୁଇ ଚକିଆ ଗାଡି ନଥିବା ବେଳେ ଆଜି  ବିଜେଡି  କର୍ମୀମାନଙ୍କ ପାଖରେ ମାଳମାଳ ଗାଡି ମଟର ।   ଉଭୟ ସରକାର କେନ୍ଦ୍ର ଏବଂ ରାଜ୍ୟକୁ ଦୁର୍ନୀତିର ପାହାଡରେ ଠିଆ କରାଇ ଦେଲେଣି ବୋଲି ସେ କହିଥିଲେ ।  ଆହୁରି ମଧ୍ୟ ଡୁଙ୍ଗୁରିପାଲି ରେଳ ଷ୍ଟେସନରେ  ବିଭିନ୍ନ ଆଳ ଦେଖାଇ  ଦେଖାଇ ଦୃତଗାମୀ ଟ୍ରେନ ରଖା ନଯିବା ଉପରେ ଗୁରୁତ୍ୱ ଦେଇ ବିଚୁପାଲିରୁ ବଲାଙ୍ଗିର କେଉଁ ଗାଇଡଲାଇନ ହିସାବରେ ଟ୍ରେନ ଚାଲୁଛି । ସେହି ଅନୁସାରେ ଡୁଙ୍ଗୁିରିପାଲି ଷ୍ଟେସନରେ ମଧ୍ୟ ଦୃତଗାମୀ ଟ୍ରେନ ରଖାଯିବା ଉଚିତ ବୋଲି କହିବା ସହ ସ୍ଥାନୀୟ ସାଂସଦ ଚାହିଁଲେ ଗୋଟିଏ ଦିନରେ ଟ୍ରେନ ଅଟକି ପାରିବ । ଡୁଙ୍ଗୁରିପାଲି ଷ୍ଟେସନରେ ଟ୍ରେନ ନ ରହିବା ସାଂସଦଙ୍କ ଇଚ୍ଛା ଶକ୍ତିର ଅଭାବ ଅଥବା ତାଙ୍କ ପ୍ରତି ରେଳ ବିଭାଗ ଗୁରୁତ୍ୱ ଦେଉନଥିବେ ବୋଲି ସେ ପ୍ରତିକ୍ରୀୟା ପ୍ରକାଶ କରିଥିଲେ । ଆଗାମୀ ଦିନରେ ଚାଷୀଙ୍କ ପାଇଁ ଆବଶ୍ୟକ ପଡିଲେ ସେ ପୁର୍ବପରି ପୁଣି ବାହାରି ଆନ୍ଦୋଳନ କରିବେ ବୋଲି ପ୍ରକାଶ କରିଥିଲେ ।  ପିସିକାରବା ଏତେ ପରିମାଣରେ ବଢି ଚାଲିଛି ଯେ ଭବିଷ୍ୟତରେ ଏହାର ପରିଣାମ କଣ ହୋଇପାରେ ପ୍ରଶ୍ନ ଉତ୍ତରରେ ସିଭିଲ ୱାର ହୋଇପାରେ ବୋଲି ପ୍ରକାଶ କରିଥିଲେ । ସେ କଡା ଭାଷାରେ ବଲାଙ୍ଗିର ଜିଲ୍ଲାପାଳଙ୍କ କାର୍ଯ୍ୟକଳାପକୁ ନାପସନ୍ଦ କରିଥିଲେ ।