14-Jan-2023

ଲୋଇସିଂହା, (ବିନୋଦ କୁମାର ଦୀପ) ସରସ୍ବତୀ ଶିଶୁ ବିଦ୍ୟାମନ୍ଦିର ଲୋଇସି°ହାର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ଏହି ଉତ୍ସବରେ ମୁଖ୍ୟ ଅତିଥି ଭାବରେ ଲୋଇସି°ହା ବିଧାୟକ ଡ.ମୁକେଶ ମହାଲିଙ୍ଗ ଯୋଗଦେଇ ସରସ୍ବତୀ ଶିଶୁ ମନ୍ଦିର ବିଦ୍ୟାଳୟ ଉପରେ ପ୍ରକାଶ କଲେ ଯେ ମେଟ୍ରିକ ପରୀକ୍ଷା ଓଡିଶାରେ ପ୍ରାୟ ଏହି ବିଦ୍ୟାଳୟର ଛାତ୍ରଛାତ୍ରୀ ଟପ୍ପର ହୋଇଥାନ୍ତି l ଅଭିଭାବକଙ୍କ ବିଶ୍ୱାସ ଏହା ଯେ ସରକାରୀ ସ୍କୁଲରୁ ବହୁତ ଭଲ ବାତାବରଣ ଏହି ବିଦ୍ୟାଳୟ l ଏହାସହ ପାଣି ସମସ୍ୟାର ସମାଧାନ, ସ୍ୱାସ୍ଥ୍ୟ, ନୂତନ ବସଟାଣ୍ଡ, 5ଟି ହସ୍ପିଟାଲ ଏଭଳି ଲୋଇସିଂହାର ଅନେକ ଗୁରୁତ୍ୱପୂର୍ଣ୍ଣ ବିଷୟକୁ ରଖି ଲୋକଙ୍କ ଦୃଷ୍ଟି ଆକର୍ଷଣ କରିଥିଲେ l ମୁଖ୍ୟବକ୍ତା ଭାବରେ ବଲାଙ୍ଗିର ମହିଳା ମହାବିଦ୍ୟାଳୟର ସ°ସ୍କୃତ ବିଭାଗର ଅଧ୍ୟାପକ ଅଜିତ କୁମାର ପଣ୍ଡା ଯୋଗଦେବା ସହ ବର୍ତମାନ ସମୟରେ ସରସ୍ବତୀ ବିଦ୍ୟା ମନ୍ଦିର ଯେତିକି ମାତ୍ରାରେ ବଢୁଛି ଇଂରାଜୀ ମାଧ୍ୟମ ବିଦ୍ୟାଳୟ ଗୁଡିକ ତଳକୁ ଖସୁଛି l ଭାରତୀୟ ଇତିହାସ ଏହାର ସଂସ୍କୃତି ଓ ପରମ୍ପରାକୁ ଜାଣିବାକୁ ହେଲେ ଏହି ସରସ୍ବତୀ ବିଦ୍ୟା ମନ୍ଦିରଟି ଉଚିତ ମାଧ୍ୟମ, ଏଠି ଛାତ୍ରଛାତ୍ରୀଙ୍କ ପାଇଁ ସୁ ଶିକ୍ଷାର ବ୍ୟବସ୍ଥା ରହିଛି, ପରେ ଅତିଥି ପରିଚୟ ପ୍ରଦାନ କରିଥିଲେ, ଯୁଗ୍ମ ସମ୍ପାଦକ ବିଶ୍ୱନାଥ ଷଡ଼ଙ୍ଗୀ, ବିବରଣୀ ପଠନ କରିଥିଲେ

ପ୍ରଧାନ ଆଚାର୍ଯ୍ୟ ସନାତନ ମିଶ୍ର। ପରିଚାଳନା ସମିତି ସଭାପତି ବିମଳ ଚରଣ ହୋତା ଅଧ୍ୟକ୍ଷତା କରି ଆଶୀର୍ବଚନ ପ୍ରଦାନ କରିଥିଲେ। ପରିଚାଳନା ସମିତିର ସମସ୍ତ ସଦସ୍ୟ ଯୋଗଦାନ କରିଥିବା ବେଳେ, କୋଷାଧ୍ୟକ୍ଷ ପ୍ରଶାନ୍ତ କୁମାର ବେହେରା ଧନ୍ୟବାଦ ଅର୍ପଣ କରିଥିଲେ। ବିଭିନ୍ନ  ପରୀକ୍ଷା ମାନଙ୍କରେ କୃତୀତ୍ବ ହାସଲ କରି ବିଦ୍ୟାଳୟର ଗୌରବ ଆଣିଥିବା ଭାଇ ଭଉଣୀଙ୍କୁ ପୁରସ୍କୃତ ତଥା ସମ୍ବର୍ଦ୍ଧିତ କରାଯାଇଥିଲା । ବିଦ୍ୟାଳୟର ଛାତ୍ର ଛାତ୍ରୀଙ୍କ ଦ୍ବାରା ସା°ସ୍କୃତିକ କାର୍ଯ୍ୟକ୍ରମ ମଧ୍ୟ ପରିବେଷଣ କରାଯାଇଥିଲା l