13-Jan-2023

ସୁବର୍ଣ୍ଣପୁର - ଶ୍ରୀ ରାମେଶ୍ୱର ମିନି ଷ୍ଟାଡିଅମ ଠାରେ  ଆସନ୍ତା କାଲି ୧୪ ତାରିଖ ଠାରୁ ଜ଼ିଲ୍ଲା ଉନ୍ନୟନ ପ୍ରଦର୍ଶନୀ, ପଲ୍ଲିଶ୍ରୀ ମେଳା ଓ ନୃତ୍ୟଗୀତର ମହାପର୍ବଣ ସୁବର୍ଣ୍ଣ ଲୋକ ମହୋତ୍ସବ ୨୦୨୩ l ସକାଳ ୯ଘଣ୍ଟା ରେ ମା ସୁରେଶ୍ୱରୀ ଙ୍କ ଠାରେ ପୂଜାର୍ଚନା କରାଯାଇ ମନ୍ଦିରରୁ ୫୦୦ କଳାକାର ଓ ସହର ବାସୀଙ୍କୁ ନେଇ  ଏକ ବିଶାଳ ଶୋଭାଯାତ୍ରା (ଥିଏଟର ମାର୍ଚ୍ଚ )  ସହର ପରିକ୍ରମା କରିବ l ଦିନ ୧୦ ଟା ବେଳେ ଫକୀର ପଟ୍ଟନାୟକ ମଞ୍ଚ ପୂଜା  ହେବ l ସନ୍ଧ୍ୟା ୫ଘଣ୍ଟା ୪୫ ମିନିଟ ରେ ସ୍ଥାନୀୟ ମନ୍ତ୍ରୀ, ସାଂସଦ, ବିଧାୟକ ଓ ଜ଼ିଲ୍ଲାପାଳ ଙ୍କ ଦ୍ୱାରା ପଲ୍ଲିଶ୍ରୀ ମେଳା ଓ ସାଂସ୍କୃତିକ କାର୍ଯ୍ୟକ୍ରମ ର ଉଦଘାଟନ ହେବ l ଓରମାସ ପକ୍ଷରୁ ଜ଼ିଲ୍ଲା ଉନ୍ନୟନ ମେଳା ଓ ପଲ୍ଲିଶ୍ରୀ ମେଳ

ରେ ୨୦୦ ଗୋଟି ଷ୍ଟଲ ଖୋଲା ଯିବାର ବ୍ୟବସ୍ଥା ଥିବା ବେଳେ ୧୪ ଓ ୧୫ ତାରିଖ  ଉଭୟ ଦିବସରେ ଜାତୀୟ ସ୍ତରର ଅନେକ ଖ୍ୟାତନାମା କଳାକାରଙ୍କ ଦ୍ୱାରା ସଂଗୀତ ଓ ନୃତ୍ୟ ପରିବେଶଣ କରିବେ ବୋଲି ଜ଼ିଲ୍ଲାପାଳ  ତଥା ଜ଼ିଲ୍ଲା ସଂସ୍କୃତି ଅଧ୍ୟକ୍ଷ ଅବୋଲି ସୁନୀଲ ନର୍ଭଣେ ସୂଚନା ଦେଇଛନ୍ତି l ଏବଂ ଉତ୍ସବ ର ସ୍ମରଣିକା ମଧ୍ୟ ଉନ୍ମୋଚନ ହେବ ବୋଲି କହିଥିଲେ l ଏଥି ପୂର୍ବରୁ  ଆଜି ସ୍ଥାନୀୟ ଉପଜ଼ିଲ୍ଲାପାଳ ଡଃ ଈପସିତା ପ୍ରିୟଦର୍ଶନୀ ମିଶ୍ର ଭି ଭି ଆଇ ପି, କଳାକାର, ଦର୍ଶକ ଓ ସାଧାରଣ ଜନତା ଙ୍କୁ କିଭଳି ଭାବେ ସୁରକ୍ଷା ଦିଆଯିବ ଏବଂ  ମହୋତ୍ସବ ରେ ଶୃଙ୍ଖଳା ରକ୍ଷା କରାଯିବ ଏ ବିଷୟ ରେ କ୍ଷେତ୍ର

ପରିଦର୍ଶନ କରୁଥିଲେ l  ସୋନପୁର ବିଡ଼ିଓ, ପୌର ଅଧିକାରୀ, ଡି ଆଇ ବି  ଡ଼ିଏସପି ବୈକୁଣ୍ଠ ବିହାରୀ ସେଠ,  ଆର ଆଇ ପ୍ରଦ୍ୟୁମ୍ନ ପଟେଲ ଙ୍କ ସହିତ ଉପଜ଼ିଲ୍ଲାପାଳ ସମସ୍ତ ଦିଗ କୁ ଯାଞ୍ଚ କରି ବିଭିନ୍ନ ଅଧିକାରୀଙ୍କ ସହିତ ଆଲୋଚନା କରି ଥିଲେ l ସନ୍ଧ୍ୟାରେ ଜ଼ିଲ୍ଲାପାଳ ଓ  ଏସପି  ମଧ୍ୟ ପହଞ୍ଚି ରାସ୍ତା ଓ ପଡିଆର ସଫା ସୁତୁରା, ଆଲୋକ ବ୍ୟବସ୍ଥା,  ସୁରକ୍ଷା ସହିତ ସବୁ ଦିଗ ଉପରେ ସ୍ପଟ ରେ ପୁଙ୍ଖାନୁପୁଙ୍ଖ  ଆଲୋଚନା କରିଥିଲେ l ରିପୋର୍ଟ / ମନୋରଞ୍ଜନ ତ୍ରିପାଠୀ