13-Jan-2023

ଲୋଇସିଂହା(ବିନୋଦ କୁମାର ଦୀପ) ଲୋଇସିଂହା ବ୍ଲକ ଅନ୍ତର୍ଗତ ୧୨ ଟି ପଞ୍ଚାୟତର ମହିଳା ମାନଙ୍କୁ ନେଇ ବୁର୍ଡ଼ା ସ୍ଥିତ ରାଇଟସ କମ୍ପୁଟର ସଂସ୍ଥା ଠାରେ ସର୍ବଭାରତୀୟ ସ୍ତରୀୟ ଅନୁଷ୍ଠାନ ଅବସରରେ ଅଶେଷ ଲାଇଭଲିହୂଡ଼ସ ଫାଉଣ୍ଡେସନ  ଏବଂ ଅନ୍ତରଷ୍ଟ୍ରୀୟ ଧାନ ଗବେଷଣା ସଂସ୍ଥା(IRRI)ର ପ୍ରତ୍ୟକ୍ଷ ସହଯୋଗରେ ମହିଳା ଉଦ୍ୟୋଗୀ କାର୍ଯ୍ୟକ୍ରମର ଏକ ତ୍ରିଦିବସୀୟ ପ୍ରାର୍ଥୀ ଚୟନ ଓ ଆଭିମୁଖ୍ୟ ଆଲୋଚନା ସମ୍ମିଳନୀ ଅନୁଷ୍ଠିତ ହୋଇଯାଇଅଛି l ଏହି କାର୍ଯ୍ୟକ୍ରମ ଜାନୁଆରୀ ୯ ରୁ ୧୧ ତାରିଖ ଯାଏଁ ତିନିଦିନ ବ୍ୟାପୀ ପ୍ରାୟ ୨୫୦ ଜଣ ମହିଳା ମାନଙ୍କୁ ନେଇ କରାଯାଇଥିଲା । ପ୍ରଥମ ଦିନ ମହିଳା ଉଦ୍ୟୋଗୀ କାର୍ଯ୍ୟକ୍ରମର ଆଭିମୁଖ୍ୟ ଏବଂ ପାଠ୍ୟକ୍ରମ ଖସଡ଼ାକୁ ସ୍ପଷ୍ଟ ଭାବେ ଉପସ୍ଥିତ ଥିବା ମହିଳା ମାନଙ୍କୁ ଅଶେଷ ଲାଇଭଲିହୂଡ଼ସ ଫାଉଣ୍ଡେସନର ବଲାଙ୍ଗୀର ମୁଖ୍ୟ  ବିଶ୍ବରଂଜନ ପରିଡ଼ା ଏବଂ ମହିଳା ଉଦ୍ୟୋଗୀ କାର୍ଯ୍ୟକ୍ରମର ପରିଚାଳନା ମୁଖ୍ୟ ପ୍ରତ୍ୟୁଷ ରଞ୍ଜନ ନନ୍ଦଙ୍କ ଦ୍ଵାରା ଅବଗତ କରାଯାଇଥିଲା । ପରେ ପ୍ରଥମ ଦିନ ଦୁତୀୟ ସତ୍ର ରେ ପାଠ୍ୟକ୍ରମ ପାଇଁ ପାର୍ଥୀ ଚୟନ ନିମନ୍ତେ ଲିଖିତ ପରୀକ୍ଷା ଅନୁଷ୍ଠିତ ହେଇଥିଲା, ଦ୍ଵିତୀୟ ଦିନ ଉପସ୍ଥିତ ଥିବା ମହିଳା ମାନଙ୍କୁ ଗ୍ରୁପ୍ କରାଯାଇ ସେମାନଙ୍କୁ ୫୦୦ ଟଙ୍କା ଦିଆଯାଇଥିଲା ଏବଂ ସେହି ୫ ଶହ ଟଙ୍କାକୁ ଯେକୌଣସି ଏକ ବ୍ୟବସାୟରେ ବ୍ୟବହାର କରି ଲାଭ କରିବାକୁ କୁହାଯାଇଥିଲା l ଯେଉଁଥିରେ ପ୍ରାୟ ୧୨ ଟି ଗ୍ରୁପ୍ ଭାଗ ନେଇଥିଲେ ଏବଂ ସବୁ ଗ୍ରୁପ୍ ୫୦ ରୁ ୪୦୦ ଟଙ୍କା ଯାଏଁ ଲାଭ କରି ଦେଖାଇଥିଲେ। ମହିଳା ମାନଙ୍କ ମଧ୍ୟରେ ବ୍ୟବସାୟକୁ ନେଇ ଏକ ପ୍ରକାରର ଜାଗରଣ ସୃଷ୍ଠି ହେଇଥିଲା । ତୃତୀୟ ବା ଶେଷ ଦିନ ମହିଳା ମାନଙ୍କ ସହିତ ବ୍ୟକ୍ତିଗତ ସାକ୍ଷାତକାର ଅନୁଷ୍ଠିତ ହେଇଥିଲା ଯେଉଁଥିରୁ ୪୦ ଜଣ ମହିଳାଙ୍କୁ ପାଠ୍ୟକ୍ରମରେ ନାମ ଲେଖାଇବା ନିମନ୍ତେ ଚୟନ କରାଯାଇଛି l