10-Jan-2023

ବଲାଙ୍ଗିର,(ପ୍ରେରଣା ଖବର) ଏକ ଦୁର୍ଘଟଣା ମାମଲାକୁ ନେଇ ବଲାଙ୍ଗିର ଜିଲ୍ଲା ଖପ୍ରଖୋଲ ପୁଲିସ ହରଡ ଘଣାରେ ପଡିଛି । ଦୁର୍ଘଟଣା ଘଟାଇଥିବା ପିକଅପ୍ ଗାଡିର ମାଲିକ ଜଣେ ବିଜେଡି ନେତା ହୋଇଥିବାରୁ ମାମଲାକୁ କୋହଳ କରିବା ଏବଂ ଦୁର୍ଘଟଣା ଘଟାଇଥିବା ଡ୍ରାଇଭରକୁ ଛାଡି ଅନ୍ୟ ଜଣେ ଡ୍ରଇଭରର କାଗଜପତ୍ର ବ୍ୟବହାର କରି ତାକୁ ପି.ଆର ବଣ୍ଡ ରେ ଛାଡି ଦେଇଥିବା ଚର୍ଚ୍ଚା ହେଉଛି ।
    ସୂଚନା ଅନୁଯାୟୀ ଚଳିତ ମାସ ଗତ ୨ ତାରିଖ ଖପ୍ରାଖୋଲ ବ୍ଲକ ଝାଙ୍କରପାଲି ଗ୍ରାମର ସୁବଳ ବାଗ ଓ ଅନ୍ତ ବାଗ ଦୁହେଁ ନିଜ ବାଇକ (ଓଡି ୦୩ ଡବ୍ଲୁ ୦୪୧୫)ରେ ଖପ୍ରାଖୋଲ ପଟରୁ ନିଜ ଘରକୁ ଦିନ ୨ଟା ସମୟରେ ଫେରୁଥିବା ବେଳେ ହରିଶଙ୍କର ପଟୁ ଦୃତ ଗତିରେ ଫେରୁଥିବା ଏକ ମହିନ୍ଦ୍ରା ବୋଲେରୋ ପିକଅପ୍ (ଓଡି ୦୩ ୟୁ ୬୮୨୬) ହରିଶଙ୍କର ଛକ ନିକଟରେ ତାଙ୍କୁ ଧକ୍କା ଦେଇଥିଲା । ଏଥିରେ ୨ଜଣ (ସୁବଳ ବାଗ ଓ ଅନ୍ତ ବାଗ)ଙ୍କୁ ଗଭୀର ଆଘାତ ଲାଗିଥିଲା । ପ୍ରଥମେ ସ୍ଥାନୀୟ ମେଡିକାଲରେ ଚିକିସ୍‌ôା ପରେ ଏବେ ବୁର୍ଲା ମେଡିକାଲରେ ଚିକିସ୍‌ôା ହେଉଥିବା ଜଣାଯାଇଛି । ଅନ୍ୟପଟେ ଦୁର୍ଘଟଣା ଘଟାଇଥିବା ମହିନ୍ଦ୍ରା ପିକଅପ୍ ଦୁର୍ଘଟଣା ପରେ ରାସ୍ତା ପାଶ୍ୱର୍ରେ ଥିବା ଖପ୍ରାଖୋଲ ଥାନାକୁ ଯାଇ ପଶି ଯାଇଥିଲା । ସେ ସମୟରେ ଗାଡିଟିକୁ ଚକା ଦାସ ଚଳାଉଥିଲା ଏବଂ ଗାଡି ମାଲିକ ବଲାଙ୍ଗିର ସହରର ଜଣେ ବିଜେଡି ନେତା ଧୃବ ଜୁଏଡ     ଓ ତାଙ୍କ ଫଳ ଗୋଦାମରୁ ହିଁ ଫଳ ନେଇ ଗାଡିଟି ହରିଶଙ୍କରକୁ ଛାଡିବାକୁ ଯାଇଥିଲା ବୋଲି ଜଣାଯାଇଛି । ଏହି ଘଟଣାରେ ଖପ୍ରାଖୋଲ ପୁଲିସ ବିଜେଡି ନେତା ଓ ଡ୍ରାଇଭରକୁ ସୁରକ୍ଷା ଯୋଗାଇ ଦେବା ପାଇଁ ଅହେତୁକ ଅନୁକମ୍ପା ପ୍ରଦର୍ଶନ କରିବାକୁ ପଛାଇ ନାହାନ୍ତି । ଏହି ଘଟଣାକୁ ନେଇ ଅନ୍ତ ବାଗ ଖପ୍ରାଖୋଲ ଥାନାରେ ଡ୍ରାଇଭର ନାମରେ ଲିଖିତ ଅଭିଯୋଗ କରିଥିଲେ । ଏନେଇ ପୁଲିସ କେସ ନମ୍ବର ୦୧ ତା.୦୨/୦୧/୨୦୨୩ରେ ପଜିଂକୃତ ହୋଇଛି । କିନ୍ତୁ ମାମଲାରେ ପୁଲିସ ଚକା ଦାସ ବଦଳରେ ଶ୍ରୀକାନ୍ତ ଦାସ ଙ୍କ ନାମରେ ମାମଲା ରୁଜୁ କରିଥିବା ଦେଖିବାକୁ ମିଳିଛି । ଏପରିକି ଥାନାରେ ନିଜେ ଚକା ଦାସ ଥାନା ଅଧ୍‌ôକାରୀଙ୍କ ସମ୍ମୁଖରେ ଶ୍ରୀକାନ୍ତ ଦାସଙ୍କ ନାମରେ ଦସ୍ତଖତ ଦେବା ସହ ଶ୍ରୀକାନ୍ତ ଦାସଙ୍କ ନାମରେ ଥିବା ଜାଲ କାଗଜପତ୍ର ଦଖଲ କରି ପି.ଆର ବଣ୍ଡରେ ଯାଇଥିବା ଜଣାଯାଇଛି । 
    ଏ ସମ୍ପର୍କରେ ଖପ୍ରାଖୋଲ ଥାନା ଅଧ୍‌ôକାରୀ ରମାକାନ୍ତ ସାହୁଙ୍କ କହିବା ହେଲା ଆମେ ଠିକ୍ ଭାବେ ଜାଣି ପରିଲୁ ନାହିଁ ଏବଂ ଆଇଡି ପୃଫ୍ ଠିକ୍ ଭାବେ ଚେକ୍ କରି ପାରିନଥିବାରୁ ଏଭଳି ଭୁଲ ହୋଇଥାଇ ପାରେ ବୋଲି ସ୍ୱୀକାର କରିବା ସହ ଗାଡି ଏବେ ବି ପୁଲିସର ହିପାଜତରେ ଥିବା ପ୍ରକାଶ କରିଛନ୍ତି । ସେହିପରି ବିଜେଡି ନେତା ଧୃବ ଜୁଏଡଙ୍କ କହିବା ହେଲା ମୁଁ ଖପ୍ରାଖୋଲ ଥାନା ଯାଇଥିଲି ମୋ ଡ୍ରାଇଭରର ନାମ ଚକା ଦାସ । ସେ ହିଁ ଗାଡି ଚଳାଉଥିଲା ଏବଂ ଦୁର୍ଘଟଣା କରିଛି । ତାର ଭଲ ନାଁ ଶ୍ରୀକାନ୍ତ ଦାସ ହୋଇଥାଇ ପାରେ ବୋଲି କହିଛନ୍ତି । ଦୁର୍ଘଟଣା ପରେ ସେ ମୋ ପାଖରେ ଆଉ କାମ କରୁ ନାହିଁ ବୋଲି କହିଥିଲେ । 
    ଜଦି ଖପ୍ରାଖୋଲ ଥାନା ଅଧ୍‌ôକାରୀ ଏକ ଦୁର୍ଘଟଣା ମାମଲାକୁ ରଫାଦଫା କରିବା ପାଇଁ ଏକ ବିଜେଡି ନେତାଙ୍କୁ ବଚାଂଇବା ଏବଂ ଦୁର୍ଘଟଣା ଘଟାଇଥିବା ଗାଡିକୁ ଛାଡିବା ପାଇଁ ନାନା ଜାଲିଆତି ର ଆଶ୍ରୟ ନେଇ ପାରୁଛନ୍ତି ତେବେ ଅନ୍ୟାନ ଦୁର୍ଘଟଣା ବା ଅନ୍ୟାନ୍ୟ ମାମଲା ରୁଜୁ ନେଇ କିଭଳି ମାମଲାକୁ ପରିଚାଳନା କରିପାରିବେ ସେ ନେଇ ସାଧାରଣରେ ଚର୍ଚ୍ଚା ହେଉଛି । ବଲାଙ୍ଗିର ଏସ୍‌ପି ଏ ଦିଗରେ ଦୃଷ୍ଟି ଦେଇ ବିହିତ ପଦକ୍ଷେପ ନେବାକୁ ଦାବୀ ହଉଛି ।