10-Jan-2023

ବିନିକା(ହିମାଂଶୁ ଶେଖର ପୁଟେଲ) ଆଉ ଦୁଇଦିନ ପରେ ଅର୍ଥାତ ୧୩ତାରିଖରୁ ଆରମ୍ଭ ହେବ ବିଶ୍ଵକପ ହକି ।ଏହି ବିଶ୍ବସ୍ତରୀୟ ଟୁର୍ଣ୍ଣାମେଣ୍ଟରେ ଦେଶବିଦେଶରୁ ଯୋଗଦେଇଥିବା ଖେଳାଳି ମାନଙ୍କ ଖେଳ ପ୍ରଦର୍ଶନକୁ ମନଭରି ଉପଭୋଗ କରିବା ସହିତ ସେମାନଙ୍କ ପ୍ରତିଭାକୁ ଉତ୍ସାହିତ କରିବା ସକାଶେ ସମ୍ପ୍ରତି ବିନିକା ଅଞ୍ଚଳର ବିଭିନ୍ନ ଶିକ୍ଷାନୁଷ୍ଠାନ,ସ୍ବେଚ୍ଛାସେବୀ ସଂଗଠନ ମାନଙ୍କର ହକି ଖେଳର ପ୍ରଚାର ପ୍ରସାର ଏବଂ ଯୁବ ପିଡିକୁ ବାନ୍ଧି ରଖିବା ନେଇ ବିଶ୍ଵକପ ହକି ଚିତ୍ର ଆଙ୍କି ସଚେତନତାର ବାର୍ତା ପ୍ରଦାନ କରାଯାଇଛି । ଏହି ପରିପ୍ରେକ୍ଷୀରେ ବିନିକା ସିଦ୍ଧାର୍ଥ ଡିଗ୍ରୀ କଲେଜରେ ଅଧ୍ୟୟନ କରୁଥିବା ଯୁକ୍ତ ତିନି ବର୍ଷ ଛାତ୍ରୀ ସୈାମ୍ୟକାନ୍ତି ମହଲା ଓ ଜୁହି ଚାଉଲା ହକି ବିଶ୍ଵକପ ଟ୍ରଫି ଏବଂ ଖେଳାଳିଙ୍କ ସୁନ୍ଦର ଫଟୋ ଚିତ୍ର ଅଙ୍କନ କରି ମହାବିଦ୍ୟାଳୟର ସମସ୍ତ ଛାତ୍ରଛାତ୍ରୀ ଏବଂ କାର୍ଯ୍ୟରତ ଷ୍ଟାଫ ଙ୍କ ମନରେ ହକି ବିଶ୍ଵକପ ର ଉନ୍ମାଦନା ସୃଷ୍ଟି କରିବାରେ ସଫଳ ହୋଇଛନ୍ତି ।