10-Jan-2023

ପାଟଣାଗଡ଼(ପୂର୍ଣ ଶଶୀ ଶେଖର ରାଓ) ପୁରାତନ କାଳରୁ  ଓଡ଼ିଶାରେ ଅନେକ ଗୁଡ଼ିଏ ଲୋକ କଳା , ସଂସ୍କୃତି, ନୃତ୍ୟ,ବାଦ୍ୟ, ଗୀତିନାଟ୍ୟ, ସଂଗୀତ ରହିଥିବା ବେଳେ  ଆଧୁନିକ ଯୁଗରେ ତାହା ଧିରେ ଧିରେ ପତନ ହେବାକୁ ବସିଲାଣି। ଏସବୁକୁ ବଜାୟ ରଖିବା ପାଇଁ ରାଜ୍ୟ ସରକାରଙ୍କ ପକ୍ଷରୁ  ପ୍ରୟାସ କରାଯାଉ ଥିବା ବେଳେ ପଞ୍ଚାୟତ ରୁ ଆରମ୍ଭ କରି ରାଜ୍ୟ ପର୍ଯ୍ୟନ୍ତ କଳା ପ୍ରତିଯୋଗିତା ମାନେ କରାଯାଉଛି । ଏହି

ପରିପ୍ରେକ୍ଷୀରେ ତା,୯/୦୧/୨୩ ସୋମବାର ଦିନ ବଲାଙ୍ଗୀର ଜିଲ୍ଲାର ବେଳପଡା ନୋଡାଲ ବାଳିକା ଉଚ୍ଚ ବିଦ୍ୟାଳୟ ଠାରେ ବ୍ଲକ ସ୍ତରୀୟ ଲୋକ ମହୋତ୍ସବ ଉଦ୍ଘାଟନ ହୋଇଥିଲା।ଏହି ଉଦଘାଟିତ ଅବସରରେ ମୁଖ୍ୟ ଅତିଥି ଭାବରେ ପଟଣାଗଡ଼ ବିଧାୟକ  ସରୋଜ କୁମାର ମେହେର ଯୋଗଦାନ କରିଥିଲେ। ସମ୍ମାନୀତ ଅତିଥି ଭାବେ ବେଳପଡା ବ୍ଲକ ଅଧ୍ୟକ୍ଷା ସୁଶ୍ରୀ ଟିନା କୁମ୍ଭାର ଓ ବ୍ଲକ ଉପାଧ୍ୟକ୍ଷ ଶ୍ରୀଯୁକ୍ତ ଦୁର୍ଯ୍ୟୋଧନ କୁମ୍ଭାର, ପଟଣାଗଡ଼ ଉପଜିଲ୍ଲାପାଳ ବିଜୟାନନ୍ଦ ସେଠି, ବେଳପଡା ବିଡ଼ିଓ ଭିକ୍ଟୋର ସୋରେଙ୍ଗ, ଜିଲ୍ଲା ପରିଷଦ ଜୟ ଧରୁଆ ଓ ବେଲପଡା ସରପଞ୍ଚ ହରିଶ ଚନ୍ଦ୍ର ବୁଡେକ ମଞ୍ଚାସୀନ ଥିଲେ। ତତ୍ ସଙ୍ଗେ ସଙ୍ଗେ ବେଲପଡା ବ୍ଳକ ର ସମସ୍ତ ସରପଞ୍ଚ ଓ ସମିତି ମେମ୍ବର,ପିଇଓ, ଅନ୍ୟାନ୍ୟ ବ୍ଳକ କର୍ମଚାରୀ ପ୍ରମୁଖ ଉପସ୍ଥିତ ଥିଲେ। ସର୍ବ ପ୍ରଥମେ ଶିବ ମନ୍ଦିର ଠାରୁ ତାରିଣୀ ମନ୍ଦିର ପର୍ଯ୍ୟନ୍ତ ଏକ  ମଶାଲ ଯାତ୍ରା ହୋଇଥିବାବେଳେ ଏହି ଲୋକମହୋତ୍ସଵ କୁ ଅତିଥି ମାନଙ୍କ ଦ୍ଵାର ପୂଜାର୍ଚ୍ଚନା ହୋଇ ଶୁଭାରମ୍ଭ କରାଯାଇଥିଲା। ତାପରେ ଅଞ୍ଚଳ ର ସମସ୍ତ କଲାକାର ମାନେ ନିଜ ନିଜର କଲା ପ୍ରଦର୍ଶନ କରିଥିଲେ।  ଅତିଥି ମାନେ ସମସ୍ତ କଳାକାର ମାନଙ୍କୁ ଉତ୍ସାହିତ କରିବା ସହ ମାନପତ୍ର ପ୍ରଦାନ କରିଥିଲେ। ସନ୍ଧ୍ୟା ସମୟରେ ଉଦଯାପନୀ ଉତ୍ସବ ରେ ମୁଖ୍ୟ ଅତିଥି ଭାବେ ବଲାଙ୍ଗୀର ସାଂସଦ ଶ୍ରୀମତୀ ସଙ୍ଗୀତା କୁମାରୀ ସିଂଦେଓ  ଯୋଗ ଦେଇଥିବା ବେଳେ , ସମ୍ମାନିତ ଅତିଥି ଭାବେ ମାନ୍ୟବର ରାଜ୍ୟସଭା ସାଂସଦ ନିରଞ୍ଜନ ବିଶି , ଜୋନ ୨୫ ର ଜିଲ୍ଲା ପରିଷଦ ଶବ୍ଦ ମିର୍ଦ୍ଧା  ଓ ଜୋନ ୨୬ ର ଜିଲ୍ଲା ପରିଷଦ ଅନିମା ଦାସ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମ ରେ  ଜର୍ଜ ଭାବେ ବି.କେ.ଏସ.ଏସ  ଖପ୍ରାଖୋଲ ଥବିର ଚରଣ ସାହୁ , ବି.କେ.ଏସ.ଏସ ପାଟଣାଗଡ଼ ମନୋଜ ବାଗ , ବି.କେ.ଏସ.ଏସ ବେଲପଡ଼ା ହରେକୃଷ୍ଣ ବାରିକ , ସିନିୟର୍ ରସରାଜ୍ ବୁଡେକ୍ ଏବଂ ନିରଞ୍ଜନ ବେହେରା ଉପସ୍ଥିତ ରହି କଲାକାର ମାନେ କିଭଳି ଭାବେ କଲା ପ୍ରଦର୍ଶନ କରୁଛନ୍ତି ତାହା ତଦାରଖ କରିବା ସହ 

ପ୍ରତିଯୋଗୀ ମାନଙ୍କୁ ମୂଲ୍ୟାଙ୍କନ ଦେଇଥିଲେ । ଏଥିରେ ପ୍ରତିଯୋଗିତା କରିବା ପାଇଁ ମୋଟ  ୬୫ ଜଣ ସ୍ଥାନୀୟ କଳାକାର ଅଂଶ ଗ୍ରହଣ କରି ନିଜ ନିଜ କଳା ପ୍ରଦର୍ଶନ କରି ଦର୍ଶକ ମାନଙ୍କୁ ମନୋରଞ୍ଜନ କରିଥିଲେ । ଯେଉଁ ମାନେ ଭଲ ପ୍ରଦର୍ଶନ କରୁଛନ୍ତି ସେମାନଙ୍କୁ ୧୨/୧/୨୩ ତାରିଖ ଦିନ ପାଟଣାଗଡ଼ ରେ ହେବାକୁ ଯାଉଥିବା ଉପଖଣ୍ଡ ସ୍ତରୀୟ ଲୋକ ମହୋତ୍ସବ ପାଇଁ ଚୟନ କରାଯାଇଛି।