09-Jan-2023

କର୍ଲାମୁଣ୍ଡା (ପ୍ରଦିପ କୁମାର ସାହୁ)
 କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ତେରେସିଙ୍ଗା ଠାରେ ଦୈତାରୀ ମେମୋରିଆଲ ଫୁଟବଲ ଟୁର୍ନାମେଣ୍ଟ  ଉଦଘାଟିତ ହୋଇଯାଇଛି l ଉଦଘାଟନ ମ୍ୟାଚ ବଲାଙ୍ଗୀର ଜିଲ୍ଲାର ମହୀପୁର ଏବଂ ତେରେସିଙ୍ଗା ମଧ୍ୟରେ ଅନୁଷ୍ଠିତ ହୋଇଥିଲା l ନିର୍ଧାରିତ ସମୟ ମଧ୍ୟରେ କିଏ କାହାକୁ ଗୋଲ ଦେଇପାରିନଥିଲେ l ଏହାପରେ ପେନାଲଟି ସୁଟ ଆଉଟ କରାଯିବାରୁ ମହୀପୁର ଦଳ 3-2ରେ ତେରେସିଙ୍ଗା କୁ ପରାସ୍ତ କରି ବିଜୟ ହୋଇଥିଲା l ଆଜି ମୁଖ୍ୟଅତିଥି ଭାବେ ଜିଲ୍ଲା ପରିଷଦ ସଭ୍ୟ ମହେନ୍ଦ୍ର ରଣା, ବିଶିଷ୍ଟ ଅତିଥି ଭାବେ ପ୍ରେସ କ୍ଲବ ସଭାପତି ନରୋତ୍ତମ ସେଲମା, ଅବସରପ୍ରାପ୍ତ ପ୍ରଧାନଶିକ୍ଷକ ମୁରଲୀଧର ରଣା, ପୂର୍ବତନ ଫୁଟବଲ ଖେଳାଳୀ ଉଦୟ କୁମାର ଯୋଗଦେଇଥିଲେ l ମ୍ୟାଚ କୁ ବିଶି ପଧାନ, ଚଞ୍ଚଳ ମାଝୀ, ଲୋଚନ ମାଝୀ ପରିଚାଳନା କରିଥିବା ବେଳେ ନୃପରାଜ ରଣା ସ୍କୋରର ଦାୟିତ୍ୱରେ ଥିଲେ l ମନୋଜ ରଣା ଧାରାବିବାରିଣୀ ପ୍ରଦାନ କରିଥିଲେ l ଆୟୋଜକ ସଂଘ ସଭାପତି ରଶ୍ମି ରଞ୍ଜନ ରଣା, ସମ୍ପାଦକ କିଶୋର ଚନ୍ଦ୍ର ନାଏକ, ଦିଲୀପ ଗହୀର, ବସନ୍ତ ସାହୁ ସହଯୋଗ କରିଥିଲେ।ତେବେ ଦ୍ବିତୀୟ ଦିନରେ ସୋମବାର ବଡ଼ମାଳ (ବଲାଙ୍ଗୀର) ଓ ରାସ୍ତାମାଲ (କଳାହାଣ୍ଡି) ମଧ୍ୟରେ ଖେଳର ଅନୁଷ୍ଠିତ ହୋଇଥିଲା l ଏହି ସଂଘର୍ଷ ପୂର୍ଣ୍ଣ ମ୍ୟାଚ୍ ରେ କେହି କାହାରିକୁ ଗୋଲ୍ କରିପାରି ନ ଥିବା ବେଳେ ଟାଇବ୍ରେକର ଜରିଆରେ ବଡ଼ମାଳ ଦଳ ବିଜୟୀ ହୋଇଥିଲା l

ଏଥିରେ ଅତିଥି ଭାବରେ ପୌରକେଲା ସରପଞ୍ଚ ଯଶୋସ୍ଵିନୀ ଧରୁଆ, ରିଷିଡ଼ା ସରପଞ୍ଚ ସେବତୀ ରଣା, ଅବସପ୍ରାପ୍ତ ପୋଲିସ ଅଧିକାରୀ କ୍ଷମାନିଧି ସାହୁ, କର୍ଲାମୁଣ୍ଡା ସିଆରସିସି ମଧୁସୂଦନ ଧରୁଆ, ଯୁବନେତା କପିନ୍ଦ୍ର ରଣା ପ୍ରମୁଖ ଯୋଗ ଦେଇଥିଲେ l ଏହି ଟୁର୍ଣ୍ଣାମେଣ୍ଟ ରେ ବିଶେଶ୍ୱର ପଧାନ ଖେଳ ପରିଚାଳନା କରିଥିବା ବେଳେ ଲୋଚନ ମାଝୀ, କିଶୋର ଚନ୍ଦ୍ର ନାଏକ ଓ ବୁଲୁ ରଣା ସହଯୋଗ କରିଥିବା ବେଳେ ପ୍ରହଲ୍ଲାଦ ପଧାନ ଖେଳର ଧାରାବିବରଣୀ ପ୍ରଦାନ କରିଥିଲେ l ଆୟୋଜକ କମିଟି ସଭାପତି କିଶୋର ଚନ୍ଦ୍ର ନାଏକ, ସମ୍ପାଦକ ରଶ୍ମି ରଞ୍ଜନ ରଣା, ଗଜାନନ ଗହିର, କ୍ଷେତ୍ରମଣି ରଣା, ବସନ୍ତ ସାହୁ, ତପନ ମାଝୀ, ଚୈତନ୍ୟ ନାଏକ, ସମ୍ପଦ ରଣା, ଅରୁଣ ରଣା, ମନୋଜ ରଣା, ନିଳାଞ୍ଚଳ ଗହୀର, ଦୟା ଭୋଇ ପ୍ରମୁଖ ସହଯୋଗ କରିଥିଲେ l ମଙ୍ଗଳବାର ଡଙ୍ଗାପଟା ଓ ନୂଆପଡ଼ା ମଧ୍ୟରେ ଖେଳ ଅନୁଷ୍ଠିତ ହେବାର ଆୟୋଜକ କମିଟି ପକ୍ଷରୁ ସୂଚନା ଦିଆଯାଇଛି