09-Jan-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ): ସୋନପୁର ମଝିପଡା ନାମ ମଣ୍ଡପରେ ରବିବାର ସାମୁହିକ ବ୍ରତୋପନୟନ ଅନୁଷ୍ଠିତ ହୋଇଛି । ପୂର୍ଣ୍ଣ ରୀତି ନୀତି ଅନୁସାରେ ୧୧ ଜଣ ଯୁବକ ଉପବୀତ ଧାରଣ କରିଛନ୍ତି । ହିତାକାଂକ୍ଷୀ ହୋମିଓ ହଲ୍‌ର ମାଲିକ ଜଗନ୍ନାଥ ଦାଶଙ୍କ ଦ୍ୱାରା ଉକ୍ତ ପବିତ୍ର ଉତ୍ସବ ଆୟୋଜିତ ହୋଇଛି । ଜଗନ୍ନାଥ ତାଙ୍କ ପତ୍ନୀ ରାଜଶ୍ରୀଙ୍କ ସହ ଉପସ୍ଥିତ ରହି ସମସ୍ତ କାର୍ଯ୍ୟକ୍ରମକୁ ତତ୍ତ୍ୱାବଧାନ କରିଥିଲେ । ତେବେ ରାମଧୂନ କ୍ଲବର କର୍ମକର୍ତ୍ତା, ପ୍ରଜାପିତା ବ୍ରହ୍ମାକୁମାରୀର ସଦସ୍ୟ ସଦସ୍ୟା ଏବଂ ମଝିପଡାର ଜନସାଧାରଣ ସାମୁହିକ ବ୍ରତୋପନୟନ ଆୟୋଜନରେ ସହଯୋଗ କରିଥିଲେ । ଏହି ଅବସରରେ ଦୁଇ ଦିନ ଧରି ବିଭିନ୍ନ ଆଧ୍ୟାତ୍ମିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଗୋପଲୀଳା ପାରାୟଣ, ପ୍ରବଚନ, ସୁନ୍ଦରାକାଣ୍ଡ ପରାୟଣରେ ବହୁ ଶ୍ରଦ୍ଧାଳୁ ଯୋଗ ଦେଇଥିଲେ । ଏହା ସହ ଏକ ହୋମିଓପ୍ୟାଥିକ ଦାତବ୍ୟ ଚିକିତ୍ସା ଶିବିର ଅନୁଷ୍ଠିତ ହୋଇଥିଲା l ଅପରାହ୍ନ ରେ  ଅନୁଷ୍ଠିତ ହୋଇଥିବା ସାମୁହିକ ରୁଷିଆଣୀ ଶୋଭାଯାତ୍ରା  ଖୁବ ଆକର୍ଷଣ ଥିଲା ଯାହାକି  ମଝିପଡା ସମେତ ଏଥିରେ ସାମିଲ ଥିବା ସହର ର ସମସ୍ତ ଜନ ସାଧାରଣ  ଙ୍କୁ  ଏ ଦୃଶ୍ୟ ଭାବ ବିହ୍ଵଳ କରିଥିଲା l ଶିବିରରେ ଚିକିତ୍ସା ତଥା ମାଗଣାରେ ଔଷଧ ବଣ୍ଟନ କରାଯାଇ ଥିଲା । ରବିବାର ଏହି ଆଧ୍ୟାତ୍ମିକ ସମାରୋହରେ ଯୋଗ ଦେଇଥିବା ହଜାର ହଜାର ଭକ୍ତ ପ୍ରସାଦ ସେବନ କରିଥିଲେ । ସମସ୍ତ କାର୍ଯ୍ୟକ୍ରମରେ ଡାକ୍ତର ବୃନ୍ଦାବନ ଦଳାଇ, ରାମଜୀ ନେଗୀ, ମନବୋଧ ଭୋଇ, ପ୍ରିତମ ସାହୁ, ସୁବାସ ପାଢ଼ୀ,, ଜଗବନ୍ଧୁ ତ୍ରିପାଠୀ, ଲଡୁ କିଶୋର ମଲ୍ଲିକ, ମନୋରଞ୍ଜନ ତ୍ରିପାଠୀ, ପ୍ରକାଶ ବେବର୍ତ୍ତା, ପୀୟୂଷ ପଣ୍ଡା, ସୁରଜ ସାହୁ, ବିକାଶ ପଣ୍ଡା, ରଞ୍ଜୁ ସାହୁ, ସନ୍ତୋଷ ପାଢୀ, ବଣ୍ଟି ମିଶ୍ର, ବୁବୁନ ନାଏକ, ଶାନ୍ତନୁ ଆଚାର୍ଯ୍ୟ, ପ୍ରତାପ ଦାଶ, ରକି, ବୁବୁନ ଙ୍କ ସହ ରାମଧୂନ କ୍ଲବର ସମସ୍ତ ସଦସ୍ୟ ପୂର୍ଣ୍ଣ ସହେଯାଗ କରିଥିଲେ । ଜଗନ୍ନାଥ ଦାଶଙ୍କ ଏହି ମହତ କାର୍ଯ୍ୟ ମାନବୀୟ କାର୍ଯ୍ୟ କୁ ସହର ତଥl ଜ଼ିଲ୍ଲାବାସୀ  ଖୁବ୍ ପ୍ରଶଂସା କରିଛନ୍ତି ।