08-Jan-2023

କଳାହାଣ୍ଡି
କୋକସରା(ତ୍ରିନଥ ବେଶ୍ରା )
 ବିଜୁ ଜନତା ଦଳ ଓଡିଶା ରେ କ୍ରମାଗତ ଭାବେ ୨୫ ବର୍ଷ ଶାସନ ପୂର୍ତ୍ତି କରିଥିବା ବେଳେ ଦଳ ର ଏହି ବିଜୟ ଯାତ୍ରା କୁ ନେଇ ରବିବାର କୋକସରା ବ୍ଲକ ସଦର ମହକୁମା ର କସ୍ତୁରବା ଖେଳ ପଡ଼ିଆରେ ଧର୍ମଗଡ଼ ନିର୍ବାଚନ ମଣ୍ଡଳୀ ର ଧର୍ମଗଡ଼, କୋକସରା ଓ କଲମପୁର ବ୍ଲକ କୁ ନେଇ ବିଜୁ ଜନତା ଦଳ ପକ୍ଷରୁ ୨୫ ତମ ପ୍ରତିଷ୍ଠା ଦିବସ ମହା ସମାରୋହରେ ପାଳିତ ହୋଇଯାଇଛି। ମୁଖ୍ୟ ଅତିଥି ଭାବେ ପୁର୍ବତନ ମନ୍ତ୍ରୀ ତଥା କଳାହାଣ୍ଡି ଜିଲ୍ଲା ସଭାପତି ପୁଷ୍ପେନ୍ଦ୍ର ସିଂଦେଓ ଯୋଗଦେଇ ୨୫ ବର୍ଷ ପ୍ରତିଷ୍ଠା ଦିବସ ପୂର୍ତ୍ତିରେ ଦଳ ପାଇଁ ତୃଣମୂଳ ସ୍ତରରୁ କାର୍ଯ୍ୟ କରୁଥିବା ଦଲୀୟ କର୍ମି ଓ ଧର୍ମଗଡ଼ ନିର୍ବାଚନ ମଣ୍ଡଳୀ ର ଜନସାଧାରଣ ଙ୍କୁ ଧନ୍ୟବାଦ ଦେଇଥିଲେ ଓ ନବୀନ ସରକାର ଙ୍କ ନିର୍ମଳ ଭାବମୂର୍ତ୍ତି ଓ ଜନ ହିତକର ଯୋଜନା କୁ ଶ୍ରେୟ ଦେଇଥିଲେ।

କାର୍ଯ୍ୟକ୍ରମରେ ଧର୍ମଗଡ଼ ବିଧାୟକ ମୋୖଷଧି ବାଗ,ରାଜ୍ୟ ୱେଲଫେୟାର  କମିଟି ର ଅଧ୍ୟକ୍ଷା କଲ୍ୟାଣି ନାଏକ ସମେତ ୩ ବ୍ଲକ ର ଜିଲ୍ଲା ପରିଷଦ ସଭ୍ୟ ସଭ୍ୟା, ବ୍ଲକ ସଭାପତି ଓ ଅନ୍ୟ କର୍ମକର୍ତ୍ତା ଉପସ୍ଥିତ ରହି ଆଗାମୀ ସାଧାରଣ ନିର୍ବାଚନ ରେ ପୁଣିଥରେ ନବୀନ ପଟ୍ଟନାୟକଙ୍କୁ ମୁଖ୍ୟମନ୍ତ୍ରୀ କରିବାକୁ ଦଲୀୟ କର୍ମକର୍ତ୍ତା ଙ୍କୁ ଗୁରୁମନ୍ତ୍ର ଦେଇଛନ୍ତି ।