04-Jan-2023

ବଲାଙ୍ଗୀର-ବଲାଙ୍ଗୀର ସହରର ୬୦% ବସତି ସରକାରୀ ଜବରଦଖଲ ଜମି ଉପରେ ବସିଛି । ସରକାର ଜବରଦଖଳ ଉଚ୍ଛେଦ କରିବାକୁ ବିଭିନ୍ନ ସମୟରେ ପଦକ୍ଷେପ ନେଉଛନ୍ତି । ପୂର୍ବରୁ ସୂର୍ଯନଗର,ବ୍ରାହ୍ମଣପଡା,ଫସଲାପତରି ଇତ୍ୟାଦି ଅଞ୍ଚଳରେ ଘରମାନେ ଭଙ୍ଗା ସରିଲାଣି । ଏବେ ଇଚ୍ଛାପଡା ଓ ଇନ୍ଦିରାନଗରରୁ ଜବରଦଖଳ ଉଚ୍ଛେଦ କରିବାକୁ ପ୍ରଶାସନ ଆଗେଇ ଆସିଛି । ଗତବର୍ଷ ମହାରାଣି ସାଗର ଉନ୍ନତିକରଣ  ଓ ଆଖପାଖ ଅଞ୍ଚଖରୁ ଜବରଦଖଲ ହଟାଇ ସୌନ୍ଦର୍ଯ୍ୟକରଣ କରିବାକୁ ବିଧାୟକ ନରସିଂହ ମିଶ୍ର ଶୀଳାନ୍ୟାସ କରିଥିଲେ । କିନ୍ତୁ ଜବରଦଖଲ ହଟାଇ ନାପରିବାରୁ କାମ ଆରମ୍ଭ ହୋଇନାହିଁ । ସ୍ଥାନୀୟ ଲୋକଙ୍କ ଜିଦ ମହାରାଣୀ ସାଗର ଭିତରୁ ପଙ୍କୋଦ୍ଧାର ନକରି ନକେବଳ ଉନ୍ନୟନ ନାମରେ ଅନୁଦାନ ହରିଲୁଟ୍ ଯୋଜନା ଚାଲିଛି । ଗରୀବ ଲୋକଙ୍କ ଘର ଭଙ୍ଗା ନଯାଇ ଯାହା ଉନ୍ନତିକରଣ କରାଯିବା କଥା କରାଯାଉ । ଏବେ କିଛି ପୂର୍ବରୁ କାଉନସିଲ ଗଠନ ପରେ ବଲାଙ୍ଗୀର ପୌରାଞ୍ଚଳରେ ପ୍ରସ୍ତାବ ମଧ୍ୟ ପାରିତ ହେଲା ଯେ,ଲୋକଙ୍କୁ ଉଚ୍ଛେଦ କରାନଯାଉ । କିନ୍ତୁ ବିଧାୟକଙ୍କ ଚାପରେ ପ୍ରଶାସନ ଘର ଭାଙ୍ଗିବାକୁ ବାରମ୍ବାର ନୋଟିସ କରୁଛି ବୋଲି ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ସେପଟେ ମହାରାଣୀ ସାଗରର ଉନ୍ନୟନ କାମ ହୋଇପାରୁନଥିବାରୁ ବିଧାୟକ ଅସନ୍ତୋଷ ଝାଡୁଥିବା ବେଳେ ଆସନ୍ତା ଜାନୁୟାରୀ ୬ ତାରିଖରେ ବଲାଙ୍ଗୀର ଏକ୍ସନ କମିଟି ବଲାଙ୍ଗୀର ବନ୍ଦ ଡାକରା ଦେଇଛି । ତେଣୁ ପ୍ରଶାସନ ତରଫରୁ ଆଜି ପୌରନିର୍ବାହୀ ଅଧିକାରୀ ସାମ୍ମି ଜୟଶ୍ରୀ ରେଡ୍ଡୀ ଆଜି କର୍ମଚାରୀଙ୍କୁ ସାଙ୍ଗରେ ନେଇ ଡାକବାଜି ଯନ୍ତ୍ରରେ ଘରଭାଙ୍ଗିବାକୁ ଘୋଷଣା କରାଇବା ସହ ୪୮ ଘଣ୍ଟାର ନୋଟିସ ଦେଇଛନ୍ତି । ଏହି ଘଟଣା ଜାଣିଲା ପରେ ପୌରାଧ୍ୟକ୍ଷା ଲିକା ସାହୁ,ଉପାଧ୍ୟକ୍ଷା ଗାୟତ୍ରୀ ଭୋଇ,ବରିଷ୍ଠ କାଉନସିଲର ଶମ୍ଭୁ ନାଗ ଓ ଅନ୍ୟାନ୍ୟ କାଉନସିଲର ପହଞ୍ଚି ସ୍ଥାନୀୟ ଲୋକଙ୍କ ସହିତ ପୌରନିର୍ବାହୀଅଧିକାରୀ ବିରୋଧ କରିଥିଲେ । ଖୋଦ ପୌରାଧ୍ୟକ୍ଷା ଓ ପୌରଅଧିକାରୀ ଘରଭଙ୍ଗା ପ୍ରସଙ୍ଗରେ ମୁହାଁମୁହିଁ ହୋଇଥିଲେ । ପୌରପରିଷଦକୁ ଅଣଦେଖା କରି ପୌରଅଧିକାରୀ ନୋଟିସ କରୁଥିବା ପୌରାଧ୍ୟକ୍ଷା ଲିକା ସାହୁ ଅଭିଯୋଗ କରି ପାଟିତୁଣ୍ଡ କରିଥିଲ । ଲୋକଙ୍କୁ ଭୟଭିତ କରି ଘରଭଙ୍ଗାଗଲେ ପରିଣତି ଭୟଙ୍କର ହେବ ବୋଲି ବରିଷ୍ଠ କାଉନସିଲର କହିଥିଲେ । ସ୍ଥାନୀୟ ଇଚ୍ଛାପଡା ଓ ଇନ୍ଦିରାନଗ୍ରର ଶହଶହ ମହିଳା ଘଟଣାସ୍ଥଳକୁ ଆସି ପାଟିତୁଣ୍ଡ କରିଥିଲେ । ଫଳରେ କିଛି ସମୟ ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥିଲା । ପରେ ନିର୍ବାହୀଅଧିକାରୀ ସେଠାରୁ କର୍ମଚାରୀଙ୍କୁ ନେଇ ଫେରିଆସିଥିଲେ । ମହାରାଣି ସାଗରର ଉନ୍ନତିକରଣ ନାମରେ ଇଚ୍ଛାପଡା ଓ ଇନ୍ଦିରାନଗରରେ ଘରଭାଙ୍ଗିବାକୁ ଦାବି କରି ଆସନ୍ତା ୬ ତାରିଖରେ ଏକ୍ସନ କମିଟି ବନ୍ଦ ଡାକରା ଦେଇଥିôବା ବେଳେ ଘରନଭାଙ୍ଗିବାକୁ ସ୍ଥାନୀୟ ଲୋକେ ମଧ୍ୟ ଉକ୍ତଦିନ ଜିଲ୍ଲାପାଳ କାର୍ଯ୍ୟାଳୟକୁ ଘେରାଉ କରିବାକୁ ଚେତାବନୀ ଦେଇଛନ୍ତି । ତେଣୁ ସେହି ଦିନ ଏହି ଘଟଣାକୁ ନେଇ ଆଇନଶୃଙ୍ଖଳା ପରିସ୍ଥିତି ସୃଷ୍ଟି ହୋଇପାରେ ବୋଲି ଆଶଂକା କରାଯାଉଛି । ପ୍ରଶାସନ ସେଦିଗରେ ପଦକ୍ଷେପ ନେବାକୁ ଜନସାଧାରଣରେ ଦାବି ହେଉଛି ।