04-Jan-2023

ନୟାଗଡ଼,(ପ୍ରଦୀପ କୁମାର ପଣ୍ଡା): ନୟାଗଡ଼ ଜିଲ୍ଲା ଓଡ଼ଗାଁ ତହସିଲ ଅଧିନରେ ଥିବା ୭୦ରୁ ଉର୍ଦ୍ଧ ଖଣିରୁ ବେଆଇନ୍ ଭାବେ ମାଙ୍କଡ଼ା ପଥର ଚୋରା ଚାଲାଣ କରାଯାଇ ରାଜ୍ୟ ସରକାରଙ୍କ କୋଟି କୋଟି ଟଙ୍କାର ରାଜସ୍ୱ ହରିଲୁଟ୍ କରୁଥିବା ନେଇ ଖବର ପ୍ରକାଶତି ହେବା ପରେ ତହସିଲ ପ୍ରଶାସନର ଓ ଦଲାଲଙ୍କ ମୁଣ୍ଡ ବିନ୍ଧାର କାରଣ ପାଲଟିଥିଲା । ଯାହାକୁ ନେଇ ଦଲାଲଙ୍କ କୁଟଚକ୍ରାନ୍ତରେ କିଛି ଗଣମାଧ୍ୟମ ପ୍ରତିନିଧି ଏହାକୁ ସହ୍ୟ କରି ନପାରି କପୋଳକଳ୍ପିତ ଖବର ପ୍ରକାଶ କରାଯାଇଛି ବୋଲି ନିଜ ନିଜ ଗଣମାଧ୍ୟମରେ ସ୍ଥାନୀତ କରିଥିଲେ । ତେବେ କିଏ କପୋଳକଳ୍ପିତ ଖବର ପ୍ରକାଶ କରୁଥିଲେ ତାହା ଜିଲ୍ଲାପ୍ରଶାସନର ସୂଚନା ସ୍ପଟ କରିଛି । ଖବର ପ୍ରକାଶନ ପରେ ଜିଲ୍ଲାପାଳ ରବିନ୍ଦ୍ରନାଥ ସାହୁ ଓ ଉପ ଜିଲ୍ଲାପାଳ ଶଶିକାନ୍ତ ରାୟ ଓଡ଼ଗାଁ ଗସ୍ତ କରିଥିଲେ ।  ବିଭିନ୍ନ ସ୍ଥାନକୁ ଯାଇ ଟିକିନିକି ପରଖିବା ପରେ ଓଡ଼ଗାଁ କୋମଣ୍ଡ ସ୍ଥିତ ମାଙ୍କଡ଼ା ପଥର ଖଣିରେ ଅନିୟମିତତା ହେଉଥିବାର ଦେଖିବା ପରେ କୋମଣ୍ଡ ଆରଆଇଙ୍କୁ କାର୍ଯ୍ୟରୁ ନିଲମ୍ବିତ କରିବା ସହ ଓଡ଼ଗାଁ ତହସିଲଦାରଙ୍କୁ ଏକ କାରଣ ଦର୍ଶାଅ ନୋଟିସ୍ ଜାରି କରିଛନ୍ତି । ତାସହିତ ତହସିଲଦାରଙ୍କ ନାମରେ ଏକ ପ୍ରୋସିଡିଂ ପାଇଁ ଉପଜିଲ୍ଲାପାଳ ଶଶିକାନ୍ତ ରାୟଙ୍କ ଅଧ୍ୟକ୍ଷତାରେ ଏକ ଟିମ୍ ଗଠନ କରାଯାଇ ପୁଙ୍ଖାନୁପୁଙ୍ଖ ତଦନ୍ତ କରାଯାଇ ୧୫ଦିନ ଭିତରେ ରିପୋର୍ଟ ଦେବାକୁ ଜିଲ୍ଲାପାଳ ଶ୍ରୀ ସାହୁ ନିର୍ଦ୍ଦେଶ ଦେଇଛନ୍ତି ।