04-Jan-2023

ସମ୍ବଲପୁର (ସଂଜୀବ ପାଣିଗ୍ରାହୀ)
ପୁଷପୁନି ହୀରାଖଣ୍ଡ ଅଂଚଳର ଏକ ମୁଖ୍ୟ ଗଣପର୍ବ I କୃଷକ ଓ କୃଷି କର୍ମରେ ନୀର୍ଭରଶୀଳ ଜନତା ପ୍ରାୟତଃ ଦଶ ମାସ ଧରି ଦିନ ରାତି କଠିନ ପରିଶ୍ରମ କରିଥାନ୍ତି l ମାର୍ଗଶିର ପୌଷ ମାସରେ  ଫସଲ  ଅମଳ ହୋଇ ଘରକୁ ଆସେ l କୃଷକ ମାନେ ଆତ୍ମସନ୍ତୋଷ ଲାଭ କରନ୍ତି l ପୁଷପୁନି ଦିନ ସୁସ୍ୱାଦୁ ପୀଠlପନା  ବ୍ୟଞ୍ଜନ ଓ ଆମିଷ ଆଦିର ଭୁରିଭୋଜନ ବ୍ୟବସ୍ଥା ହୁଏ ପ୍ରତ୍ୟେକ ପରିବାରରେ l ନିମନ୍ତ୍ରଣ, ଖାଦ୍ୟ ପଦାର୍ଥର ଆଦାନ ପ୍ରଦାନର ଏହା ଭାଇଚାରାର ପର୍ବ l ଏହା ସହ ଆୟୋତିତ ହୁଏ ବିଭିନ୍ନ ସାମୁହିକ ଖେଳକୁଦର, ପୀଠପନା ତିଆରି ଓ ନାଚଗୀତ ପ୍ରତିଯୋଗିତା l ସମସ୍ତେ ହୋଇ ଉଠନ୍ତି ଉତ୍ସାଵ ମୁଖର l ପୁଷପୁନି ପରି ଏକ ମହାନ ଗଣପର୍ବରେ ପୂର୍ବରୁ ଛୁଟି ହେଉଥିଲା l  ମାତ୍ର କିଛି ବର୍ଷ  ହେଲାଣି ଛୁଟି ଘୋଷଣl  କରାଯାଉ ନାହିଁ l ତେଣୁ ଆସନ୍ତା ୬ ତାରିଖ ଦିନ ଏବଂ ଆଗାମୀ ବର୍ଷ ମାନଙ୍କରେ ଏହି ପରମ୍ପରା ବଜାୟ ରଖି  ପୁଷ୍ପପୁନି ଦିନକୁ ସ୍ଥାନୀୟ ଛୁଟି ଦିବସ ଭାବରେ  ଘୋଷଣା କରିବାକୁ ହୀରାଖଣ୍ଡ ସାମ୍ମୁଖ୍ୟର ସଭାପତି ଡ଼ ପରେଶ ଚନ୍ଦ୍ର ଦାନୀ, ରାଜେନ୍ଦ୍ର କୁମାର ପଣ୍ଡା, ଅଖିଳ ରଞ୍ଜନ ପଟନାୟକ, ତର୍ପଣ କୁମାର ପ୍ରଧାନ ପ୍ରମୁଖ ଉତ୍ତରାଞ୍ଚଳ ରାଜସ୍ବ କମିଶନରଙ୍କ ଠାରେ ଦାବି କରିଛନ୍ତି I