02-Jan-2023

ବଲାଙ୍ଗିର(ପ୍ରେରଣା ଖବର)  ବଲାଙ୍ଗିର ନିକଟସ୍ଥ ଖଲିଆପାଲି ଆମ୍ବେଦକର ଷ୍ଟାଡିଅମ ଠାରେ ଜଗନ୍ନାଥ ସ୍ପୋର୍ଟିଂ କ୍ଲବ ଖଲିଆପାଲି ଓ ସ୍ପୋର୍ଷ୍ଟ ହଷ୍ଟେଲ ବଲାଙ୍ଗିର ମିଲିତ ଆନୁକୁଲ୍ୟରେ ତୃତୀୟ ବର୍ଷ କୋଚ ଶିବ ପ୍ରସାଦ ପଟ୍ଟନାୟକ ସ୍ମାରକୀ ଫୁଟବଲ ଟୁର୍ଣ୍ଣାମେନ୍ଟ ଚତୁର୍ଥ ଦିନରେ ମୁଖ୍ୟ ଅତିଥି ଭାବେ ଅବସରପ୍ରାପ୍ତ ସିଆରପିଏଫ୍ ଜବାନ୍ ମାନସିଂ ସେଠ ଯୋଗ ଦେଇ ଦେଇଥିଲେ । ସମ୍ମାନିତ ଅତିଥି ବିଡିଜିଏ ସଂପାଦକ ସଂଗ୍ରାମ ବହିଦାର ଓ ଭୁପେନ୍ଦ୍ର ପସାଦ ସିଂ ଯୋଗଦେଇ ଖେଳାଳି ମାନଙ୍କ ଉତ୍ସାହିତ କରିଥିଲେ । କମିଟି ସଂପାଦକ ଅଭିମନ୍ୟୁ ପାଣ୍ଡେଙ୍କ ତତ୍ୱାବଧାନରେ ଅନୁଷ୍ଟିତ ଏହି ଖେଳରେ କମିଟି ସଭାପତି ନାରାୟଣ ବିଶ୍ୱାଲ ଅଧ୍ୟକ୍ଷତା କରିଥିଲେ । ଆଜିର ୪ର୍ଥ ଦିନ ଖେଳରେ ନକଟାସର ୬-୦ ଗୋଲ ରେ ସରକାରୀ ଆଇଟିଆଇ ହିରାକୁଦ କୁ ହରାଇ ବିଜୟୀ ହୋଇଥିଲେ । ଖେଳକୁ ପ୍ରଫୁଲ୍ଲ କୁମାର ବଗର୍ତ୍ତି, ବିଜୟ କୁମାର ରଣା, ଶ୍ରବଣ କୁମାର ବାଗ ଏବଂ ସଂଜିବ ମହାରଣା ପରିଚାଳନା କରିଥିଲେ । ଗତ କାଲି ପ୍ରଥମ ସେମିଫାଇନାଲ ତେନ୍ତୁଳିଖୁଣ୍ଟି ବନାମ ଆଗଲପୁର ମଧ୍ୟରେ ଅନୁଷ୍ଠିତ ହେବ । କମିଟିର ବିଶ୍ୱନାଥ ସୁନା, ଜନାର୍ଦ୍ଦନ ପାଣ୍ଡେ, କହ୍ନାଇ ଗଡତିଆ, ପ୍ରସାନ୍ତ ପଧାନ, ସୁର୍ଯ୍ୟମଣୀ ସୁନା, ସଚ୍ଚିଦାନନ୍ଦ ଭୁକ୍ତା, ଅନୁପ କୁମାର ସାଏ, ସୁକଦେବ ସାହୁ, ଚିତ୍ତ ବିଶ୍ୱାଲ ଏବଂ ମନ ବିଶ୍ୱାଲ ପ୍ରମୁଖ ସହଯୋଗ କରିଥିଲେ ।