11-Dec-2022

ବଲାଙ୍ଗିର,ବଲାଙ୍ଗୀର ଜିଲ୍ଲା ପୁଇଁତଳା ବ୍ଲକର ମହିମୁଣ୍ଡା ସରସ୍ୱତୀ ଶିଶୁବିଦ୍ୟାମନ୍ଦିରରେ ଦୁଇଦିନ ଧରି ଚାଲିଥିବା ୨୧ତମ ବାର୍ଷିର୍କ କ୍ରୀଡାଉତ୍ସବ ଆଜି ଉଦଯାପିତ ହୋଇଯାଇଛି ।  ହାଇସ୍କୁଲପଡିଆଠାରେ ଶିଶୁମନ୍ଦିରର ପ୍ରଧାନଆଚାର୍ଯ୍ୟ ପଞ୍ଚାନନ ତ୍ରୀପାଠୀଙ୍କ ସଭାପତିତ୍ୱରେ ଅନୁଷ୍ଠିତ ଉଦଯାପନୀ ଉତ୍ସବରେ ମୁଖ୍ୟଅତିଥି ଭାବରେ ପୁଇଁତଳା ବ୍ଲକଅଧ୍ୟକ୍ଷ ସରୋଜକୁମାର ପଧାନ,ସମ୍ମାନୀତ ଅତିଥି ଭାବରେ ଜିଲ୍ଲା ଶିକ୍ଷାଧିକାରୀଙ୍କ କାର୍ଯ୍ୟାଳୟର ଜିଲ୍ଲା କ୍ରୀଡାସଂଯୋଜକ ଅନ୍ତର୍ଯ୍ୟାମୀ ବିଶ୍ୱାଳ, ମହିମୁଣ୍ଡା ସରପଞ୍ଚ ରଂଜିତା ଭୋଇ,ସ୍କୁଲ ପରିଚାଳନା କମିଟିର ସଭାପତି ଶିକ୍ଷାବିଦ ଗଗନବିହାରି ପଧାନ ଓ ମୁଖ୍ୟବକ୍ତା ଭାବରେ ବରିଷ୍ଠ ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା ଯୋଗଦେଇଥିଲେ । ମହିମୁଣ୍ଡା ସ୍କୁଲରେ ଶୈକ୍ଷିକ ବାତାବରଣ ରହିଛି କିନ୍ତୁ ଅନେକ ଭିତ୍ତିଭୂମୀ ନିର୍ମାଣ ପାଇଁ ବାକିଆ ରହିଛି । ସେସବୁ ଭିତ୍ତିଭୂମୀର ନିର୍ମାଣ ପାଇଁ ପଦକ୍ଷେପ ନିଆଯିବ ବୋଲି ମୁଖ୍ୟଅତିଥି ଶ୍ରୀ ପଧାନ କହିଥିଲେ ।

ସେହିପରି ବକ୍ତାଭାବରେ ଯୋଗଦେଇଥିବା ସାମ୍ବାଦିକ ପୂର୍ଣ୍ଣଚନ୍ଦ୍ର ପଣ୍ଡା ବିଦ୍ୟାଳୟ ସ୍ତରରେ ହେଉଥିବା କ୍ରୀଡାରେ ଯେଉଁ ଛାତ୍ରଛାତ୍ରୀ ପ୍ରତିଯୋଗୀତାମୂଳକ ମନୋଭାବ ଦେଖାନ୍ତି ସେମାନେ ଜୀବନରେ ଉନ୍ନତି କରିଥାନ୍ତି ବୋଲି କହିଥିଲେ । କ୍ରୀଡା ଜୀବନକୁ ଶୃଙ୍ଖଳ ଓ ସୁସ୍ଥ କରିଥାଏ ବୋଲି ଅନ୍ତର୍ଯ୍ୟାମୀ ବିଶ୍ୱାଳ କହିଥିଲେ । ସଭା ଶେଷରେ କୃତୀପ୍ରତିଯୋଗୀମାନଙ୍କୁ ମାନପତ୍ର ଓ ମେମେଣ୍ଟୋଦେଇ ଅତିଥିଗଣ ପୁରସ୍କୃତ କରିଥିଲେ । ପ୍ରଥମରେ ଛାତ୍ରଛାତ୍ରୀଙ୍କ ଦ୍ୱାରା ଖୁବସୁନ୍ଦର ସ୍ୱାଗତସଂଗୀତ ପରିବେଷଣ କରାଯାଇଥିଲା । ଏହି ଅବସରରେ ଛାତ୍ରଛାତ୍ରୀଙ୍କ ମାଆମାନଙ୍କ ମଧ୍ୟରେ ମଧ୍ୟ ବିଭିନ୍ନ ପ୍ରତିଯୋଗୀତା କରାଯାଇଥିଲା । କାର୍ଯ୍ୟକ୍ରମକୁ ଗୁରୁଜୀ ଜିତେନ୍ଦ୍ର ଭୋଇ ପରିଚାଳନା କରିଥିବା ବେଳେ ସମସ୍ତ ଗୁରୁଜୀ ଗୁରୁମାମାନେ ସହଯୋଗ କରିଥିଲେ ।