09-Dec-2022

ସମ୍ବଲପୁର (ସଂଜୀବ ପାଣିଗ୍ରାହୀ)
 ରାଜ୍ୟ ମହିଳା ଓ ଶିଶୁ ବିକାଶ ବିଭାଗ ପକ୍ଷରୁ ୧୬ ଗୋଟି ଜିଲ୍ଲା ଶିଶୁ କଲ୍ୟାଣ ସମିତି ଗୁଡିକର ପୁନର୍ଗଠନ ପାଇଁ ବିଜ୍ଞପ୍ତି ପ୍ରକାଶ ପାଇଛି l ବିଜ୍ଞପ୍ତି ସଂଖ୍ୟା ୨୦୫୪୭ ଅନୁଯାୟୀ ସମ୍ବଲପୁର ଜିଲ୍ଲା ଶିଶୁ କଲ୍ଯାଣ ସମିତିର ଅଧ୍ୟକ୍ଷ ରୂପେ ବିଶିଷ୍ଟ ଶ୍ରମିକ ନେତା, ସମାଜସେବୀ ପ୍ରଶାନ୍ତ କୁମାର ପାଢ଼ୀଙ୍କୁ ନିଯୁକ୍ତି ମିଳିଛି I ସମିତି ର ସଦସ୍ୟ ରୂପେ ସାମ୍ବାଦିକ ଶିବ ଶଙ୍କର ନନ୍ଦ, ଯଦୁମଣି କୁମ୍ଭାର, କବିତା ପଣ୍ଡା ଓ ବାସନ୍ତୀ ବେହେରା ନିଯୁକ୍ତି ପାଇଛନ୍ତି I ଗତ ୧୫ ଜୁଲାଇ ଦିନ ଉଚ୍ଚ ନ୍ୟାୟାଳୟର ବିଚାରପତି ଜଷ୍ଟିସଙ୍କ ଅଧ୍ୟକ୍ଷତାରେ ଗଠିତ କମିଟି ନିଯୁକ୍ତି ଚୟନ ପରୀକ୍ଷା କରିଥିଲେ l ଅଧ୍ୟକ୍ଷ ରୂପେ ନିଯୁକ୍ତି ପାଇଥିବା ଶ୍ରୀପାଢୀ ପୂର୍ବରୁ କିଶୋର ନ୍ୟାୟ ବୋର୍ଡ ର ସଦସ୍ୟ ରୂପେ ୭ ବର୍ଷ କାର୍ଯ୍ୟ କରିଛନ୍ତି I କେନ୍ଦ୍ର ଓ ରାଜ୍ଯ ସରକାରଙ୍କ ବିଭିନ୍ନ ବିଭାଗ ପକ୍ଷରୁ ଅନୁଷ୍ଠିତ ଗୁଡ଼ାଏ ପ୍ରଶିକ୍ଷଣ କାର୍ଯ୍ୟକ୍ରମ ରେ ଯୋଗ ଦେଇଛନ୍ତି I ଆଇନ ସେବା ଯୋଗାଇଦେବା, ସାମାଜିକ କାର୍ଯ୍ୟ, ସାମ୍ବାଦିକତା, ଶ୍ରମିକ ସଙ୍ଗଠନ କ୍ଷେତ୍ରରେ ଉଲ୍ଲେଖନୀୟ ଅଭିଜ୍ଞତା ମଧ୍ୟ ରହିଛି I ପୂର୍ବରୁ ରାଜ୍ଯ ସରକାରଙ୍କ ରାଜ୍ଯ ଶ୍ରମ ସଂସ୍ଥାର ନିର୍ଦ୍ଦେଶକ ,ଶ୍ରମ ଉପଦେଷ୍ଟା ପରିଷଦ, ସର୍ବନିମ୍ନ ମଜୁରୀ ବୋର୍ଡ ,ଶିଶୁ ଶ୍ରମିକ ଉପଦେଷ୍ଟା ପରିଷଦ, ପୂର୍ବତଟ ରେଲ ଉପଦେଷ୍ଟା ସମିତି ର ସଦସ୍ୟ ରହିଛନ୍ତି I ତାଙ୍କ ନିଯୁକ୍ତିକୁ ସବୁ ମହଲରେ ସ୍ୱାଗତ କରାଯାଇଛି